ចោរ១ក្រុមធ្វើសកម្មភាពក្នុងខេត្តកំពង់ចាម អស់លក្ខណ៍២នាក់នៅខេត្តកំពង់ធំ
- កំពង់ចាម
ខេត្តកំពង់ចាម ៖ សេចក្តីរាយការណ៍ឲ្យដឹងថា កាលពីវេលាម៉ោង៥ល្ងាចថ្ងៃទី១៤-១៥ ខែកញ្ញា ឆ្នាំ២០២១ ក្រោយពីទទួលបាន
ខេត្តកំពង់ចាម ៖ សេចក្តីរាយការណ៍ឲ្យដឹងថា កាលពីវេលាម៉ោង៥ល្ងាចថ្ងៃទី១៤-១៥ ខែកញ្ញា ឆ្នាំ២០២១ ក្រោយពីទទួលបាន
ខេត្តកំពង់ចាម ៖ សេចក្តីរាយការណ៍ឲ្យដឹងថា កាលពីវេលាម៉ោង៥ល្ងាចថ្ងៃទី១៤-១៥ ខែកញ្ញា ឆ្នាំ២០២១ ក្រោយពីទទួលបានព័ត៌មានស្តីពីករណីចោរក្រុម ដែលធ្វើសកម្មលួចគោរបស់ប្រជាពលរដ្ឋនៅក្នុងខេត្តកំពង់ចាម កម្លាំងជំនាញផែនការងារនគរបាលព្រហ្មទណ្ឌខេត្ត និងកំលាំងជំនាញរបស់អធិការដ្ឋាននគរបាលស្រុកជើងព្រៃ ដឹកនាំដោយលោកឧត្ដមសេនីយ៍ត្រី ហេង វុទ្ធី ស្នងការរង ចុះទៅសហការជាមួយកម្លាំងជំនាញនគរបាលព្រហ្មទណ្ឌខេត្តកំពង់ធំ នឹងនគរបាលស្រុកបារាយណ៍ និងនគរបាលស្រុកសន្ទុក បានធ្វើការស៊ើបអង្កេត នឹងស្រាវជ្រាវរហូតបានកំណត់មុខសញ្ញា និងឈានដល់ការបង្រាបឃាត់ខ្លួនបានជនសង្ស័យជាចោរលួចគោចំនួន២នាក់ ។
ជនសង្ស័យទាំង២នាក់ខាងលើ ក្នុងនោះម្នាក់ឈ្មោះ ហ៉ឹម លីម ភេទប្រុស អាយុ៤២ឆ្នាំ មានទីលំនៅភូមិលាវ ឃុំក្រវ៉ា ស្រុកបារាយណ៍ ខេត្តកំពង់ធំ និងម្នាក់ឈ្មោះ ឌី សូវុន ភេទប្រុស អាយុ៣៥ឆ្នាំ មានទីលំនៅភូមិបារាយណ៍ធំ ឃុំបារាយណ៍ធំ ស្រុកបារាយណ៍ ខេត្តកំពង់ធំ ។ ពេលឃាត់ខ្លួនមុខសញ្ញាចោរលួចគោទាំង២នាក់នោះ សមត្ថកិច្ចបានធ្វើការដកហូតវត្ថុតាងរួមមាន ៖ សត្វគោឈ្មោលចំនួន២ក្បាល សម្បុរស ជាសត្វគោ ដែលពួកគេលួចពីប្រជាពលរដ្ឋនៅភូមិត្រពាំងស្លា ឃុំសំពងជ័យ ស្រុកជើងព្រៃ ខេត្តកំពង់ចាម និងអាវុ.ធវែង១ដើម (ធុនអាកាស្វាយបត់) បង់១ និងគ្រាប់ចំនួន១៥គ្រាប់ ។
តាមសេចក្តីរាយការណ៍បន្តថា កាលពីវេលាយប់នៅថ្ងៃទី១៣ ចន្លោះថ្ងៃទី១៤ ខែកញ្ញា ឆ្នាំ២០២១ មានករណីចោរ១ក្រុមបានធ្វើសកម្មភាពលួចសត្វគោចំនួន២ក្បាលរបស់ប្រជាពលរដ្ឋនៅចំណុចភូមិត្រពាំងស្លា ឃុំសំពងជ័យ ស្រុកជើងព្រៃ ខេត្តកំពង់ចាម ។
ក្រោយកើតមានអំពើចោរកម្មខាងលើនោះ សមត្ថកិច្ចនគរបាលខេត្តកំពង់ចាម និងខេត្តកំពង់ធំ បានសហការគ្នា បើកការស៊ើបអង្កេត នឹងស្រាវជ្រាវ រហូតកំណត់បានមុខសញ្ញាចោរលួចគោនោះ ទើបឈានទៅដល់ការឃាត់ខ្លួនជនសង្ស័យ២នាក់ ដោយមានការសម្របសម្រួលពីលោក វង្ស ប៊ុនវិសុទ្ធ ព្រះរាជអាជ្ញា នៃអយ្យការអមសាលាដំបូងខេត្តកំពង់ចាម ផងដែរ ។
បន្ទាប់មក ជនសង្ស័យទាំង២នាក់ រួមនឹងវត្ថុតាង ត្រូវបាននាំទៅកាន់អធិការដ្ឋាននគរបាលស្រុកសន្ទុក ដើម្បីធ្វើការសាកសួរ និងប្រគល់ឲ្យទៅសមត្ថកិច្ចនគរបាលខេត្តកំពង់ចាម ដើម្បីកសាងសំណុំរឿងទៅកាន់សាលាដំបូងខេត្តតាមនីតិវិធី ។ ដោយឡែកបក្ខពួកចំនួន៣នាក់ទៀត សមត្ថកិច្ច និងកំពុងបន្តធ្វើការស្រាវជ្រាវ ស្វែងរកចាប់ខ្លួន ដើម្បីនាំមកផ្តន្ទាទោសតាមផ្លូវច្បាប់ជាធរមាន ៕
ចែករំលែកព័តមាននេះ