បុរសម្នាក់ត្រូវចាប់ខ្លួនកាលពីថ្ងៃទី១៣ ខែកញ្ញា ឆ្នាំ២០២១ នៅជិតវិមានកាពីតូល ក្រុងវ៉ាស៊ិនតោន ជាមួយដាវមួយ និងបៃយ៉ូណែតមួយ ដែលរកឃើញក្នុងរថយន្តរបស់គេ ដោយលើអាវុធទាំងនេះមានចារសញ្ញា
សហរដ្ឋអាមេរិក ៖ បុរសម្នាក់ត្រូវចាប់ខ្លួនកាលពីថ្ងៃទី១៣ ខែកញ្ញា ឆ្នាំ២០២១ នៅជិតវិមានកាពីតូល ក្រុងវ៉ាស៊ិនតោន ជាមួយដាវមួយ និងបៃយ៉ូណែតមួយ ដែលរកឃើញក្នុងរថយន្តរបស់គេ ដោយលើអាវុធទាំងនេះមានចារសញ្ញា និងនិមិត្តរូប ប្រកាន់ពូជសាសន៍ដទៃៗទៀត។ នេះជាការអះអាងរបស់ប៉ូលិសប្រចាំការនៅវិមានសភាអាមេរិក។
ក្នុងសេចក្ដីប្រកាសមួយអាជ្ញាធរអះអាងលម្អិតថា បុរសឈ្មោះ DONALD C នោះ បានបើករថយន្ត PICK-UP មួយគ្រឿងដែលគ្មានផ្លាកលេខ ពេលត្រូវចាប់នាពាក់កណ្ដាលយប់។ បុរសអាយុ៤៤ឆ្នាំរូបនេះ និងជាអ្នករស់នៅក្នុងរដ្ឋកាលីហ្វ័រនីញ៉ា បាននិយាយប្រាប់ប៉ូលិសថា រូបគេប្រកាន់គំនិតឧត្ដមភាពនិយមស្បែក.ស។
រថយន្តរបស់បុរសនេះ ត្រូវឃាត់ត្រង់កន្លែងមួយស្ថិតនៅចម្ងាយ៥០០ម៉ែត្រ ពីវិមានកាពីតូល ទីតាំងសភាអាមេរិកកន្លែងមានការលុកលុយចូលរបស់ពួកអ្នកគាំទ្រលោកដូណាល់ត្រាំ កាលពីដើមខែមករា។ ប៉ូលិសនិយាយថា មិនទាន់ច្បាស់ថា តើបុរសនោះមកកាន់ក្រុងវ៉ាស៊ិនតោនដើម្បីចូលរួមក្នុងបាតុកម្មមួយគ្រោងធ្វើនាថ្ងៃទី១៨ ខែកញ្ញា សម្ដែងការគាំទ្រចំពោះបណ្ដាអ្នកគាំទ្រលោកដូណាល់ត្រាំ ដែលត្រូវចាប់ខ្លួន និងចោទប្រកាន់ពីបទចូលរួមក្នុងការអុកឡុកវិមានកាពីតូល កាលពីថ្ងៃទី៦ មករា ដែរឬយ៉ាងណា?។
បណ្ដារបាំងត្រូវបានដាក់ជាថ្មី នៅជុំវិញវិមានកាពីតូលមុនបាតុកម្មនេះ។ ចាប់តាំងពីការលុកលុយចូលអុកឡុកវិមានកាពីតូលមក មនុស្សជិត៦០០នាក់បានត្រូវចាប់ខ្លួន និងចោទប្រកាន់ពីបទចូលរួម ក្នុងការវាយប្រហារវិមានសភា ដែលបណ្ដាលឲ្យមនុស្សស្លា.ប់៥នាក់៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ