រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសបន្ដធ្វើជានាយករដ្ឋមន្ដ្រី គ្មានពេលកំណត់ គឺដើម្បីការពាររាជានិយម…
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសបន្ដធ្វើជានាយករដ្ឋមន្ដ្រី គ្មានពេលកំណត់ គឺដើម្បីការពាររាជានិយម និងការពាររាជបល្ល័ង្គ ។
ថ្លែងក្នុងពិធី បើកយុទ្ធនាការចាក់វ៉ាក់សាំងការពារជំងឺកូវីដ- ១៩ ជូនកុមារអាយុពី៦ឆ្នាំ ដល់អាយុក្រោម១២ឆ្នាំ នៅថ្ងៃទី១៧ ខែកញ្ញា ឆ្នាំ២០២១ សម្តេចតេជោ ហ៊ុន សែន បានមានប្រសាសន៍ថា មេឧទ្ទាមនៅក្រៅប្រទេសបានរកវិធីសាស្ដ្រគ្រប់បែបយ៉ាង ដើម្បីបំផ្លាញសម្ដេច តែបំផ្លាញមិនរួច ។
សម្តេចតេជោបន្តថា មានអ្នកខ្លះ រកវិធីបំផ្លាញ សម្តេចដោយថា សម្តេចបានស្លាប់បាត់ទៅហើយ សម្តេចបានរៀបវះកាត់ហើយ ត្រូវតែប្រគល់អំណាចទៅឲ្យសម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ធ្វើជានាយករដ្ឋមន្ដ្រីកម្ពុជាវិញ ។
សម្តេចតេជោ បន្តទៀតថា ប៉ុលពត ក៏រកវិធីបំផ្លាញ សម្ដេចដែរ ប៉ុន្ដែត្រូវចាញ់ក្នុងដៃរបស់សម្ដេចទៅវិញ ។ សម្ដេចក៏បានផ្ដាំផ្ញើទៅដល់អ្នកវិភាគ ត្រូវធ្វើជាទស្សនវិទូ ឲ្យបានត្រឹមត្រូវ កុំធ្វើជាអាល្ងង់ទូ ។
សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ក៏បានប្រកាសទៀតថា សម្ដេចនឹងបន្ដធ្វើជានាយករដ្ឋមន្ដ្រីកម្ពុជា ដើម្បីការពាររាជានិយម និងការពាររាជបល្ល័ង្គ ខណៈដែលពួកក្រុមឧទ្ទាមទាំងអស់នេះ គឺខ្លាចតែសម្តេចទេ ៕
ចែករំលែកព័តមាននេះ