នឹកស្មានមិនដល់! ឃើញបង្គោលភ្លើង ដួលទៅលើក បុរសម្នាក់ ឆក់…
- បន្ទាយមានជ័យ
ខេត្តបន្ទាយមានជ័យ៖ បុរសម្នាក់ បានស្លា.ប់ដោយចរន្តអគ្គិសនី ឆក់ ខណៈពេលសសរបង្គោលទល់ខ្សែភ្លើង រលំដួល ហើយបុរសនោះ ទៅលើក។ ហេតុការណ៍នេះ បានកើតឡើង…
ខេត្តបន្ទាយមានជ័យ៖ បុរសម្នាក់ បានស្លា.ប់ដោយចរន្តអគ្គិសនី ឆក់ ខណៈពេលសសរបង្គោលទល់ខ្សែភ្លើង រលំដួល ហើយបុរសនោះ ទៅលើក។ ហេតុការណ៍នេះ បានកើតឡើង នៅវេលាម៉ោង ១ និង ៤០នាទី រសៀលថ្ងៃទី១១ ខែកញ្ញា ឆ្នាំ២០២១ នៅចំណុចផ្លូវលំខាងកើតវិមានស្បូវ ស្ថិតក្នុងភូមិចក សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
ប្រភពពីនគរបាលក្រុងសិរីសោភ័ណ បានឲ្យដឹងថា ជនរងគ្រោះ ឈ្មោះ ឈុន ចាក់ដេត ភេទប្រុស អាយុ ៤៥ឆ្នាំ រស់នៅភូមិចក សង្កាត់ព្រះពន្លា ក្រុងសិរីសោភ័ណ។
ស្ត្រី ហឹម ស៊ីថា អាយុ ៣២ឆ្នាំ ជាប្រពន្ធជនរងគ្រោះ បានប្រាប់សមត្ថកិច្ចថា នៅមុនពេលកើតហេតុ ប្តីរបស់គាត់ បានស្លៀកតែក្រមា មិនបានពាក់អាវ ទៅលើកបង្គោលសសរឈើទល់ខ្សែភ្លើង ដួលជាប់នឹងមាត់ទឹក ចំងាយពីរបងដីខាងមុខផ្ទះប្រហែល ១០ម ចុះក្នុងទឹកប្រឡាយ ហើយទាញខ្សែភ្លើង ក៏ឆក់តែម្តង។ ពេលនោះ ប្រពន្ធបានលោតទៅជួយ និងហៅអ្នកភូមិក្បែរនោះ មកជួយទាញយកគាត់ មកលើគោក និងដឹកទៅសង្រ្គោះនៅមន្ទីរពេទ្យបង្អែកក្រុងសិរីសោភ័ណ ពេលដឹកទៅដល់គ្រូពេទ្យពិនិត្យ និងប្រាប់ថា ប្តីបានស្លា.ប់ទៅហើយ។
បើតាមការពិនិត្យ ខ្សែភ្លើងម្ខាងបានដាច់ជ័រ ដែលស្រោប ចេញខ្សែលួសចំនួន ២កន្លែង ហើយក្នុងពេលគាត់ចុះទៅលើកសសរបង្គោលខ្សែភ្លើងនោះ មិនបានទៅបិទគុបភ្លើង ឬប៉ារ៉ែតនោះទេ។
ប្រភពដដែលបានបញ្ជាក់ថា ការស្រាវជ្រាវ នៅកន្លែងកើតហេតុនេះ រួមមាន៖ នគរបាលជំនាញកោសល្យវិច្ឆ័យ លោកមេប៉ុស្ដិ៍ លោកមេភូមិ ព្រមទាំងបងប្អូនក្រុមគ្រួសារសព បញ្ជាក់ថា ជនរងគ្រោះស្លា.ប់ ដោយសារឆក់ខ្សែភ្លើងពិតប្រាកដមែន។ ក្រោយពិនិត្យរួចបានប្រគល់អោយឲ្យទៅក្រុមគ្រួសារចាត់ចែង ធ្វើបុណ្យតាមប្រពៃ៕ ណុប រក្សា
ចែករំលែកព័តមាននេះ