យោងតាមទិន្នន័យមួយ របស់សាកលវិទ្យាល័យចនហុបគីនថា គិតមកទល់ថ្ងៃទី១៤កញ្ញា ពលរដ្ឋអាមេរិកជាង៦៦០.០០០នាក់ហើយ ត្រូវស្លា.ប់ដោយសារវីរុសកូវីដ-១៩ ដែលនៅតែបន្តឆ្លងរាលដាលខ្លាំង បណ្ដាលឲ្យមានជនរងគ្រោះ
សហរដ្ឋអាមេរិក ៖ យោងតាមទិន្នន័យមួយ របស់សាកលវិទ្យាល័យចនហុបគីនថា គិតមកទល់ថ្ងៃទី១៤កញ្ញា ពលរដ្ឋអាមេរិកជាង៦៦០.០០០នាក់ហើយ ត្រូវស្លា.ប់ដោយសារវីរុសកូវីដ-១៩ ដែលនៅតែបន្តឆ្លងរាលដាលខ្លាំង បណ្ដាលឲ្យមានជនរងគ្រោះកាន់តែច្រើនថែមទៀត។
សហរដ្ឋអាមេរិកមើលទៅហាក់នៅឆ្ងាយនៅឡើយ ក្នុងការបញ្ចប់វិបត្តិកូវីដដែលពីមួយថ្ងៃទៅ១ថ្ងៃនៅតែឆ្លងខ្លាំង បណ្ដាលឲ្យមានអ្នកស្លា.ប់ថ្មីកាន់តែច្រើន។ តាមការប៉ាន់ប្រមាណលើចំនួនអ្នកស្លា.ប់ដោយសារវិរុសនេះ គឹពលរដ្ឋអាមេរិកម្នាក់ ក្នុងចំណោម៥០០នាក់ ស្លា.ប់ដោយសារជំងឺនោះ ចាប់តាំងពីខែមេសាឆ្នាំ២០២០មក។ គិតមកដល់ថ្ងៃទី១៤ កញ្ញា មនុស្ស៦៦៣.៩១៣នាក់ស្លា.ប់ដោយសារកូវីដនៅសហរដ្ឋអាមេរិក។ នេះបើតាមទិន្នន័យរបស់សាកលវិទ្យាល័យចនហុបគីនដែលជាអ្នករ៉ាប់រងខាងការធ្វើតុល្យការ ទាក់ទិននឹងការឆ្លងរាលដាលនៃកូវីដ-១៩។ ចំនួនប្រជាជនអាមេរិកគិតមកដល់ខែមេសាឆ្នាំ២០២០មានដល់៣៣១,៤លាននាក់។ នេះបើតាមការិយាល័យស្ថិតិរបស់សហរដ្ឋអាមេរិក។ មកទល់ពេលនេះនៅអាមេរិកមនុស្សដែលស្ថិតក្នុងមន្ទីរពេទ្យដោយសារកូវីដ មានជាង១០០.០០០នាក់។
រលកចុងក្រោយនៃការឆ្លងខ្លាំងនៅសហរដ្ឋអាមេរិក ក្នុងពេលដ៏ឆាប់ខាងមុខនេះនឹងឡើងដល់កម្រិតខ្ពស់ប្រចាំថ្ងៃ គិតជាមធ្យមមានរវាងពី១៥០.០០០ទៅ១៦០.០០០នាក់ ជាកម្រិតនៅតែគួរឲ្យព្រួយបារម្ភ ពិសេសដោយសារវីរុសប្រភេទដែលតា។ ម្យ៉ាងទៀតចំនួនអ្នកស្លា.ប់ដោយសារកូវីដនៅអាមេរិកត្រូវបានរាយការណ៍ថា មានជាមធ្យម១.៨៨៨ក្នុង១ថ្ងៃ រយៈពេល៧ថ្ងៃចុងក្រោយនេះ រួចមនុស្សជាង១០០.០០០នាក់់នៅស្ថិតក្នុងមន្ទីរពេទ្យ ក្រោយពីធ្លាក់ខ្លួនឈឹធ្ងន់។
និយាយពីការចាក់វ៉ាក់សាំងការពារមកទល់ពេលនេះពលរដ្ឋអាមេរិក៦៣,១% មានអាយុចាប់ពី១២ឆ្នាំឡើងទៅបានចាក់វ៉ាក់សាំងគ្រប់២ដូស។ បែបនេះមានន័យថា៥៤%នៃប្រជាជនអាមេរិកទាំងមូលបានចាក់វ៉ាក់សាំងរួច។
សហរដ្ឋអាមេរិកជាប្រទេស១ក្នុងចំណោមបណ្ដាប្រទេស ដែលធ្វើយុទ្ធនាការធំនៃការចាក់វ៉ាក់សាំងការពារ ហើយក៏ជាអ្នកផលិតវ៉ាក់សាំងប្រឆាំងកូវីដធំបំផុតមួយដែរ។
និយាយពីរឿងចាក់វ៉ាក់សាំងនៅរដ្ឋផ្លរីដាអាមេរិក បណ្ដាម្ចាស់ផ្ទះជួលបានគំរាមថាបណ្ដាអ្នកជួលផ្ទះដែលមិនចាក់វ៉ាក់សាំងនឹងត្រូវរងការបណ្ដេញចេញ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ