ខេត្តបន្ទាយមានជ័យ ៖ ជនជាតិចិនចំនួន០២នាក់និងជនជាតិថៃ០៦នាក់ នាំគ្នាបំរុងឆ្លងដែនមកកម្ពុជាដើម្បីទៅរាជធានីភ្នំពេញ ធ្វើការនៅកាស៊ីណូ តែត្រូវសមត្ថកិច្ចថៃឃាត់ខ្លួនបានកាលពីវេលាម៉ោង១និង៤៥នាទីថ្ងៃទី១២ កញ្ញា ២០២១ ។ សេចក្ដីរាយការណ៍ពីសមត្ថកិច្ចថៃឲ្យដឹងថា…
ខេត្តបន្ទាយមានជ័យ ៖ ជនជាតិចិនចំនួន០២នាក់និងជនជាតិថៃ០៦នាក់ នាំគ្នាបំរុងឆ្លងដែនមកកម្ពុជាដើម្បីទៅរាជធានីភ្នំពេញ ធ្វើការនៅកាស៊ីណូ តែត្រូវសមត្ថកិច្ចថៃឃាត់ខ្លួនបានកាលពីវេលាម៉ោង១និង៤៥នាទីថ្ងៃទី១២ កញ្ញា ២០២១ ។
សេចក្ដីរាយការណ៍ពីសមត្ថកិច្ចថៃឲ្យដឹងថា ដើម្បីទប់ស្កាត់ការលួចឆ្លងដែនដោយខុសច្បាប់ ក្នុងអំឡុងស្ថានការណ៍រាតត្បាតរបស់កូវីដ-១៩ កម្លាំងទាហានស្រុកតាប្រាយ៉ា សហការជាមួយកម្លាំងនគរ បាលការពារព្រំដែនកងរយទី១២ បានឃាត់ខ្លួនក្រុមបុគ្គលដែលមានបំណងលួចឆ្លងដែនកម្ពុជាចំនួន០៨នាក់ ក្នុងនោះ ជនជាតិថៃ០៦នាក់ (ស្រី០៣) និងបុរសជនជាតិចិន០២នាក់ ខណៈកំពុងលួចឆ្លងដែនដោយខុសច្បាប់ ដើម្បីទៅធ្វើការនៅកាស៊ីណូអនឡាញនៅភ្នំពេញ ត្រូវសមត្ថកិច្ចថៃឃាត់ខ្លួនបាននៅបរិវេណភូមិណូន ម៉ាកមុន ឃុំណូន ម៉ាកមុន ស្រុកគោកឃ្យូង ខេត្តស្រះកែវ ប្រទេសថៃ។
សេចក្ដីរាយការណ៍បញ្ជាក់ថា បន្ទាប់ពីសមត្ថកិច្ចសួរនាំបានឲ្យដឹងថា ជនជាតិថៃប្រុស-ស្រីទាំង០៦នាក់ មកពីតាមបណ្ដាខេត្ត ក្នុងប្រទេសថៃ ដោយឡែកបុរសជនជាតិចិន០២នាក់ទៀត មានស្រុកកំណើតនៅខេត្តហ្វ៊ូចៀន ប្រទេសចិន ។ ក្រោយពីការឃាត់ខ្លួនសមត្ថកិច្ចថៃបានសួនាំជនជាតិថៃទាំង០៦ នឹងជនជាតិចិន០២នាក់ខាងលើ ដោយពួកគេមានបំណងទៅធ្វើការកាស៊ីណូអនឡាញនៅទីក្រុងភ្នំពេញ ប្រទេសកម្ពុជា ហើយការធ្វើដំណើរនេះ ការចំណាយគ្រប់យ៉ាងគឺខាងក្រុមហ៊ុនជាអ្នកចំណាយ ហើយពួកគេទាំង០៨នាក់នាំគ្នាជិះរថយន្តមកចុះនៅទីរួមស្រុកអារញ្ញប្រាថេត បន្ទាប់មកក៏មានរថយន្តធុនតូចចំនួន០២គ្រឿងទៅទទួល នឹងដឹកទៅចុះនៅបិវេណថ្នល់ក្រោយភូមិណូន ម៉ាកមុន ហើយក៏មានមេខ្យល់ជាជនជាតិខ្មែរនាំដើរតាមផ្លូវដីធ្វើកសិកម្ម ប៉ុន្តែក៏ត្រូវសមត្ថកិច្ចថៃឃាត់ខ្លួនបានមុន ។
ប្រភពដដែលបានបញ្ជាក់បន្ថែមថា៖ជនជាតិ០៦នាក់និងចិន០២នាក់ ត្រូវនាំទៅសួររកទិន្ន័យបន្ថែម នៅទីបញ្ជារការកងរយទី៤ នឹងបញ្ជូនទៅឲ្យជំនាញស្រុកគោកឃ្យូងចាត់ការបន្តតាមនិតិវិធី៕
ចែករំលែកព័តមាននេះ