ខេត្តព្រះសីហនុ ៖ ប្រភពពីស្រុកកំពង់សីលាខេត្តព្រះសីហនុបានឱ្យដឹងថា កាលពីវេលាម៉ោង៣រសៀលថ្ងៃទី១៧ កុម្ភ: ២០១៦ កម្លាំងគណៈបញ្ជាការឯកភាពស្រុកកំពង់សីលា ដឹកនាំដោយលោក តុប ពេញ អភិបាលរងស្រុក បានចុះទៅចម្ការដ៏ធំមួយ មានទី
ខេត្តព្រះសីហនុ ៖ ប្រភពពីស្រុកកំពង់សីលាខេត្តព្រះសីហនុបានឱ្យដឹងថា កាលពីវេលាម៉ោង៣រសៀលថ្ងៃទី១៧ កុម្ភ: ២០១៦ កម្លាំងគណៈបញ្ជាការឯកភាពស្រុកកំពង់សីលា ដឹកនាំដោយលោក តុប ពេញ អភិបាលរងស្រុក បានចុះទៅចម្ការដ៏ធំមួយ មានទីតាំងនៅភូមិអូរតាហយ ឃុំស្ទឹងឆាយ ស្រុកកំពង់សីលា ខេត្តព្រះសីហនុ គោលបំណងចុះទៅពិនិត្យ និងធ្វើរដ្ឋបាលក្នុងភូមិសាស្ត្រមូលដ្ឋាន ។
សេចក្តីរាយការណ៍បន្តថា នៅពេលកម្លាំងគណ:បញ្ជាការឯកភាពស្រុកចុះទៅដល់ ស្រាប់តែកំលាំងយោធាចាំចម្ការបានផ្ទុះអាវុធចំនួន៨គ្រាប់ ដោយកាំភ្លើងAK៤៧ ធ្វើឱ្យកម្លាំងគណ:បញ្ជាការឯកភាពស្រុករត់ជាន់ជើងគ្នា ។ ក្រោយកើតមានករណីផ្ទុះអាវុធនោះ កម្លាំងគណ:បញ្ជាការឯកភាព ដែលមានចិត្តអង់អាចក្លាហាន បានឃាត់ខ្លួនអ្នកចាំចម្ការ២នាក់នោះ ដែលម្នាក់ឈ្មោះហ៊ុន
ហ៊ន ភេទប្រុស អាយុ៣៨ឆ្នាំ ឋាន:អនុសេនីយ៍ឯក ជាយោធាង៧០ មានទីលំនៅភូមិតាស្អាង ឃុំចំលង ស្រុកស្វាយជ្រុំ ខេត្តស្វាយរៀង និងម្នាក់ទៀតឈ្មោះជឹម សុភាព ភេទប្រុស អាយុ៣៤ឆ្នាំ ឋាន:ពលទោជាយោធាដូចគ្នា មានទីលំនៅភូមិព្រែកក្តាម ឃុំកោះចិន ស្រុកពញាឮ ខេត្តកណ្តាល ។
យោធាចាំចម្ការ២នាក់នោះ ត្រូវកម្លាំងគណៈបញ្ជាការឯកភាពនាំខ្លួនយកទៅសួរ ហើយអាចប្រគល់ឱ្យទៅកម្លាំងសមត្ថកិច្ចកងរាជអាវុធហត្តស្រុកចាត់ចែងតាមនីតិវិធី ។
ចែករំលែកព័តមាននេះ