តាមក្បួនហុងស៊ុយចិនសែបានអះអាងថា គ្រែដែលអ្នកគេងជាប្រភពលើករាសី នាំសំណាង ចូលលាភជ័យសិរិមង្គលមហាប្រសើរ ប្រសិនបើអ្នកស្គាល់ពីរបៀបប្រើប្រាស់គ្រែគេងឱ្យបានត្រឹមត្រូវតាមក្បួនហុងស៊ុយ ។ ខាងក្រោមនេះសូមបង្ហាញអ្នកពីវិធីក្នុងការនាំលុយចូលក្នុងផ្ទះតាមរបៀបប្រើប្រាស់គ្រែគេងឱ្យបានត្រឹមត្រូវតាមក្បួន ។
ក្បួនតម្រាបានពន្យល់ថា គ្រែគេងរបស់អ្នកមិនគួរជាគ្រែរបស់អ្នកដទៃដែលគេងរួចហើយទេ មានន័យថា អ្នកគួរតែប្រើគ្រែថ្មីប្រសិនបើមានលទ្ធភាពទិញ ព្រោះគេងលើគ្រែអ្នកដទៃនឹងអាចធ្វើឲ្យប៉ះពាល់ដល់សិរីសួស្តី លាភសំណាង និងលំហូរចូលនៃមាសប្រាក់ ។
អ្នកមិនគួរដាក់គ្រែផ្នែកខាងស្តាំឲ្យជាប់នឹងជញ្ជាំង ឬបង្អួចនោះទេ ដោយត្រូវទុកចន្លោះដើរផងព្រោះអាចប៉ះពាល់ដល់ផ្លូវជំនៀងផ្ទះផង និងម្យ៉ាងទៀតអាចប៉ះពាល់ដល់មនោសញ្ចេតនាប្តីប្រពន្ធផង ។
ត្រណមគ្រែ អ្នកមិនគួរឲ្យអ្នកដទៃគេងលើគ្រែអ្នកផ្តេសផ្តាសទេ ពិសេសបុគ្គលដែលមានភេទផ្ទុយគ្នា ពីព្រោះគេងយូរៗទៅ អាចនឹងធ្វើឲ្យគូស្នេហ៍ទាំងពីរបែកបាក់គ្នាបាន ។
ដូចនេះអ្នកគួរតែប្រយ័ត្នពីគ្រែគេងរបស់អ្នកដូចសេចក្តីដែលបានពោលក្នុងអត្ថបទនេះ ទើបមានហុងស៊ុយ លុយហូរចូលមកឯង ៕ សាន សារិន
ចែករំលែកព័តមាននេះ