កុំភ្លេចខ្លួន! ស្លា.ប់ជាង៦០នាក់ និងឆ្លងកូវីដថ្មី ជិត៣ពាន់ករណី ត្រឹម៦ថ្ងៃ
- ភ្នំពេញ
រាជធានីភ្នំពេញ ៖ អត្រានៃការឆ្លងកូវីដ-១៩ ប្រចាំថ្ងៃហាក់មានសន្ទុះកើនឡើងវិញក្នុងរយៈពេល ២ ថ្ងៃចុងក្រោយនេះ ជាក់ស្តែង
រាជធានីភ្នំពេញ ៖ អត្រានៃការឆ្លងកូវីដ-១៩ ប្រចាំថ្ងៃហាក់មានសន្ទុះកើនឡើងវិញក្នុងរយៈពេល ២ ថ្ងៃចុងក្រោយនេះ ជាក់ស្តែង
រាជធានីភ្នំពេញ ៖ អត្រានៃការឆ្លងកូវីដ-១៩ ប្រចាំថ្ងៃហាក់មានសន្ទុះកើនឡើងវិញក្នុងរយៈពេល ២ ថ្ងៃចុងក្រោយនេះ ជាក់ស្តែងការឆ្លងក្នុងរយៈពេល ២៤ ម៉ោងនាថ្ងៃទី ៦ ខែកញ្ញា មានចំនួន ៥១១ នាក់ និងស្លា.ប់ថ្មី ១១នាក់បន្ថែមទៀត ខណៈអ្នកជាសះស្បើយថ្មីមានចំនួន ៤៨៧ នាក់ ។
ដូច្នេះត្រឹមរយៈពេលតែ៦ថ្ងៃដើមខែកញ្ញា ឆ្នាំ ២០២១ កម្ពុជាបានរកឃើញករណីឆ្លងកូវីដ-១៩ សរុបដល់ទៅ ២៨៤៩ នាក់ ក្នុងនោះករណីនាំចូលពីក្រៅប្រទេសមានចំនួនដល់ទៅ ៩១១ នាក់ (ប្រមាណជិត ៣២%នៃករណីសរុប) ដែលករណីនាំចូល គឺច្រើនរកឃើញវីរុសបំប្លែងថ្មីដែលតា ។ ក្នុងនោះផងដែរ រយៈពេល ៦ ថ្ងៃ ដើមខែនេះ គ្រូពេទ្យក៏បានព្យាបាលអ្នកជំងឺកូវីដ-១៩ ឱ្យបានជាសះស្បើយបានចំនួនសរុប ២៥០៤ និងស្លា.ប់ដល់ទៅ ៦៥ នាក់ ។
ខណៈដែលអត្រាឆ្លងប្រចាំថ្ងៃ រយៈពេល ២ ថ្ងៃចុងក្រោយបានកើនឡើងជាង ៥០០ ករណីនិងមានវត្តមានរបស់វីរុសបំប្លែងថ្មី ដែលតា (Delta) កំពុងវាយលុយនៅរាជធានីភ្នំពេញ និងខេត្តចំនួន ២២ ផ្សេងទៀត លើកលែងតែខេត្តកែប និងក្រចេះ គេសង្កេតឃើញពលរដ្ឋមួយចំនួននៅព្រងើយកណ្តើយមិនសូវអនុវត្តវិធានសុខាភិបាលបានត្រឹមត្រូវនោះទេ ។
«តាមខ្ញុំសង្កេតមើល អ្នកខ្លាច អ្នកការពារ គឺនៅតែការពារ ដោយពាក់ម៉ាស់ និងមានឃើញកាន់អាល់កុលតាមខ្លួនពេលទៅកន្លែងហាងកាហ្វេ ឬភោជនីយដ្ឋាន ។ តែខ្ញុំឃើញតាមដងផ្លូវ ពលរដ្ឋមួយចំនួន មិនពាក់ម៉ាស់ទេ ឈប់នៅស្តុប ហើយថែមទាំងមិនពាក់មួកសុវត្ថិភាពទៀតផង» ។ នេះជាការលើកឡើងរបស់ កញ្ញា សុជាតា វ័យ ២៨ ឆ្នាំដែលកំពុងបន្តការសិក្សាបរិញ្ញាប័ត្រជាន់ខ្ពស់នៅមហាវិទ្យាល័យមួយ ។
កញ្ញាបន្តថា «ខ្ញុំឈប់ឡាននៅស្តុប ខ្ញុំឃើញផ្ទាល់ភ្នែក ថាមានបងប្អូនយើងមួយចំនួន ហាក់ធ្វេសប្រហែសណាស់ ខណៈថ្នាក់ដឹកនាំខ្នះខ្នែងរកវ៉ាក់សាំងបង្ការកូវីដ-១៩ មកចាក់ជូនពលរដ្ឋបានយ៉ាងច្រើន ទាំងដែលប្រទេសជិតខាងយើងមិនទាន់បានចាក់ជូនពលរដ្ឋគេបានច្រើន ដូចប្រទេសយើងផង។ អ៊ីចឹងខ្ញុំសង្ឃឹមថា បងប្អូនមួយចំនួនតូចដែលមិនអនុវត្តវិធានសុខាភិបាល គួរតែភ្ញាក់រលឹក អនុវត្តការការពារខ្លួន កុំចាំដល់ឱ្យក្រសួងសុខាភិបាល ឬថ្នាក់ដឹកនាំយកម៉ាស់មកពាក់ឱ្យអី» ។
សូមបញ្ជាក់ថា កម្ពុជាបានរកឃើញករណីវិជ្ជមានកូវីដ-១៩ ដំបូងបង្អស់កាលពីថ្ងៃទី ២៧ ខែមករា ឆ្នាំ២០២០ លើបុរសជនជាតិចិននៅខេត្តព្រះសីហនុ ។ គិតមកដល់ពេលនេះ ក្រសួងសុខាភិបាល បានបញ្ជាក់នៅថ្ងៃទី៧ ខែកញ្ញា ឆ្នាំ២០២១ នេះថា កម្ពុជាមានអ្នកឆ្លងជំងឺកូវីដ-១៩ សរុបនៅទូទាំងប្រទេសមានចំនួន ៩៦ ៣៣៩នាក់ និងអ្នកព្យាបាលជាសះស្បើយចំនួន ៩១ ៦១៨ នាក់ ខណៈអ្នកស្លា.ប់ដោយកូវីដ-១៩ នៅទូទាំងប្រទេសមានចំនួន ១ ៩៨១ នាក់ ៕
ចែករំលែកព័តមាននេះ