មកទល់ពេលនេះ កែវ ពេជ្រពិសី បានត្រៀមរួចជាស្រេចហើយនៅការសម្រាលកូនប្រុសជាទីស្រឡាញ់ ដែលកើតចេញពីចំណងស្នេហ៍ពិតប្រាកដ ក្រោយជីវិតធ្លាប់បរាជ័យស្នេហា។ រាល់ថ្ងៃនេះ នាងកំពុងចង់ឃើញមុខមាត់
រាជធានីភ្នំពេញ ៖ មកទល់ពេលនេះ កែវ ពេជ្រពិសី បានត្រៀមរួចជាស្រេចហើយនៅការសម្រាលកូនប្រុសជាទីស្រឡាញ់ ដែលកើតចេញពីចំណងស្នេហ៍ពិតប្រាកដ ក្រោយជីវិតធ្លាប់បរាជ័យស្នេហា។ រាល់ថ្ងៃនេះ នាងកំពុងចង់ឃើញមុខមាត់កូនប្រុសណាស់ នៅពេលខំតស៊ូពពោះ អស់ជាច្រើនថ្ងៃ។ រីឯក្តីសង្ឃឹមក៏កាន់តែកៀកជិតមកដល់ និងបានត្រៀមរួចជាស្រេចដើម្បីភារៈខាងមុខ។
កែវ ពេជ្រពិសី មានជម្រើសស្នេហ៍ច្រើនហើយ ក្នុងនោះក៏មានបុរសជាមន្ដ្រីរាជការដែលមានឋានៈជាន់ខ្ពស់ធ្លាប់តាមស្នេហានាងដែរ ពោលគឺមានន័យថា បើពិសី ចង់បានតំណែងជំទាវ វាមិនពិបាកសម្រាប់រូបនាងឡើយ។ ប៉ុន្ដែក្រោយទុកជីវិតឲ្យនៅជាស្រី្ដមេម៉ាយជិត១០ឆ្នាំ បន្ទាប់ពីចែកផ្លូវគ្នាជាមួយអតីតគូស្នេហ៍ជាបុរសអាណិកជនខ្មែរអូស្ដ្រាលីកាលពីឆ្នាំ២០១០ នោះ។ ពេជ្រពិសី ធ្លាប់ប្រាប់អ្នកយកព័តមានយើងថា នាងមិនដែលចង់ប្រាថ្នាចង់បានប្ដីជាមន្ដ្រីធំ ឬចង់បានងារជំទាវនោះទេ ព្រោះបំណងប្រាថ្នាចង់បានគ្រួសារមួយដែលសាមញ្ញមានប្ដី និងកូនរស់នៅជុំគ្នានោះ នាងពេញចិត្តហើយ។
តែពេជ្រពិសី ថា ចំពោះអ្នកផ្សេងដែលបានងារជំទាវនាងថា មានតែអបអរសាទ ព្រោះពួកគាត់មានសំណាង។ កែវ ពេជ្រពិសី បានភ្ជាប់ពាក្យជាមួយអាណិកជនខ្មែរមកពីកាណាដាលោកពៅ សម្បតិ ជិត១ឆ្នាំកន្លះ ពេលនេះនាងទទួលបានកាដូពិសេសក្នុងជីវិតដែលមិនអាចកាត់ថ្លៃបាននោះ គឺកូនប្រុសដែលនាងគ្រោងនឹងសម្រាលនៅចុងខែកញ្ញាឆ្នាំ២០២១ ខាងមុខនេះហើយ។
មុនត្រៀមក្លាយទៅជាម្ដាយគេនេះ ពេជ្រពិសី បានឲ្យដឹងថា នាងបានទៅពិនិត្យសុខភាពជាញឹកញាប់នៅមន្ទីរពេទ្យមួយដែលមានគុណភាពមិនចាញ់ពេទ្យថៃទេ ហើយនាងមិនបារម្ភការឆ្លងទន្លេកូនទី១នេះដែរ បើទោះបីជាត្រូវសម្រាលដោយវះកាត់ក្ដី។
ទាក់ទិននឹងការចាកចេញ ទៅសាងអនាគតថ្មីនៅលើទឹកដី កាណាដា ត្រូវពិសីបញ្ជាក់ថា មិនទាន់ច្បាស់ពីគម្រោង ដោយចង់នៅក្នុងស្រុកយូរទៀត ឬអាចទៅមកៗ។ ឯសិល្បៈនៅមិនទាន់ដឹងថា សម្តែងឡើងវិញឬយ៉ាងណា ក្នុងពេលដែលនាងកំពុងជាប់ភារៈមើលថែទាំកូនតូច បាត់ទៅហើយនោះ។
ចែករំលែកព័តមាននេះ