រាជធានីភ្នំពេញ ៖ រដ្ឋបាលរាជធានីភ្នំពេញ នៅថ្ងៃទី១៦ កញ្ញា ២០២១នេះ បានចេញសេចក្ដីណែនាំ ស្ដីពីការគ្រប់គ្រងសំរាម សំណល់រឹង នៅក្នុងភូមិសាស្ត្ររាជធានីភ្នំពេញ ដើម្បីឲ្យការអនុវត្តប្រព័ន្ធថ្មី នៃការគ្រប់គ្រងសំរាម សំណល់រឹង នៅរាជធានីភ្នំពេញ ឲ្យកាន់តែមានប្រសិទ្ធភាពខ្ពស់ រដ្ឋបាលរាជធានីភ្នំពេញ សូមធ្វើការណែនាំអំពីការញែក ការវេចខ្ចប់ ការទុកដាក់ និងការបញ្ចេញសំរាម សំណល់រឹង ។
អ្នករស់នៅក្នុងរាជធានីភ្នំពេញទាំងអស់ ត្រូវធ្វើការញែក វេចខ្ចប់ ទុកដាក់ និងបញ្ចេញសំរាមសំណល់រឹង ទៅតាមប្រភេទសំរាម តាមពេលវេលា និងថ្ងៃ ដែលត្រូវបានកំណត់ បើពុំដូច្នោះទេ នឹងប្រឈមការផាកពិន័យ ការប្ដឹងទៅតុលាការ និងផ្អាកអាជីវកម្មបណ្ដោះអាសន្នជាដើម ។
សេចក្តីណែនាំរបស់រដ្ឋបាលរាជធានីភ្នំពេញ នឹងត្រូវចាប់ផ្ដើមអនុវត្តចាប់ពីថ្ងៃទី១ ខែវិច្ឆិកា ឆ្នាំ២០២១ ខាងមុខនេះតទៅ ។
ត្រូវញែកសំរាម សំណល់រឹង ជា០២ប្រភេទ គឺសំរាមសើម និងសំរាមស្ងួត ដោយដាក់នៅក្នុងថង់ដាច់ដោយឡែកពីគ្នា ៖
-សំរាមសើម ៖ សំណល់ម្ហូបអាហារ សំណល់សរីរាង្គ ថ្លែឈើ ផ្កា ត្រូវដាក់ក្នុងថង់ពណ៌ខ្មៅ ។
-សំរាមស្ងួត ៖ ក្រដាស់ ក្រដាសកាតុង ឡាំង គ្រៀងប្លាស្ទីក ហ្វូម ជ័រ ដែក កំប៉ុង ដប.. ត្រូវដាក់ក្នុងថង់ពណ៌ស ។
សូមបញ្ជក់ថា ក្រុមហ៊ុននឹងធ្វើការប្រមូល និងដឹកជញ្ជូនសំរាម សំណល់រឹង ដែលបានដាក់ក្នុងថង់ដែលបានកំណត់ទាំង២ប្រភេទនេះតែប៉ុណ្ណោះ ទៅតាមកម្មវិធីដាច់ដោយឡែកពីគ្នា ។ ការដាក់សំរាម សំណល់រឹង ក្នុងថង់ពណ៌ផ្សេងក្រៅពីពណ៌ខ្មៅ និងពណ៌ស ក្រុមហ៊ុននឹងមិនប្រមូលឡើយ ។
សេចក្ដីណែនាំមានដូចខាងក្រោម ៖
ចែករំលែកព័តមាននេះ