រាជធានីភ្នំពេញ ៖ ក្រសួងសុខាភិបាលបានបញ្ជាក់ នៅថ្ងៃទី១៤ ខែកញ្ញា ឆ្នាំ២០២១ថា បានរកឃើញអ្នកឆ្លងជំងឺកូវីដ១៩ថ្មីបន្ថែមជាង៦០០នាក់ ខណៈរកឃើញអ្នកស្លា.ប់ដោយជំងឺនេះថយចុះមកត្រឹម៩នាក់ ។
ក្រសួងសុខាភិបាលបានគូសបញ្ជាក់បន្ថែមថា ចំនួនអ្នកឆ្លងថ្មីនេះភាគច្រើនជាករណីឆ្លងពីព្រឹត្តិការសហគមន៍២០កុម្ភៈ ហើយក៏មានអ្នកដំណើរចូលមកពីក្រៅប្រទេសផងដែរ ។
ក្រសួងបញ្ជាក់យ៉ាងដូច្នេះថា ៖«រកឃើញអ្នកឆ្លងថ្មី 657 នាក់ទៀត ជាសះស្បើយ 578 នាក់ និងស្លា.ប់ 9 នាក់ ក្នុងនោះមានករណីឆ្លងពីព្រឹត្តិការណ៍សហគមន៍២០ កុម្ភៈ មានចំនួន 504 នាក់ និងអ្នកដំណើរពីបរទេស 153 នាក់» ។
បើក្រសួងសុខាភិបាលកម្ពុជាបានអះអាងថា គិតត្រឹមព្រឹក ថ្ងៃទី១៤ ខែកញ្ញា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩ សរុបនៅទូទាំងប្រទេសមានចំនួន100,790 នាក់ និងអ្នកព្យាបាលជាសះស្បើយចំនួន94,904 នាក់ និងអ្នកស្លា.ប់ដោយជំងឺនេះមានចំនួនរហូតដល់ 2,058 នាក់ ៕
ចែករំលែកព័តមាននេះ