បន្ទាយមានជ័យ ៖ មន្ត្រីគយ និងរដ្ឋករតំបន់៥បានឃាត់រថយន្តក្រុង១គ្រឿង ដឹកគ្រឿងក្នុងជ្រូក២តោនកន្លះ ត្រូវបានសហការពេទ្យសត្វដុតកម្ទេចចោល នៅថ្ងៃទី០៩ ខែកញ្ញា ឆ្នាំ២០២១ នៅជាយក្រុងសិរីសោភ័ណ ។
មន្ត្រីគយ និងរដ្ឋករការិយាល័យស្រាវជ្រាវបង្ក្រាបអំពើររត់ពន្ធតំបន់៥ ប្រចាំខេត្តបន្ទាយមានជ័យបានប្រាប់ថា ៖ ជាការណែនាំពីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងវិធានការងគ្គនាយកដ្ឋានគយ និងរដ្ឋករហើយមន្ត្រីគយនិងរដ្ឋករការិយាល័យស្រាវជ្រាវបង្ក្រាបអំពើរត់ពន្ធតំបន់៥ បានធ្វើការស្រាវជ្រាវកំណត់មុខសញ្ញាឃាត់រថយន្តក្រុង១គ្រឿង ពាក់ផ្លាក់លេខភ្នំពេញ 3B.3145 ដែលសង្ស័យដឹកទំនិញគ្មានពន្ធត្រូវមន្ត្រីជំនាញឃាត់នាំយកមកការិយាល័យ ដើម្បីធ្វើការឆែកឆេររកឃើញមានគ្រឿងក្នុងជ្រូកចំនួន៤០កេស នៅវេលាម៉ោង៨យប់ ថ្ងៃទី០៨ ខែកញ្ញា ឆ្នាំ២០២១ នៅតាមបណ្តោយផ្លូវជាតិលេខ៥ ស្ថិតភូមិ.សង្កាត់ទឹកថ្លា ក្រុងសិរីសោភ័ណ ។
មន្ត្រីគយ និងរដ្ឋករតំបន់៥ បានបញ្ជាក់ថា ៖ ក្រោយឃាត់រថយន្តក្រុង១គ្រឿង ដែលសង្ស័យនាំមកការិយាល័យស្រាវជ្រាវបង្ក្រាបអំពើររត់ពន្ធតំបន់៥ ប្រចាំខេត្តបន្ទាយមានជ័យធ្វើការឆែកឆេររកឃើញមានគ្រឿងក្នុងជ្រូកចំនួន៤០កេស ក្នុង១កេសទំងន់៦៥គីឡូក្រាម ដែលគ្រឿងក្នុងជ្រូកមានពោះវៀនធំ ក្រពះ បេះដូង ត្រចៀក ក្រលៀន ដែលដឹកគ្មានច្បាប់ និងគេចពន្ធ ហើយដឹកខុសលក្ខណៈបច្ចេកទេសខូចគុណភាពដែលឈ្មួញនាំចូលពីប្រទេសថៃចូលមកកម្ពុជានៅក្រុងប៉ោយប៉ែត ហើយបន្តដឹកចែកចាយលក់នៅរាជធានីភ្នំពេញ ។
មន្ត្រីគយ និងរដ្ឋករតំបន់៥ បានបញ្ជាក់ថា ៖ ក្រោយពេលដែលមន្ត្រីគយ និងរដ្ឋករតំបន់៥ ឃាត់រថយន្តក្រុងដែលសង្ស័យដឹកទំនិញគេចត្រូវបានឆែកឆេររកឃើញគ្រឿងក្នុងជ្រូកដែលគេចពន្ធ និងខូចគុណភាពទម្ងន់២តោនកន្លះត្រូវបានប្រគល់សហការជាមួយមន្ត្រីការិយាល័យផលិតកម្ម និងបសុព្យាបាលខេត្តបន្ទាយមានជ័យ យកទៅដុតកម្ទេចចោល នៅថ្ងៃទី០៩ ខែកញ្ញា ឆ្នាំ២០២១ នៅជាយក្រុងសិរីសោភ័ណ ចំណែកទំនិញគ្មានមានក្រណាត់៩ដុំមានទម្ងន់៦៦៦គីឡូក្រាម ដែលគ្មានពន្ធត្រូវបានអោយម្ចាស់ចូលបង់ពន្ធជូនរដ្ឋ ចំណែករថយន្តដែលដឹកទំនិញគេចពន្ធត្រូវបានអនុវត្តតាមច្បាប់ ៕
ចែករំលែកព័តមាននេះ