សាច់ជ្រូក-មាន់ គ្រឿងក្នុង និងប្រហិតជិត៣តោនកំពុងផ្ទេរនៅក្បែរព្រំដែន
- បន្ទាយមានជ័យ
សាច់ជ្រូក សាច់មាន់ គ្រឿងក្នុង និងប្រហិតចម្រុះ សរុបជិត៣តោន បានត្រូវមន្ត្រីនាយកដ្ឋានសុខភាពសត្វធ្វើការបង្ក្រាប កាលពី
ខេត្តបន្ទាយមានជ័យ ៖ សាច់ជ្រូក សាច់មាន់ គ្រឿងក្នុង និងប្រហិតចម្រុះ សរុបជិត៣តោន បានត្រូវមន្ត្រីនាយកដ្ឋានសុខភាពសត្វធ្វើការបង្ក្រាប កាលពីវេលាម៉ោងប្រមាណ៤និង៤៥នាទីទៀបភ្លឺថ្ងៃទី៨ ខែកញ្ញា ឆ្នាំ២០២១ នៅក្បែរច្រកទ្វារតំបន់បឹងត្រកួន ក្នុងភូមិបន្ទាយមានឫទ្ធិ ឃុំគោករមៀត ស្រុកថ្មពួក ។
ការបង្ក្រាបនេះដឹកនាំដោយឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានសុខភាពសត្វ ដែលមានក្រុមការងារអន្តរាគមន៍បង្ក្រាបបទល្មើសចលនាសត្វ និងផលិតផលពីសត្វ រួមជាមួយកងកម្លាំងឈជើងតាមបន្ទាត់ព្រំដែន ។
ឯកឧត្តម តាន់ ផាន់ណារ៉ា ថ្លែងថា ការបង្ក្រាបនេះ គឺជាការទប់ស្កាត់បទល្មើសដែលមានដើមកកំណើតពីសត្វ ការពារជំងឺឆ្លងរាលដាលក្នុងស្រុក និងលើកកម្ពស់គុណភាពការចិញ្ចឹមសត្វក្នុងស្រុកឲ្យមានទីផ្សារ ។ កម្លាំងចម្រុះបានធ្វើការស្រាវជ្រាវ និងកំណត់មុខសញ្ញាឃាត់រថយន្ត២គ្រឿងពាក់ផ្លាកលេខថៃ បើកបរនៅលើទឹដីកកម្ពុជាក្បែរព្រំដែន ។ លុះនៅពេលឆែកឆេរឃើញមាន សាច់ជ្រូក សាច់មាន់ ស្លាបមាន់ គ្រឿងក្នុងជ្រូក គ្រឿងក្នុងមាន់ និងប្រហិតចម្រុះ សរុបទម្ងន់ជិត៣តោន ដែលឈ្មួញថៃនិងកម្ពុជាកំពុងផ្ទេរនៅក្បែរព្រំដែន និងក្បែរច្រកទ្វារបឹងត្រកួន ក្នុងស្រុកថ្មពួក។
ឯកឧត្តម តាន់ ផាន់ណារ៉ា តាមការពិនិត្យ ផលិតផលដើមកំណើតពីសត្វជិត៣តោន ដែលឈ្មួញថៃនិងខ្មែរឃុបឃិតគ្នានាំចូលមកនេះ គ្មានលិខិតអនុញ្ញាត លក្ខណៈបច្ចេកទេស ហើយខូចគុណភាពទៀត និងត្រូវបានយកទៅដុតកម្ទេចចោលនៅថ្ងៃទី៨ ខែកញ្ញា ឆ្នាំ២០២១ នៅជាយក្រុងសិរីសោភ័ណ ៕
ចែករំលែកព័តមាននេះ