រាជធានីភ្នំពេញ ៖ នៅលើលោកនេះ អ្វីៗគ្រប់យ៉ាងពិតជាអាចកើតមានពិតមែន និងមានអ្វីជាច្រើនដែលយើងពិតជាមិនអាចនឹកស្មានដល់ តួយ៉ាងដូចជា សម្ភារៈ របស់របរប្រើប្រាស់ វត្ថុបុរាណនានា សុទ្ធតែអាចមានតម្លៃលើសពីតម្លៃពិតរបស់វា មានន័យថា របស់ទាំងនេះមានអាយុកាលកាន់តែយូរ វាពិតជាមានតម្លៃកាន់តែខ្ពស់ ។
នៅក្នុងបញ្ជីកាក់ដែលថ្លៃជាងគេលើលោកមាន ចំនួន ១០ កាក់ ប៉ុន្តែយើងសូមលើកយកកាក់តែ ១ មកបង្ហាញដែលវាជាកាក់ថ្លៃបំផុតក្នុងពិភពលោក ។ វាពិតជាគួរឱ្យភ្ញាក់ផ្អើលដែលកាក់ ១ ដុល្លារ ឬ ២០ ដុល្លារអាចមានតម្លៃរាប់លានដុល្លារនាពេលបច្ចុប្បន្ននេះ ដោយសារតែនៅលើកាក់ខ្លះ មានពាក្យដែលបាត់ ឬកំហុសក្នុងការបោះពុម្ព ដែលវាបានក្លាយជាកាក់កម្រ ។
កាក់ ដែលមានឈ្មោះថា ៖ Flowing Hair Silver/Copper Dollar (១៧៩៤/៥) កាក់នេះមានតម្លៃ ១០ លានដុល្លារអាមេរិក វាបានជាប់កំណត់ត្រាជាកាក់ថ្លៃបំផុតនៅលើពិភពលោក ក្នុងឆ្នាំ ២០១៣ ។ អ្នកជំនាញផ្នែកស្រាវជ្រាវជាច្រើននាក់នៅ Numismatic ជឿជាក់ថា នេះគឺជាកាក់ប្រាក់ដំបូងបំផុត ដែលត្រូវបានចែង និងចេញដោយរដ្ឋាភិបាលសហព័ន្ធអាមេរិក ។
អណ្តូងរ៉ែនៅក្នុងសហរដ្ឋអាមេរិក បានបើកដំណើរការដំបូងនៅឆ្នាំ ១៧៩២ នៅក្នុងរយៈពេល ២ ឆ្នាំដំបូងនៃការបើកនេះ សហរដ្ឋអាមេរិកបានផលិតប្រាក់កាក់ដែលធ្វើតែពីស្ពាន់ និងកាក់ដែលមានលំនាំស្រាប់តែប៉ុណ្ណោះ ក្រោយមកទើបកាក់ចាប់ផ្តើមផលិតពីប្រាក់ ។ ក្រុមអ្នកប្រមូលកាក់ ដើម្បីរក្សាទុកកាក់ប្រវត្តិសាស្ត្រ បាននិយាយថា កាក់ទាំងនេះមានអាយុកាលមិនក្រោម ២០០ ឆ្នាំនោះទេ ដូចនេះបានជាប្រាក់កាក់អស់ទាំងនេះរឹតតែមានតម្លៃកប់ពពកបែបនេះ ៕ ប្រភព ៖ wealthygorilla
ចែករំលែកព័តមាននេះ