ខែមីនា និង មេសា ធាតុអាកាសក្តៅហួតហែង ឯបាតុភូតផ្គររន្ទះ ខ្យល់កន្ត្រាក់កើតឡើងច្រើន
ខែមីនា និងមេសា ធាតុអាកាសក្តៅខ្លាំង និងរន្ទះ ខ្យល់កន្ត្រាក់ នឹងកើតឡើងច្រើន
ខែមីនា និងមេសា ធាតុអាកាសក្តៅខ្លាំង និងរន្ទះ ខ្យល់កន្ត្រាក់ នឹងកើតឡើងច្រើន
រាជធានីភ្នំពេញ ៖ នៅរដូវប្រាំងនេះ អាកាសធាតុបន្តក្តៅហួតហែងសម្រាប់ខែមីនា និងមេសា ចំណែកបរិមាណទឹកភ្លៀងកក់ខែមានចំនួនតិចតួច ប៉ុន្តែបាតុភូតផ្គររន្ទះ ខ្យល់កន្ត្រាក់នឹងកើតឡើងច្រើន ។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ចុះថ្ងៃទី១៧ ខែកុម្ភៈ ឆ្នាំ២០១៦។
តាមការព្យាករក៏បានឱ្យដឹងដែរថា នៅដើមរដូវវស្សាគឺចាប់ពីខែឧសភានិងខែកក្កដា ក៏នៅតែមានភ្លៀងធ្លាក់តិចតួច ឯបាតុភូតផ្គររន្ទះ និងខ្យល់កន្ត្រាក់នៅតែមានច្រើនដដែល ។ ជាមួយគ្នានេះ ចាប់ពីពាក់កណ្តាលខែកក្កដា ក៏ជាកូនរដូវប្រាំងរហូតដល់ចុងខែនេះដែរ ។
សេចក្តីជូនដំណឹងដដែលបានឱ្យដឹងដែរថា របាយទឹកភ្លៀងដែលអាចធ្លាក់ច្រើន គឺចាប់ពីខែសីហារហូតដល់ចុងខែវិច្ឆិកា ។ យោងតាមការព្យាករណ៍ដដែល សម្រាប់ប្រជាកសិករ គឺត្រូវប្រឈមនឹងបញ្ហាមួយចំនួន ពិសេសការខ្វះទឹកស្រោចស្រព ខណៈដែលតំបន់ខ្លះខ្វះខាតទឹកប្រើប្រាស់រួចទៅហើយ ។
អ្វីដែលត្រូវប្រុងប្រយ័ត្នផងនោះ គឺខ្យល់កន្ត្រាក់ដែលតែងតែបង្កមហន្តរាយដល់លំនៅឋានអស់រាប់រយខ្នង នៅតាមបណ្តាខេត្តនានា ហើយរន្ទះក៏តែងតែយាយីដល់អាយុជីវិតផងដែរ។ ការទទួលបានព័ត៌មាននេះសង្ឃឹមថា ប្រជាពលរដ្ឋនឹងត្រៀមបម្រុងសម្រាប់ទប់ទល់នឹងគ្រោះធម្មជាតិនេះ ៕
ចែករំលែកព័តមាននេះ