Safidine phar ដែលជាកូនខ្មែរកើតនៅសហរដ្ឋអាមេរិក និងជាមនុស្សដែលមានបទពិសោធន៍ជាច្រើនលើផ្នែកសិល្បៈ បានត្រៀមខ្លួនចូលប្រឡូកក្នុងវិស័យសិល្បៈចម្រៀងនៅកម្ពុជានាពេលដ៏ខ្លីខាងមុខនេះ។ ជាកូនខ្មែរដែលមានឪពុកម្តាយជា
រាជធានីភ្នំពេញ ៖ Safidine phar ដែលជាកូនខ្មែរកើតនៅសហរដ្ឋអាមេរិក និងជាមនុស្សដែលមានបទពិសោធន៍ជាច្រើនលើផ្នែកសិល្បៈ បានត្រៀមខ្លួនចូលប្រឡូកក្នុងវិស័យសិល្បៈចម្រៀងនៅកម្ពុជានាពេលដ៏ខ្លីខាងមុខនេះ។ ជាកូនខ្មែរដែលមានឪពុកម្តាយជាខ្មែរឥស្លាម និងបានចាប់កំណើតនៅអាមេរិក Safidine phar បានធ្វើដំណើរវិលត្រឡប់មកប្រទេសកម្ពុជាវិញ ដើម្បីចូលរួមជាមួយតារាចម្រៀងលោក ដាភ្លេង ផលិតបទចម្រៀងបែបរ៉ក់ ចូលក្នុងទីផ្សារក្នុងស្រុក និងក្រៅស្រុក។
Safidine Phar បានអោយដឹងថា លោកបានកើតជានៅក្នុងទឹកដីអាមេរិក បន្ទាប់ពីឪពុកម្តាយលោកបានរត់ភៀសខ្លួនមកនៅទីនោះ បន្ទាប់ពីប្រទេសកម្ពុជាបានជួបនូវភ្លើងសង្គ្រាម។ លោកបញ្ជាក់ថា នៅសហរដ្ឋអាមេរិក លោកតែងតែលួចមើលឪពុករបស់លោកលេងហ្គីតា ដោយសារឪពុករបស់លោកមាននិស្ស័យលើផ្នែកសិល្បៈ។ ប៉ុន្តែឪពុករបស់លោកមិនបានប្រឡូកនៅក្នុងវិស័យនេះទេ ដោយសារគាត់បានងាកមកសិក្សា និងធ្វើការងារពាក់ព័ន្ធផ្នែកច្បាប់នេះវិញ។
លោកថា នៅពេលលោកអាយុប្រហែល៦ឆ្នាំ ឪពុករបស់លោកបានទិញហ្គីតាមួយអោយលោក ដោយឪពុករបស់លោកបានដឹងយ៉ាងច្បាស់ថា អនាគតរបស់លោកនឹងទៅជាអ្វី។ ដោយសារមាននិស្ស័យស្រឡាញ់សិល្បៈ លោកក៏បានចូលរួមជាមួយក្រុមតារាចម្រៀងរ៉េប ហើយបានហាត់រៀនវិស័យចម្រៀងរ៉េបនេះ។ ក្រោយមកលោកបានចូលរួមប្រឡងនៅក្នុងកម្មវិធីផ្សេងៗជាបន្តបន្ទាប់ និងបានទទួលពាន្តរង្វាន់ជាច្រើនផងដែរ។
លោកបន្ថែមថា ក្រៅពីចាប់អាជីពចម្រៀងនេះ លោកក៏ត្រូវបានអញ្ជើញអោយចូលរួមសម្តែងរឿងភាគសម្រាប់ផ្សាយតាមបណ្តាញអ៊ីនធើរណេតផងដែរ។
បើតាម Safadine Phar ថា ក្នុងអាជីពសិល្បៈរបស់លោកជាច្រើនឆ្នាំមកនេះ លោកបានចូលរួមធ្វើកិច្ចការងារជាមួយតារាចម្រៀងល្បីៗជាច្រើននៅអាមេរិក។ លោកបញ្ជាក់ថា ការវិលត្រឡប់មកប្រទេសកម្ពុជានាពេលនេះ ក្រៅពីការផលិតបទចម្រៀង លោកក៏បានត្រៀមខ្លួនរួចជាស្រេចសម្រាប់ចែករលែកបទពិសោធន៍លើវិស័យចម្រៀងដែលលោកធ្លាប់ចេះ មកបង្ហាត់បង្ហាញដល់កូនខ្មែរជំនាន់ក្រោយ។
ដោយសម្រាប់លោក ដា ភ្លេង ដែលទើបដើរចេញពីផលិតកម្មថោន មកបង្កើតផលិតកម្មដោយខ្លួនឯងនោះ បានអះអាងប្រាប់កោះសន្តិភាពតាមសារអេឡិចត្រូនិចថា លោកបានសម្រេចសហការជាមួយ Safadine Phar នាពេលនេះ ក្នុងគោលបំណងគឺដើម្បីផលិតបទចម្រៀងជាភាសាបរទេសលាយជាមួយនឹងភាសាខ្មែរបែបរ៉េប បញ្ជៀបចូលទីផ្សារបរទេស ព្រោះគាត់ជាអ្នករស់នៅអាមេរិកស្រាប់។ លោកបញ្ជាក់ថា យើងនឹងអោយគាត់ច្រៀងជាមួយតារាខ្មែរយើង ហើយនឹងរៀបចំការងារនានាតាមប្រព័ន្ធបរទេស ដោយមានលក្ខណៈស្តង់ដា ទាំងការផលិត និងថតចេញជាបទចម្រៀងផងដែរ៕
ចែករំលែកព័តមាននេះ