ខេត្តកែប ៖ គម្រោងសាងសង់ផ្លូវបេតុងមួយខ្សែដែលជាផ្លូវវាងក្រុងកែប ត្រូវបានបើកការដ្ឋានកាលពីព្រឹកថ្ងៃទី១៣ កញ្ញា នេះ ដោយមានការអញ្ជើញចូលរួមពីឯកឧត្ដមសោម ពិសិដ្ឋ អភិបាលខេត្តកែប លោកម៉ម…
ខេត្តកែប ៖ គម្រោងសាងសង់ផ្លូវបេតុងមួយខ្សែដែលជាផ្លូវវាងក្រុងកែប ត្រូវបានបើកការដ្ឋានកាលពីព្រឹកថ្ងៃទី១៣ កញ្ញា នេះ ដោយមានការអញ្ជើញចូលរួមពីឯកឧត្ដមសោម ពិសិដ្ឋ អភិបាលខេត្តកែប លោកម៉ម ទូច ប្រធានមន្ទីរសាធារណការ និងដឹកជញ្ជូនខេត្ត លោកស្រីទិត សុខា អភិបាលក្រុង រួមទាំងប្រធានមន្ទីរជុំវិញខេត្តជាច្រើននាក់ទៀត។
ឯកឧត្តមសោម ពិសិដ្ឋ អភិបាលខេត្តកែបមានប្រសាសន៍ថា នេះជាសមិទ្ធផលថ្មីមួយទៀតសម្រាប់ខេត្តកែប ។ ឯកឧត្តមសោមពិសិដ្ឋ មានប្រសាសន៍ថា ផ្លូវបេតុងដែលយើងកំពុងបើកការដ្ឋានថ្ងៃនេះ ជាផ្លូវវាងក្រុងមានប្រវែង1250ម៉ែត្រ គឺជាង១គីឡូដី និងទទឹង១០ម៉ែត្រ។ លោកមានប្រសាសន៍ទៀតថា ផ្លូវវាងនេះគឺមានការលំបាកណាស់ចេញពីត្រង់ចំណុចវត្តកែវក្រសាំង ទៅភ្ជាប់នៅផ្លូវជាតិលេខ33 ត្រង់ចំណុចវឡាល័យហ៊ុន សែន ចំការដូង ។
ឯកឧត្តមសោម ពិសិដ្ឋ ជាអភិបាលខេត្តមានការត្រេកអរ ដោយសាតែប្រជាពលរដ្ឋមានលំនៅឋានអមសង់ខាងផ្លូវបេតុងនេះបានចូលរួម ព្រោះការប៉ះពាល់មិនបានទារសំណងពីរដ្ឋបាលខេត្តកែប ។ ឯកឧត្តមសោម ពិសិដ្ឋ មានប្រសាសន៍លើកឡើងនៅជ្រោយដូងឆ្នេរសមុទ្រ មុខសាលាខេត្តកែប ពាក់ព័ន្ធនិងការចាក់ដីលុបសមុទ្រនេះជាគោលការមានតែមួយគត់ គឺអភិវឌ្ឍនរបស់ខេត្តកែបមួយឆាំ្នទៅមួយឆាំ្នមានការរីកចំរើន ។
ឯកឧត្តមសោមពិសិដ្ឋមានប្រសាសន៍ថា ទោះបីមានអ្នករិះគន់ក៏រិះគន់ចុះ ព្រោះលោកមិនមែនចាក់លុបសមុទ្រយកខ្លួនឯងឯណា។ បើលោកអស់អាណត្តិនៅខេត្តកែប ចុះអ្នកមកក្រោយបន្តការអភិវឌ្ឍន៍ទៀតទៅ ។ ឯកឧត្តមសោមពិសិដ្ឋអភិបាលខេត្តកែបបានបញ្ជាក់អោយដឹងថា ផ្លូវបេតុងមួយខ្សែនៅសង្កាត់កែប សង្ឃឹមថានឹងស្ថាបនាហើយរួចរាល់នៅក្នុងឆាំ្ន2021នេះ។
ឯកឧត្តមសោម ពិសិដ្ឋ មានប្រសាសន៍ថា សុំអោយលោកស្រីទិត សុខា អភិបាលក្រុងកែបនិងមន្ត្រីអាជ្ញាធរក្រុងចុះពិនិត្យមើលសារជាថ្មីក្នុងករណីអ្នកសង់សំណង់រឹងមាំរំលោភលើផ្លូវសាធារណៈ ដូចជានៅសេះស នៅមុខវឡាល័យហ៊ុន សែនចំការ ត្រូវហៅអ្នកដែលពាក់ពន្ធ័សាងសង់សំណង់រឹងរំលោភលើដីសាធារណៈធ្វើកិច្ចសន្យាមួយអោយប្រាកដប្រជា កុំអោយថ្ងៃក្រោយមានការពិបាកក្នុងការពង្រីកផ្លូវ។ ឯកឧត្តមបានអំពាវវនាវដល់ប្រជាពលរដ្ឋនៅក្នុងមូលដ្ឋានមិនទាន់បានទៅចាក់វ៉ាក់សាំងបង្កាជំងឺកូវីដ19សុំអញ្ជើញទៅចាក់នៅតាមមណ្ឌលសុខភាពអោយបានគ្រប់ៗគ្នា។
ចែករំលែកព័តមាននេះ