មកស្គាល់អាជ្ញាកណ្តាលជាស្ត្រីស្បែកខ្មៅដំបូងក្នុងប្រវត្តិសាស្ត្របាល់ឱបកំពូលអាមេរិក
សហរដ្ឋអាមេរិក ៖ Maia Chaka បានបង្កើតប្រវត្តិសាស្ត្រដ៏ថ្មីស្រឡាងមួយ ដោយក្លាយអាជ្ញាកណ្តាលស្ត្រីជនជាតិស្បែកខ្មៅដំបូង
សហរដ្ឋអាមេរិក ៖ Maia Chaka បានបង្កើតប្រវត្តិសាស្ត្រដ៏ថ្មីស្រឡាងមួយ ដោយក្លាយអាជ្ញាកណ្តាលស្ត្រីជនជាតិស្បែកខ្មៅដំបូងបំផុត ដែលកាត់សេចក្តីការប្រកួតក្របខណ្ឌបាល់ឱប NFL ដ៏ពេញនិយមបំផុតរបស់សហរដ្ឋអាមេរិក។
ការបង្ហាញខ្លួនលើកដំបូងរបស់អ្នកស្រី Maia Chaka កាត់សេចក្តីការប្រកួតក្របខណ្ឌបាល់ឱបជាតិអាមេរិក NFL គឺនៅក្នុងជំនួបប្រកួតរវាងក្រុម Carolina Panthers និងក្រុម New York Jets កាលពីថ្ងៃទី១២ ខែកញ្ញា កន្លងទៅ។
Chaka បានក្លាយជាអាជ្ញាកណ្តាលស្ត្រីជនជាតិស្បែកខ្មៅដំបូងបំផុតកាត់សេចក្តីក្នុងក្របខណ្ឌ NFL និងជាអាជ្ញាកណ្តាលស្ត្រីទី៣ក្នុងក្របខណ្ឌមួយនេះ បន្ទាប់ពីអ្នកស្រី Shannon Eastin និង Sarah Thomas។
ស្ត្រីវ័យ៣៨ឆ្នាំរូបនេះ បាននិយាយថា នៅពេលឈានជើងចូលទីលានលើកដំបូងក្នុងនាមជាអាជ្ញាកណ្តាល NFL គឺជាពេលវេលាដ៏មានមោទកភាពបំផុតសម្រាប់ខ្លួន, ក្រុមគ្រួសារ, សហគមន៍, សិស្ស និងមិត្តរួមការងារ។ ហើយគឺជាប្រវត្តិសាស្ត្រ និងកិត្តិយសសម្រាប់ខ្លួន ដែលត្រូវបានជ្រើសរើសជាអាជ្ញាកណ្តាលស្ត្រីជនជាតិស្បែកខ្មៅដំបូងបំផុតនៅក្នុងប្រភេទកីឡាដ៏ពេញនិយមបំផុតនៅអាមេរិក។
អ្នកស្រី Maia Chaka បានបញ្ចប់ការសិក្សានៅសាកលវិទ្យាល័យ Norfolk State និងជាគ្រូបង្រៀនផ្នែកសុខភាព និងកាយសម្បទានៅសាលា Virginia Beach មុនពេលចូលរួមកម្មវិធីបណ្តុះបណ្តាល ដើម្បីក្លាយជាមន្ត្រីអាជ្ញាកណ្តាលជំនាញរបស់ក្របខណ្ឌ NFL នៅក្នុងឆ្នាំ ២០១៤៕ (ដកស្រង់ចេញពី Sportskeeda)
ចែករំលែកព័តមាននេះ