ចៅហ្វាយក្រុងអូស្តាណា ស្ថិតនៅជួរភ្នំក្នុងតំបន់ភៀតម៉ុង ភាគខាងជើងប្រទេសអីុតាលី សម្តែងក្តីរីករាយចំពោះការចាប់កំណើតរបស់ទារកដំបូងក្នុងអំឡុងពេល២៨ឆ្នាំ ក្រោយពីពលរដ្ឋនៅក្នុងទីក្រុងថយចុះយ៉ាងឆាប់រហ័សរយៈពេល១០០ឆ្នាំកន្លងទៅ ។
ទារកប៉ាវឡូ ដែលកើតក្នុងមន្ទីរពេទ្យទូរីន កាលពីពេល ថ្មីៗកន្លងមកធ្វើឱ្យចំនួនពលរដ្ឋនៅក្រុងអូស្តាណា កើនឡើង៨៥នាក់ ទោះបីជាត្រឹមតែពាក់កណ្តាលនៃចំនួននេះរស់នៅក្រុងអូស្តាណាជាអចិន្ត្រៃយ៍ក៏ដោយ ។ ពលរដ្ឋក្រុងអូស្តាណា ថយចុះខ្លាំងតាំងពីឆ្នាំ១៩៧៥មក ក្នុងអំឡុងពីឆ្នាំ១៩៧៦ ដល់១៩៨៦ មានពលរដ្ឋទើបកើតថ្មីត្រឹមតែ១៧នាក់ប៉ុណ្ណោះ និងមានគម្លាតដល់ទៅ២៨ឆ្នាំ ទើបមានក្មេងតូចប៉ាវឡូ ចាប់កំណើត ។
ទីក្រុងដ៏តូចមួយក្នុងអីុតាលី តែងតែជួបប្រទះនឹងបញ្ហាប្រជាជនធ្លាក់ចុះ ក្រោយពីមនុស្សជំនាន់ក្រោយនាំគ្នាចាកចេញទៅរកការងារធ្វើក្នុងទីក្រុង ធំៗរហូតធ្វើឱ្យទីក្រុងមួយចំនួនដល់ថ្នាក់ចែកផ្ទះឱ្យពលរដ្ឋដោយឥតគិតថ្លៃ ។ មិនតែប៉ុណ្ណោះមានអភិបាលក្រុងម្នាក់បានចេញច្បាប់ចម្លែកហាមមនុស្សឈឺ ព្រោះមិនចង់ឱ្យពលរដ្ឋធ្លាក់ចុះ៕
ចែករំលែកព័តមាននេះ