កូវីដ-១៩៖ កម្ពុជាកត់ត្រាការឆ្លងថ្មីខ្ពស់បំផុតប្រចាំថ្ងៃដល់ ៦៩៨ នាក់ក្នុងរយៈពេលជាង១ខែចុងក្រោយ
- ភ្នំពេញ
រាជធានីភ្នំពេញ ៖ ក្រសួងសុខាភិបាលកម្ពុជា បានប្រកាសនៅមុននេះអំពីស្ថានភាពកូវីដ-១៩ ឆ្លងប្រចាំថា រកឃើញករណីឆ្លងថ្មីដល់ទៅ ៦៩៨ នាក់ កាលពីថ្ងៃទី ១៦…
រាជធានីភ្នំពេញ ៖ ក្រសួងសុខាភិបាលកម្ពុជា បានប្រកាសនៅមុននេះអំពីស្ថានភាពកូវីដ-១៩ ឆ្លងប្រចាំថា រកឃើញករណីឆ្លងថ្មីដល់ទៅ ៦៩៨ នាក់ កាលពីថ្ងៃទី ១៦…
រាជធានីភ្នំពេញ ៖ ក្រសួងសុខាភិបាលកម្ពុជា បានប្រកាសនៅមុននេះអំពីស្ថានភាពកូវីដ-១៩ ឆ្លងប្រចាំថា រកឃើញករណីឆ្លងថ្មីដល់ទៅ ៦៩៨ នាក់ កាលពីថ្ងៃទី ១៦ ខែកញ្ញា ឆ្នាំ២០២១ ដែលនេះគឺជាតួលេខនៃការឆ្លងខ្ពស់បំផុតប្រចាំថ្ងៃ ក្រោយពីអត្រានៃការឆ្លងកត់ត្រាធ្លាប់បានធ្លាក់ចុះមកនៅត្រឹមជាង ៤០០នាក់ស្តើងនាខែសីហា កន្លងទៅ ។
យោងតាមសេចក្តីប្រកាសព័ត៌មានរបស់ក្រសួងសុខាភិបាលចេញនៅថ្ងៃនេះ បានឱ្យដឹងថារកឃើញករណីឆ្លងថ្មី កូវីដ-១៩ មានចំនួន ៦៩៨នាក់ ជាសះស្បើយចំនួន៤៦៥ នាក់ និងស្លាប់ថ្មីចំនួន ១១ នាក់បន្ថែមទៀត ។ ប្រភពដដែលបានបន្តថា នៅក្នុងនោះមានករណីឆ្លងសហគមន៍ចំនួន ៥៤៧នាក់ នៃចំនួនឆ្លងសរុបជិត ៧០០ នាក់។
សូមបញ្ជាក់ថា អត្រានៃការឆ្លងប្រចាំថ្ងៃនៃវីរុសកូវីដ-១៩ បានកើនឡើងវិញជាង ៦០០ នាក់ក្នុងមួយថ្ងៃ ចាប់ពីថ្ងៃទី ០៩ ខែ កញ្ញារហូតមក ក្នុងនោះគឺការរកឃើញការឆ្លងនៅតាមផ្សារនិងទីប្រជុំជននៅតាមខេត្តមានការហក់ឡើងវិញ ។ ជាក់ស្តែងនៅទឹកដីអង្គរ លោក ទៀ សីហា អភិបាលខេត្តសៀមរាប បានព្រមានកាលពីយប់ ថ្ងៃទី១៦ ខែកញ្ញា ឆ្នាំ២០២១ នេះ ថា ក្រុងសៀមរាប នឹងដាក់ជា «តំបន់ក្រហម» ក្នុងពេលឆាប់ៗនេះ ដោយមូលហេតុបងប្អូនប្រជាពលរដ្ឋ មួយចំនួនមិនព្រមសហការ មិនអនុវត្តតាមការណែនាំ មិនចេះការពារខ្លួន និងក្រុមគ្រួសាររបស់ខ្លួន បន្តនាំអោយឆ្លងដល់អ្នកដទៃ ដែលមានការយល់ដឹង និងប្រុងប្រយ័ត្នខ្ពស់។
កម្ពុជាបានរកឃើញករណីកូវីដ-១៩ ដំបូងកាលពីថ្ងៃទី ២៧ ខែមករា ឆ្នាំ២០២០ នៅខេត្តព្រះសីហនុ លើបុរសជនជាតិចិន ។ គិតត្រឹមព្រឹក ថ្ងៃទី១៧ ខែកញ្ញា ឆ្នាំ២០២១ មានអ្នកឆ្លងជំងឺកូវីដ១៩សរុបនៅទូទាំងប្រទេសមានចំនួន ១០២ ៨៣៤នាក់ ជាសះស្បើយចំនួន ៩៦ ២៧៥ នាក់ និង អ្នកស្លាប់ដោយកូវីដ-១៩ ចំនួន ២ ០៨៩ នាក់ហើយ ៕
ចែករំលែកព័តមាននេះ