- ភ្នំពេញ
ភ្នំពេញ៖ ហេតុការណ៍ ដែលប៉ូលិស ស្ទាក់ចាប់ជនល្មើសច្បាប់ចរាចរណ៍ រហូតដល់វាយបែកក្បាលស្ត្រីម្នាក់ ជិះម៉ូតូពីក្រោយយុវជនម្នាក់ ដែលមិនពាក់មួកសុវត្ថិភាព និងជិះបកក្រោយ បញ្ច្រាសទិស ក្នុងរាជធានីភ្នំពេញ…
ភ្នំពេញ៖ ហេតុការណ៍ ដែលប៉ូលិស ស្ទាក់ចាប់ជនល្មើសច្បាប់ចរាចរណ៍ រហូតដល់វាយបែកក្បាលស្ត្រីម្នាក់ ជិះម៉ូតូពីក្រោយយុវជនម្នាក់ ដែលមិនពាក់មួកសុវត្ថិភាព និងជិះបកក្រោយ បញ្ច្រាសទិស ក្នុងរាជធានីភ្នំពេញ…
ភ្នំពេញ៖ ហេតុការណ៍ ដែលប៉ូលិស ស្ទាក់ចាប់ជនល្មើសច្បាប់ចរាចរណ៍ រហូតដល់វាយបែកក្បាលស្ត្រីម្នាក់ ជិះម៉ូតូពីក្រោយយុវជនម្នាក់ ដែលមិនពាក់មួកសុវត្ថិភាព និងជិះបកក្រោយ បញ្ច្រាសទិស ក្នុងរាជធានីភ្នំពេញ កាលពីយប់ថ្ងកាលាជធានីភ្នំៃទី៨ ខែកញ្ញា គឺជារឿងដែលទាមទារឲ្យគិតគូរឡើងវិញពីការគោរព និងអនុវត្តតួនាទីរៀងៗខ្លួន។ នោះគឺប៉ូលិស អ្នកអនុវត្តច្បាប់ ត្រូវគោរពតួនាទី ភារកិច្ចរបស់ខ្លួន ក្នុងនាមជាសមត្ថកិច្ច ហើយប្រជាពលរដ្ឋ ក្នុងនាមជាអ្នកគោរពច្បាប់ ត្រូវពាក់មួកសុវត្ថិភាព និងត្រូវសហការជាមួយសមត្ថកិច្ច។
កាលពីម៉ោង ៨ និង ៤០នាទីយប់ថ្ងៃទី៨ ខែកញ្ញា ឆ្នាំ២០២១ សមត្ថកិច្ចខណ្ឌ ៧មករា បានដាក់គោលដៅត្រួតពិនិត្យអាវុធជាតិផ្ទុះ និងច្បាប់ចរាចរណ៍ផ្លូវគោក តាមបណ្ដាយផ្លូវ២១៥ សង្កាត់វាលវង់ ខណ្ឌ ៧មករា រាជធានីភ្នំពេញ។ ពេលដែលសមត្ថកិច្ច កំពុងអនុវត្តច្បាប់ ក៏ស្រាប់តែមានម៉ូតូមួយគ្រឿង រួមដំណើរគ្នា ២នាក់ ប្រុសស្រី បុរសជាអ្នកបើកបរ ឆ្លងកាត់គោលដៅចរាចរណ៍ ដោយគ្មានមួកសុវត្ថិភាព។ សមត្ថកិច្ច ក៏បានបក់ដៃតាមវិទ្យុទាក់ទង ឲ្យគោលដៅកណ្ដាល ជួយឃាត់។ ចំណែកម្ចាស់ម៉ូតូ ជិះបកក្រោយ និងព្យាយាមបន្ថែមល្បឿន ទើបមន្ត្រីនគរបាលម្នាក់ យកអាយកូម វាយលើក្បាលយុវតីរងគ្រោះ បណ្តាលឲ្យបែកក្បាលហូរឈាម។
នារី ដែលត្រូវនគរបាលខណ្ឌ ៧មករា បានប្រើប្រាស់ ID វ៉ៃបែកក្បាល ហូរឈាម បានព្រមទទួលស្គាល់ថា ខ្លួនខុស។ តែនាងថា សមត្ថកិច្ច គឺជាអ្នកអនុវត្តន៍ច្បាប់ ហេតុអ្វីបានជាប្រើអំពើហិង្សាលើប្រជាពលរដ្ឋដូច្នេះ?
ចំពោះករណីនេះ ក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បានចេញសេចក្តីបំភ្លឺ ៣ចំណុច ទាក់ទងទៅនឹងករណី ដែលបានកើតឡើង នៅយប់ថ្ងៃទី៨ ខែកញ្ញា ឆ្នាំ២០២១ នៅខណ្ឌ ៧មករា រាជធានីភ្នំពេញ។
តាមស្នងការដ្ឋាននគរបាលរាជធានីភ្នំពេញ ដោយអនុវត្តតាមបទបញ្ជារបស់លោកនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងលោក ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ រួមមាន៖ ១. មន្ត្រីអន្តរាគមន៍ ដែលបានបង្កការរងរបួសដល់ស្ត្រីម្នាក់ បណ្តាលឱ្យបែកក្បាល ត្រូវបានឃាត់ខ្លួន នៅអធិការដ្ឋាននគរបាលខណ្ឌ ៧មករា បន្ទាប់ពីពេលកើតហេតុរួច។ ២. បើស្រាវជ្រាវហើយ ឃើញថា មានកំហុស មន្ត្រីបង្ក នឹងត្រូវអនុវត្តបន្តតាមនីតិវិធីច្បាប់ ក៏ដូចជា ការអនុវត្តវិន័យកងកម្លាំងផងដែរ។ ៣. ចំពោះអ្នកបើកបរល្មើសច្បាប់ បើកបរគេចពីសមត្ថកិច្ច ក៏នឹងត្រូវអនុវត្តតាមច្បាប់ផងដែរ។
រឿងនេះ បានធ្វើឲ្យមហាជនចាប់អារម្មណ៍ខ្លាំង ហើយថា ហេតុការណ៍ឈានដល់អំពើហិង្សានោះ គឺកើតឡើងដោយសារតែយុវជនយុវនារីទាំង ២នាក់ ជាអ្នកបង្កឡើង គឺផ្តើមចេញពីការល្មើសច្បាប់ចរាចរណ៍ ដោយសារជិះម៉ូតូ មិនពាក់មួកសុវត្ថិភាព និងជិះរត់គេចពីប៉ូលិស។ តែប៉ូលិស ដែលលើកដៃ វាយគេបែកក្បាល ក៏មិនត្រូវដែរ។
អ្នកទាំងពីរ ត្រូវទទួលខុសត្រូវរៀងខ្លួន។ អ្នកល្មើសច្បាប់ចរាចរណ៍ មិនពាក់មួកសុវត្ថិភាព ហើយជិះរត់គេច ត្រូវចាប់យកមកផ្តន្ទាទោស និងពិន័យតាមច្បាប់។ រីឯប៉ូលិស អនុវត្តលើសដែនសមត្ថកិច្ចរបស់ខ្លួន រហូតបង្ករបួសស្នាម លើជនល្មើស ក៏ត្រូវតែទទួលខុសត្រូវ បង់ថ្លៃព្យាបាល ព្រមទាំងទទួលពិន័យ ដោយបញ្ឈរជើង ហើយបើធ្ងន់ធ្ងរ អាចបណ្តេញចេញពីក្របខណ្ឌប៉ូលិសតែម្តង ព្រោះជននេះ បង្ករឿងហេតុដូច្នេះ ច្រើនលើករួចមកហើយ។
ជាដំណោះស្រាយទៅមុខ ប៉ូលិស ត្រូវតែមានរបៀប ឃាត់ស្ទាក់ជនល្មើស ដោយម៉ឺងម៉ាត់ជាងនេះ ហើយមិនបង្កគ្រោះថ្នាក់ដល់អ្នកដំណើរ ឬជនល្មើសទេ។ ក្បួនស្ទាក់ ដែលមិនអាចឲ្យជនល្មើស គេចខ្លួន ទាំងទៅមុខ និងទាំងបកក្រោយ ត្រូវរៀបចំឡើងវិញ។ វិធីសាស្ត្រអស់ទាំងនេះ ប៉ូលិសច្បាស់ជាដឹង និងចេះហើយ។
ក្នុងនោះ ប៉ារ៉ាស់ដែកជាច្រើន ដែលធ្វើ សម្រាប់បិទផ្លូវ អំឡុងពេលមានបាតុកម្ម និងការបិទខ្ទប់ពេលកូវីដ គួរតែបញ្ចេញមកប្រើ ហើយបន្ថែមកម្លាំង ដោយមានឧបករណ៍ស្ទាក់ជនល្មើស ដែលបើករត់គេច ដោយមានបន្លាដែកលួសស្ទាក់ខ្លួន ដាក់នៅក្រោមកង់ឡាន កង់ម៉ូតូ ជាដើម។ បើនៅវៀតណាម គេប្រើមង និងសំណាញ់ ស្ទាក់ចាប់ក្រុមក្មេងស្ទាវ ដែលបើកម៉ូតូ មិនគោរពច្បាប់ចរាចរណ៍។ ករណីនេះ ប៉ូលិសយើង ក៏គួរតែរៀនសូត្រ និងស្រង់ពិសោធន៍ពីប្រទេសនានា ដើម្បីធ្វើយ៉ាងណា កុំឲ្យបង្កគ្រោះថ្នាក់ ដល់ជនល្មើសតទៅទៀត។
ទន្ទឹមជាមួយនោះ រាល់ការអនុវត្តច្បាប់ដោយប៉ូលិស ក៏ត្រូវតែមានភាពទន់ភ្លន់ និងម៉ឺងម៉ាត់។ ចំណែកជនល្មើសច្បាប់ចរាចរណ៍វិញ ទាំងអ្នកបើកម៉ូតូ និងទាំងអ្នកបើកបរឡាន ត្រូវតែប្តូរឥរិយាបថ។ បើល្មើសច្បាប់ហើយ ត្រូវឈប់ ដោះស្រាយ។ មិនត្រូវបើករត់គេចទេ។ បង្កគ្រោះថ្នាក់ហើយ ត្រូវឈប់ដោះស្រាយ។ បើរត់គេច កាន់តែធ្វើឲ្យរឿង កាន់តែធំ។ តែមហាជន ក៏ឈប់កាត់ក្តី ជំនួសតុលាការ ឬប៉ូលិស នៅពេលមានគ្រោះថ្នាក់ចរាចរណ៍ កើតឡើង គឺការវែកញែករកខុសត្រូវ ជាសមត្ថកិច្ចរបស់ប៉ូលិស និងតុលាការ។ សំខាន់មហាជន ធ្វើជាសាក្សី និងជួយសង្គ្រោះជនរងគ្រោះ យកទៅពេទ្យ ឬហៅឡានពេទ្យ។
ករណីចុងក្រោយនេះ គ្រាន់តែមិនពាក់មួកសុវត្ថិភាព គឺជនល្មើស បានសម្រេចចិត្ត បើកម៉ូតូរត់គេច ទើបត្រូវប៉ូលិស វ៉ៃបែកក្បាលខាងស្រី ដែលជិះក្រោយ ខណៈអាប្រុស គេចផុត។ ចុះបើរេចង្កូត ចូលក្រោមឡាន ឬក៏បុកប៉ូលិស ឬដួលបោកក្បាលនឹងជញ្ជាំង ឬថ្នល់ មិនត្រឹមតែបែកក្បាល បាក់ដៃ បាក់ជើង តែដល់ថ្នាក់ស្លាប់ តើអ្នកល្មើសច្បាប់ចរាចរណ៍ បើករត់គេចនោះ មានវិប្បដិសារី និងត្រូវទទួលខុសត្រូវដូចម្តេច?
មិនពាក់មួកសុវត្ថិភាព ពេលធ្វើដំណើរតាមម៉ូតូ និងអ្នកបើកបរម៉ូតូ មិនពាក់មួកសុវត្ថិភាព ត្រូវប៉ូលិសផាកពិន័យ ត្រឹមតែម្នាក់ ៦ម៉ឺនរៀលប៉ុណ្ណោះ ហើយជិះបញ្ច្រាសទិស ត្រូវផាក ១០ម៉ឺនរៀលដែរ។ តែដល់បែកក្បាលដូច្នេះ ត្រូវចេញថ្លៃព្យាបាល ហើយឈឺខ្លួន និងខកដំណើរ មិនអាចទៅជួបជុំមិត្តភក្តិ ថែមទាំងមានរឿងរ៉ាវវែងឆ្ងាយទៀត។
ដូច្នេះខុសអី ឲ្យប៉ូលិសផាកហ្នឹងទៅ។ បើគ្រាន់តែពាក់មួកសុវត្ថិភាព ដើម្បីការពារក្បាលខ្លួនឯងសោះ មិនអាចធ្វើបានផង គឺសមមុខហើយ ដែលត្រូវប៉ូលិសវ៉ៃបែកក្បាលដូច្នេះ។ ករណីនេះ បើអ្នកល្មើសច្បាប់ បានពាក់មួកសុវត្ថិភាព ក៏មិនបែកក្បាលដែរ។ តែប៉ូលិស ក៏មិនត្រូវប្រើមធ្យោបាយ ឃាត់ស្ទាក់របៀបនេះឡើយ។ ប៉ូលិស ត្រូវមានតួនាទីការពារសន្តិសុខសណ្តាប់ធ្នាប់ និងសេចក្តីសុខរបស់ប្រជាពលរដ្ឋ។ ចំណែកប្រជាជនកម្ពុជាទាំងអស់ ក៏ត្រូវតែធ្វើខ្លួន ជាពលរដ្ឋល្អនិងគោរពច្បាប់ទម្លាប់៕
ចែករំលែកព័តមាននេះ