កោះសន្តិភាពសូមបង្ហាញជូនរឿងរ៉ាវចំនួន១០ ពាក់ព័ន្ធទៅនឹងវិមានដ៏ស្កឹមស្កៃរបស់មហាសេដ្ឋីទស្សនាវដ្តីអាមេរិក Playboy យោងតាមគេហទំព័របរទេស The Richest៖
១-មនុស្សប្រុសហាមមិនឱ្យចូលក្នុងវិមាន
ដើម្បីការពារសុវត្ថិភាពរបស់មហាសេដ្ឋីវ័យ៨៩ឆ្នាំ និងជាស្ថាបនិកទស្សនាវដ្តី Playboy លោកតា Huge Hefner និងស្រីស្នេហ៍របស់គាត់នោះ គាត់បានចេញបម្រាមមិនឱ្យបុរសណាម្នាក់មានវត្តមាននៅក្នុងវិមានឡើយ ។ វិមានដ៏ស្កឹមស្កៃនោះសម្រាប់តែរូបគាត់ និងស្រីស្នេហ៍ជាច្រើននាក់ប៉ុណ្ណោះ ។ បម្រាមនេះត្រូវបានអនុវត្តក្រោយពីមានរឿងរ៉ាវលោក Cade McNown ចូលក្នុងវិមាននោះ ហើយលួចយកស្រីស្នេហ៍មា្នក់ក្នុងចំណោមស្រីស្នេហ៍ផ្សេងទៀត ។
២-បញ្ចាំងភាពយន្តរាល់រាត្រីថ្ងៃអាទិត្យ
ជារៀងរាល់រាត្រីថ្ងៃអាទិត្យលោកតាសម្បូរស្នេហ៍ដោយសារទឹកលុយបានប្រារព្ធធ្វើកម្មវិធីទស្សនាភាពយន្ត ដោយអញ្ជើញភ្ញៀវរបស់គាត់ព្រមទាំងស្រីស្នេហ៍ក្នុងវិមានទាំងអស់ផងដែរ។ រឿងដែលត្រូវទស្សនាគឺសុទ្ធតែរឿងទើបតែចេញផ្សាយ ថ្មីៗ ។ ភាគច្រើនលោកតា Huge Hefner បង្ហាញភាពយន្តដែលគាត់បានប្រមូលទុកចំនួន៤០០០ប្រភេទ ហើយត្រូវបានរក្សាទុកក្នុងបន្ទប់របស់គាត់ ។
៣-ល្បែងកម្សាន្តនៅក្នុងវិមាន
នៅមិនឆ្ងាយពីវិមាន គឺមានកន្លែងលេងល្បែងមួយឈ្មោះថា «Sexy arcade»ប្រែថាទូល្បែងសិចស៊ី ។ នៅទីនោះមានល្បែងកម្សាន្តកំដរអារម្មណ៍គ្រប់រសជាតិដូចជា តាបបុកប៊ីយ៉ែ និងទូហ្គេម Jukebox ។ កន្លែងលេងល្បែងនោះបន្ទប់ នីមួយៗបែងចែកគ្នាដែលជញ្ជាំងសុទ្ធតែកញ្ចក់ ។
៤-លោកតា Hefner មិនមែនជាអ្នកគ្រប់គ្រងវិមានទេ
ថ្វីដ្បិតតែលោកតា Hefner រស់នៅក្នុងវិមានក៏ពិតមែន តែគាត់មិនបានគ្រប់គ្រងវាដោយផ្ទាល់ទេ ។ អ្នកដែលគ្រងគ្រងវាគឺក្រុមហ៊ុនមេរបស់ Playboy មានឈ្មោះថា Icon Acquisitions Holdings ។ មានន័យថាលោកតាត្រូវតែបង់ការជួលដើម្បីរស់នៅក្នុងវិមាននោះ។ ជារៀងរាល់ឆ្នាំលោកតាបង់ប្រាក់ឈ្នួលដើម្បីចាត់ចែងទៅលើម្ហូបអាហារ និងរបស់របរផ្សេងទៀត ។
៥-វិមានដំបូងបង្អស់បំលែងទៅជាខុនដូ
វិមាន Playboy ដំបូងគេគឺស្ថិតនៅក្នុងក្រុងស៊ីកាហ្គោ ដែលលោកតាបានទិញមាន ៧២បន្ទប់ និងរចនាបថបែបវិចតូរីយ៉ានៅក្នុងឆ្នាំ១៩៥៩ ។ សំណង់អគារស្ថិតនៅក្នុងតំបន់ Gold Coast ឬឆ្នេរមាស ។
លោកតា Hefner នៅតែបន្តចាត់ទុកវិមាននោះជាកន្លែងប្រារព្វធ្វើពិធីជប់លៀងរហូតទាល់តែវិទ្យាស្ថានសិល្បៈស៊ីកាហ្គោ បានទិញវានៅឆ្នាំ១៩៧០ ហើយធ្វើជាទៅជាកន្លែងស្នាក់នៅរបស់សិស្ស-និស្សិត ។
៦-វិមានបម្រើជាមជ្ឈមណ្ឌលការពារមិត្តស្រីរបស់លោកតា Hefner
លោកអ្នកប្រហែលជាគិតស្រមៃថានារីរស់នៅក្នុងវិមានរបស់លោកតានឹងពោរពេញដោយសេរីភាពគ្រប់គ្រាន់ តែមិនដូចអ្វីដែលអ្នកគិតទេ ។ លោកតាបានរឹតបន្តឹងចំពោះនារីក្នុងវិមាន ដូចជាមិនឱ្យចាកចេញពីវិមានក្រោយពីម៉ោង៩យប់ តែពួកនាងចេញបានលុះត្រាទៅជាមួយគាត់ ។ ក្រៅពីនេះពួកនាងត្រូវអនុញ្ញាតឱ្យបញ្ជាមុខម្ហូប និងភេសជ្ជៈដែលពួកនាងត្រូវការ តែមិនអនុញ្ញាតឱ្យចូលទៅផ្ទះបាយឡើយ ។ លើសពីនេះពួកនាងត្រូវទៅជួបជុំគ្នាក្នុងបន្ទប់គេងរបស់លោកតា Hefner នៅព្រឹកថ្ងៃសុក្ររង់ចាំគាត់កើបលាមកឆ្កែពីលើឥដ្ឋ បន្ទាប់មកទើបពួកនាងអាចស្នើអ្វីមួយទៅកាន់លោកតាបាន ។ លោកតាបានឱ្យ នាងៗនូវលុយចំនួន១ពាន់ដុល្លារដែលគាត់បានទុកក្នុងទូយ៉ាងមានសុវត្ថិភាព ។
៧-វិមានផ្តល់ការងារមួយចំនួន
មានមនុស្សប្រមាណ៧០នាក់ ដែលបានបម្រើការនៅក្នុងវិមានរបស់លោកតា Hefner។ ការងារទាំងនោះរួមមានចុងភៅ សន្តិសុខ អ្នកមើលថែសួន អ្នកថែទាំ និងអ្នកថែសួនសត្វ ។
៨-បន្ទប់តារាចម្រៀង Elvis Presley ក្នុងវិមាន
មានបន្ទប់សម្ងាត់ក្នុងវិមាន Playboy ដែលជាបន្ទប់របស់កំពូលតារាចម្រៀងកាលពីសម័យមុន Elvis Presley ។ បន្ទប់នេះមិនស្ថិតក្នុងការតាមដានរបស់កាមេរ៉ាទេទោះបីជាបន្ទប់ផ្សេងទៀតមានប្រព័ន្ធកាមេរ៉ាតាមដាន និងរាយការណ៍យា៉ងច្បាស់លាស់ក៏ដោយចុះ ។ លោកតា Hefner ចង់រក្សាបន្ទប់នេះឱ្យមានលក្ខណៈជានិមិត្តរូបរបស់គាត់ ។
យោងតាមប្រភពចចាមអារ៉ាមថា Elvis Presley បានចំណាយពេល១រាត្រីជាមួយនារីចំនួន៨នាក់ក្នុងបន្ទប់នោះ ។
៩-John Lennon បានបំផ្លាញរបស់ពិសេសមួយនៅក្នុងវិមាន
វាគ្មានអាថ៌កំបាំងនោះទេដែលតារា ល្បីៗចូលចិត្តទៅទស្សនាកម្សាន្តនៅវិមាន Playboy ជាញឹកញាប់នោះ ។ ប៉ុន្តែលោក John Lennon កំពូលតារាចម្រៀងប៉ុបរបស់អង់គ្លេសបានធ្វើឱ្យមានហេតុការណ៍ខូចខាតមួយនៅក្នុងវិមានពោលគឺលោកស្រវឹង ហើយបានទម្លាក់កន្ទុយបារីទៅលើផ្ទាំងគំនូររបស់វិចិត្រករល្បីជនជាតិបារាំងដែលមានតម្លៃរាប់លានដុល្លារ។ គំនូរខូចខាតនោះនៅតែព្យួរលើជញ្ជាំងក្នុងវិមានដដែល ។
១០-លោកតាបានទិញវិមានពីកំពូលស្តេចអុក
មុនពេលក្លាយជាវិមាន Playboy របស់លោកតា Huge Hefner វាគឺជាផ្ទះរបស់កំពូលស្តេចអុក គឺលោក Louis D. Statham ។ លោកតា Hefner បានទិញវាក្នុងឆ្នាំ១៩៧១ តម្លៃប្រមាណជា១លានដុល្លារ ។ ចាប់តាំងពីទិញវិមានរួចមក លោកតាបានជួសជុលបន្ថែមទៀតដែលតម្លៃលក់ចេញវិញប្រមាណជា២០០លានដុល្លារឯណោះ៕
ចែករំលែកព័តមាននេះ