ខេត្តបន្ទាយមានជ័យ ៖ វត្តចំនួន៦ ក្នុងខេត្តបន្ទាយមានជ័យ ត្រូវបានរកឃើញព្រះសង្ឃឆ្លងកូវីដ.១៩ សរុបចំនួន៣៦អង្គ និងកំពុងបន្តបិទខ្ទប់វត្តចំនួន២ រហូតដល់ថ្ងៃទី១៧ ខែកញ្ញា ឆ្នាំ២០២១នេះ។
លោក បៀវ ថាន ប្រធានមន្ទីធម្មការនិងសាសនាខេត្តបន្ទាយមានជ័យ បានឱ្យដឹងនាថ្ងៃទី១៧ ខែកញ្ញា ឆ្នាំ២០២១ នេះថា កាលពីថ្ងៃទី១៦ ខែកញ្ញា ឆ្នាំ២០២១ អាជ្ញាធរបានបិទខ្ទប់ជាបណ្តោះអាសន្ននៅវត្តព្រះពន្លា ស្ថិតភូមិព្រះពន្លា សង្កាត់ព្រះពន្លា ក្រុងសិរីសោភ័ណ ដែលក្រុមគ្រូពេទ្យបានយកសំណាក់ព្រៈសង្ឃគង់ចាំព្រះវស្សាក្នុងចំណោម៦៤អង្គ បានរកឃើញវិជ្ជមានកូវីដ.១៩ ចំនួន១៥អង្គ និងកូនសិស្ស១នាក់។
លោកបានបញ្ជាក់ថា ក្នុងព្រឹត្តិការសហគមន៍២០ កុម្ភៈ នៅខេត្តបន្ទាយមានជ័យមានវត្តចំនួន៦ហើយដែលរកឃើញព្រះសង្ឃគង់ចាំវស្សាបានឆ្លងកូវីដ.១៩ សរុបចំនួន៣៦អង្គ និងសិស្ស១នាក់ ក្នុងនោះនៅក្រុងប៉ោយប៉ែតចំនួនវត្តចំនួន៤ គឺវត្តប៉ាលិលេយ្យ, វត្តអូរខៃដន, វត្តអូរឫស្សី និងវត្តស្រះត្រាច រកឃើញព្រះសង្ឃឆ្លងកូវីដ.១៩ សរុបចំនួន២០អង្គ និងក្រុងសិរីសោភ័ណមាន២វត្ត គឺវត្តថ្មី និងវត្តព្រៈពន្លា មានព្រៈសង្ឃឆ្លងកូវីដ.១៩ សរុបចំនួន១៦អង្គ និងសិស្ស១នាក់។
លោក បៀវ ថាន បានបញ្ជាក់ថា ក្រោយរកឃើញព្រះសង្ឃឆ្លងកូវីដ.១៩ សរុបចំនួន៣៦អង្គ ក្នុងវត្តចំនួន៦ ត្រូវបានអាជ្ញាធរបិទខ្ទប់រយៈពេល១៤ថ្ងៃ ដើម្បីការពារនិងទប់ស្កាត់ មិនអោយឆ្លងរីករាលដាលចូលក្នុងសហគមន៍ រហូតដល់ថ្ងៃទី១៧ ខែកញ្ញា ឆ្នាំ២០២១នេះ បានបើកអោយដំណើរការឡើងវិញនូវវត្តចំនួន៤នៅក្រុងប៉ោយប៉ែត និង២វត្តនៅក្រុងសិរីសោភ័ណមិនទាន់បើកដំណើរការនៅឡើយទេ ៕
ចែករំលែកព័តមាននេះ