រដ្ឋបាលខេត្តឧត្ដរមានជ័យ អបអរសាទរ «ទិវាអូហ្សូនពិភពលោក» និងដាំកូនឈើ នៅព្រៃសង្ឃរុក្ខាវ័ន
ខេត្តឧត្ដរមានជ័យ ៖ លោក ប៉ែន កុសល្យ អភិបាលនៃគណៈអភិបាលខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២១ អមដំណើរដោយលោកឧត្តមសេនីយ៍ទោ…
ខេត្តឧត្ដរមានជ័យ ៖ លោក ប៉ែន កុសល្យ អភិបាលនៃគណៈអភិបាលខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២១ អមដំណើរដោយលោកឧត្តមសេនីយ៍ទោ…
ខេត្តឧត្ដរមានជ័យ ៖ លោក ប៉ែន កុសល្យ អភិបាលនៃគណៈអភិបាលខេត្ត នៅព្រឹកថ្ងៃទី១៦ ខែកញ្ញា ឆ្នាំ២០២១ អមដំណើរដោយលោកឧត្តមសេនីយ៍ទោ ហួត សុធី ស្នងការនគរបាលខេត្ត បានអញ្ជើញចូលរួមដាំកូនឈើ ដើម្បីអបអរសាទរទិវាអូហ្សូនពិភពលោក ១៦ កញ្ញា ២០២១ ថែភពផែនដី ឲ្យត្រជាក់ និងបន្តអនុវត្តការពារស្រទាប់អូហ្សូន និងបរិយាកាសរបស់យើង ក្រោមប្រធានបទ «ពិធីសារម៉ុងរ៉េអាល់ ៖ បានជួយថែរក្សាយើង ម្ហូបអាហារ និងវ៉ាក់សាំងរបស់យើងឲ្យត្រជាក់» (Montreal Protocol-Keeping us, our food and vaccines cool) និងដាំកូនឈើ នៅក្នុងបរិវេណព្រៃសង្ឃរុក្ខាវ័ន ។
សូមបញ្ជាក់ថា រាជរដ្ឋាភិបាល និងប្រជាជនកម្ពុជា បានចូលរួមអបអរសាទរយ៉ាងកក់ក្តៅជាមួយបណ្តារដ្ឋាភិបាល និងប្រជាជននៃប្រទេសបណ្តាប្រជាជាតិចំនួន១៩៨ នៅលើសកលលោក ដែលកំពុងរួមគ្នាប្រារព្ធទិវាអូហ្សូនពិភពលោក ឆ្នាំ២០២១នេះផងដែរ ។
លេខាធិការដ្ឋានអូហ្សូន នៃអង្គការកម្មវិធីបរិស្ថានសហប្រជាជាតិ កំណត់យកថ្ងៃទី១៦ ខែកញ្ញា ជាថ្ងៃប្រារព្ធខួប «ទិវាអូហ្សូនពិភពលោក» ជារៀងរាល់ឆ្នាំ ចាប់តាំងពីឆ្នាំ១៩៩៥ មក ដើម្បីរម្លឹកដល់ថ្ងៃបង្កើតពិធីសារម៉ុងរ៉េអាល់ ក៏ដូចជាអបអរសាទរដល់សមិទ្ធផល និងវឌ្ឍនភាពជាច្រើន ដែលយើងរួមគ្នាសម្រេចបាន សំដៅឆ្ពោះទៅការពារឱ្យបាននូវស្រទាប់អូហ្សូន ។
ពិភពលោកកំពុងប្រារព្ធ «ទិវាអូហ្សូនពិភពលោក» ដែលត្រូវជាខួបលើកទី៣៦ នៃការបង្កើត «អនុសញ្ញាទីក្រុងវីយ៉ែន ស្តីពីកិច្ចការពារស្រទាប់អូហ្សូន» ក្នុងឆ្នាំ១៩៨៥ និងត្រូវជាខួបលើកទី៣៤ នៃ ការបង្កើត«ពិធីសារម៉ុងរ៉េអាល់ស្តីពីសារធាតុបំផ្លាញស្រទាប់អូហ្សូន» ក្នុងឆ្នាំ១៩៨៧ ៕
ចែករំលែកព័តមាននេះ