កុំលេងល្បែងស៊ីពែ
តាមការកត់សម្គាល់… ប្រមុខបក្សដឹកនាំប្រទេសដូចជាប្រឹងណាស់… ទំនងប្រឹងលើសចំណុះ… ប្រឹងពីថ្នាក់លើបំផុតចុះមកក្រោម… ប្រឹងដើម្បីយកឈ្នះ យកសំឡេងតាមលទ្ធិប្រជាធិបតេយ្យ… ។ល។
តាមការកត់សម្គាល់… ប្រមុខបក្សដឹកនាំប្រទេសដូចជាប្រឹងណាស់… ទំនងប្រឹងលើសចំណុះ… ប្រឹងពីថ្នាក់លើបំផុតចុះមកក្រោម… ប្រឹងដើម្បីយកឈ្នះ យកសំឡេងតាមលទ្ធិប្រជាធិបតេយ្យ… ។ល។
តាមការកត់សម្គាល់… ប្រមុខបក្សដឹកនាំប្រទេសដូចជាប្រឹងណាស់… ទំនងប្រឹងលើសចំណុះ… ប្រឹងពីថ្នាក់លើបំផុតចុះមកក្រោម… ប្រឹងដើម្បីយកឈ្នះ យកសំឡេងតាមលទ្ធិប្រជាធិបតេយ្យ… ។ល។
ប្រឹងនោះនរណាក៏ដឹងដែរ… ប្រឹងមែនទែន ស្ទើរអស់សរសៃសរសូង… ប្រឹងចង់អស់អារម្មណ៍ឋាមពល ។
ប៉ុន្តែបើក្រឡេកមើលមកថ្នាក់ក្រោម… ថ្នាក់ធ្វើការដោយផ្ទាល់ជាមួយរាស្រ្តវិញ… មួយចំនួននោះមានអំណាចណាស់ ហើយគ្មានប្រឹងក្រម៉ស្រែងអីទេ… វារគើមៗដូចអណ្តើក… ប្រទះអីស៊ីហ្នឹង… មិនមែនត្រឹមស៊ីទេ… គឺគ្រលៀសលេបតែម្តង ។
ព្រៃឈើ ព្រៃការពារត្រងោលអស់ហើយ… គ្រាន់តែអាមានច្បាប់រាប់ពាន់ម៉ែត្រគូប… មិនដឹងកាប់ឈើមកពីណាទេ គិតតែត្រូវគ្នាចេញច្បាប់ឱ្យដឹក ។ ទាល់តែឈ្មួញយកច្បាប់មកឱ្យមើល ទើបដឹងថា អំពើល្មើសមានលក្ខណៈជាប្រព័ន្ធ… ។ល។
ល្បែងស៊ីសងស្របច្បាប់ដែលគេហៅថាកាស៊ីណូ សម្រាប់តែជនបរទេស… ប៉ុន្តែខ្មែរចូលលេងម៉ាសេរី… កាស៊ីណូណាក៏មានខ្មែរចូលលេងពេញដែរ… បង្កើតបញ្ហាបែកបាក់ ក្រីក្រក្នុងសង្គមគ្រួសាររាប់មិនអស់ ។
ក្រុមហ៊ុនខ្លះនាំទំនិញពីប្រទេសថៃទាំងកប៉ាល់ៗចូលដល់ផែលើកដាក់ឃ្លាំង… ចេញពីឃ្លាំងដាក់ឡានដឹកមកភ្នំពេញដោយរលូន ។ មេសាខាគយខ្លះនោះយកពន្ធម៉ៅមួយកប៉ាល់តែម្តង… បានយ៉ាងច្រើនដប់-ម្ភៃភាគរយចូលរដ្ឋ ឯខ្លួនឯងយកទាំងដុល… រួចស្រែកថា បានចំណូលលើសផែនការ… ហេ! ហេ!
ឆ្នេរសមុទ្រនៅក្រុងព្រះសីហនុ អ្នកដែលរំលោភ… នៅតែរំលោភដដែល… វ៉ៃចោលតែគ្នាគេ… ឯគ្នាឯងមានសំណង់គ្របលើឆ្នេរ… បង្ហូរកាកសំណល់ដាក់សមុទ្រស្អុយច្រាសខ្យល់… ដល់សួរទៅ… ម៉ែវាអើយ… ជាកម្មសិទ្ធិខ្ពស់ណាស់… អ្នកណាថ្លើមពាសមេឃហ៊ានក្អក?
រាស្ត្រនៅស្រុកកំពង់សិលាតាមបណ្តោយផ្លូវជាតិលេខ៤ចង់លក់ដី លក់ភូមិករ គ្មានអ្នកណាហ៊ានទិញ… បើចង់ទិញដីភ្នំ ដីស្រែស្រុកនោះ ទាល់តែយកមាន់ស្ងោរ ជ្រូកខ្វៃសែនយាយអយ… មិនដឹងយាយអយមួយណាទេ… សុទ្ធតែដីគាត់ ។ អ្នកស្រុកខឹងណាស់ មិនដែលលក់ដីឱ្យយាយអយទេ… មិនស្គាល់មុខយាយអយទេ ហេតុអីយាយអយថា ដីគាត់? ១០ឆ្នាំកន្លង អ្នកស្រុកខឹងយាយអយខ្លាំងណាស់… រឿងអស់នេះខាងលើនៅស្ងៀមឈឹង ។
កុងស៊ីកាប់ជ្រូកធំមួយនៅស្ទឹងមានជ័យ រាស្ត្រ ប្តឹងរាប់ឆ្នាំហើយ… រឿងក្លិនស្អុយ ជ្រូកស្រែកមួយយប់ៗទាល់ភ្លឺ រកអ្នករស់នៅតំបន់នោះដេកពួនមិនបាន រស់នៅពិបាកទ្រាំ… យូរៗលែងប្តឹង… សម្ងំខឹងរដ្ឋអំណាច… ព្រោះអ្នកកាប់ជ្រូកប្រកាសថា… ត្រូវជាមួយរដ្ឋអំណាចខណ្ឌហើយ ខ្លាចអី… ស្អុយអីស្អុយទៅ… ធើអីអញ !
នៅមានច្រើនរឿងណាស់… ដែលរាស្ត្រខឹង… បើឱ្យរៀបរាប់… រាប់មួយឆ្នាំមិនអស់ផង ។
ដល់អ៊ីចឹងទៅ… នឹកអាណិតប្រមុខបក្សដឹកនាំប្រទេស… ប្រឹងណាស់ យកចិត្តរាស្ត្រ… ប្រឹងណាស់ជួយរាស្ត្រ… ជួយដោះស្រាយរាល់ការលំបាក រាល់អំពើអាក្រក់នានា ដែលរដ្ឋអំណាចដាក់បន្ទុក… រដ្ឋអំណាចថ្នាក់ក្រោមល្មមជួយមេធំផង… បើមេធំឈ្នះ… ឈ្នះទាំងអស់គ្នា… កុំម៉ាៗយកតែស៊ង… ឬកុំលេងល្បែងស៊ីពែបែបនេះ !!
អាឡេវ
ចែករំលែកព័តមាននេះ