Solskjaer ថា Ronaldo នឹងមិនលេងពេញម៉ោង និងគ្រប់ការប្រកួតឡើយ
អង់គ្លេស ៖ ការបង្ហាញខ្លួនប្រកួតដំបូងរបស់ Cristiano Ronaldo នៅលើទឹកដី Old Trafford បានធ្វើឱ្យកក្រើកក្របខណ្ឌ Premier
អង់គ្លេស ៖ ការបង្ហាញខ្លួនប្រកួតដំបូងរបស់ Cristiano Ronaldo នៅលើទឹកដី Old Trafford បានធ្វើឱ្យកក្រើកក្របខណ្ឌ Premier
អង់គ្លេស ៖ ការបង្ហាញខ្លួនប្រកួតដំបូងរបស់ Cristiano Ronaldo នៅលើទឹកដី Old Trafford បានធ្វើឱ្យកក្រើកក្របខណ្ឌ Premier League បន្ទាប់ពីរូបគេរកបាន២គ្រាប់ក្នុងជំនួប Manchester United យកឈ្នះលើក្រុម Newcastle United ក្នុងលទ្ធផល ៤-១ កាលពីសប្តាហ៍មុន។
ទោះបីខ្សែប្រយុទ្ធព័រទុយហ្គាល់វ័យ៣៦ឆ្នាំរូបនេះ ធ្វើបានយ៉ាងល្អនៅថ្ងៃបង្ហាញខ្លួនលើកដំបូងក៏ពិតមែន។ ប៉ុន្តែលោក Gunnar Solskjaer អ្នកចាត់ការទូទៅក្រុមបិសាចក្រហម បានបញ្ជាក់ថា លោកប្រហែលជាឱ្យ Ronaldo បានសម្រាកខ្លះ នឹងមិនដាក់ឱ្យគេលេងពេញម៉ោង និងគ្រប់ការប្រកួតឡើយ ដោយសារវ័យ និងការប្រុងប្រយ័ត្នលើបញ្ហាសុខភាពរបស់កីឡាកររូបនេះ។
លោក Solskjaer និយាយថា «វាមិនអាចទៅរួចទេ ក្នុងការទុក Ronaldo ចោល។ គេមានអាយុ៣៦ឆ្នាំ Mason Greenwood មានអាយុ១៩ឆ្នាំ ដូច្នេះវាដូចគ្នា។ ខ្ញុំត្រូវគ្រប់គ្រងនាទីរបស់ Greenwood ហើយខ្ញុំក៏ត្រូវគ្រប់គ្រងនាទីរបស់កីឡាករអាយុ៣៦ឆ្នាំផងដែរ»។
Manchester United នឹងត្រូវប៉ះក្រុមម្ចាស់ផ្ទះ Young Boys នៅជំនួបវគ្គជម្រុះក្នុងពូល F ក្របខណ្ឌ Champions League នារាត្រីនេះ នៅឯកីឡដ្ឋាន Wankdorf ក្នុងទីក្រុង Bern ប្រទេស្វីស វេលាម៉ោង១១:៤៥នាទីយប់ (ម៉ោងនៅកម្ពុជា)។ ខណៈអ្នកគាំទ្រនៅតែរំពឹងថា Ronaldo នឹងបន្តរកគ្រាប់បាល់បានទៀត នៅក្នុងជំនួបនេះ៕ (ដកស្រង់ចេញពី Euro Sport)
ចែករំលែកព័តមាននេះ