សង្ស័យចាក់ស្តើងស៊ីក្រាស់! ដល់គេសង្ស័យ បែរជាផ្អាកមួយរយៈសិន
- ព្រៃវែង
ខេត្តព្រៃវែង ៖ ផ្លូវក្រាលខ្សាច់ភ្នំជាច្រើនខ្សែ ប្រវែងសរុប១៥គីឡូម៉ែត្រ ដែលក្រុមហ៊ុនមួយកំពុងសាងសង់ នៅក្នុងឃុំធាយ ស្រុក
ខេត្តព្រៃវែង ៖ ផ្លូវក្រាលខ្សាច់ភ្នំជាច្រើនខ្សែ ប្រវែងសរុប១៥គីឡូម៉ែត្រ ដែលក្រុមហ៊ុនមួយកំពុងសាងសង់ នៅក្នុងឃុំធាយ ស្រុក
ខេត្តព្រៃវែង ៖ ផ្លូវក្រាលខ្សាច់ភ្នំជាច្រើនខ្សែ ប្រវែងសរុប១៥គីឡូម៉ែត្រ ដែលក្រុមហ៊ុនមួយកំពុងសាងសង់ នៅក្នុងឃុំធាយ ស្រុកបាភ្នំ ត្រូវបានប្រជាពលរដ្ឋអះអាងថា ធ្វើខុសស្តង់ដារ គ្មានគុណភាព និងស្នើសុំអោយមន្ត្រីជំនាញពាក់ពន្ធ័ ចុះត្រួតពិនិត្យឡើងវិញផង។
ប្រជាពលរដ្ឋនៅក្នុងភូមិស្នួល ឃុំធាយ ស្រុកបាភ្នំ បានប្រាប់អោយដឹងថា នៅក្នុងគំរោងមូលនិធិឃុំ ផ្លូវក្រាលខ្សាច់ភ្នំដែលគេធ្វើនេះ គឺឆ្លងកាត់ភូមិចំនួន៥ភូមិក្នុងឃុំធាយ ដែលមានទទឹង៥ម៉ែត្រ បណ្តោយ១៥គីឡូម៉ែត្រ បាតក្រោមក្រាលដីសរ និងចាក់ខ្សាច់ភ្នំកំរ៉ាស់១តឹកកន្លះ។ ប៉ុន្តែអ្វីដែលពួកគាត់មើលឃើញជាក់ស្តែង គឺផ្លូវដែលគេធ្វើនេះ គ្មានគុណភាពទាល់តែសោះ បាតក្រោមអត់មានក្រាលដីសរ ខ្សាច់ភ្នំដែលចាក់ស្តើងជ្រុលមិនបានកន្លះតឹកផង ហើយគ្មានគ្រឿងចក្រកិនបង្ហាប់ទេ គេប្រើឡានដឹកដីបើកកិនតែម្តង ចំណែកទទឹងផ្លូវវិញកន្លែងខ្លះតូច កន្លែងខ្លះធំ ខ្លះ៣ម៉ែត្រ ខ្លះ៤ម៉ែត្រ គឺខុសពីកិច្ចសន្យាគំរោងទាំងស្រុង ហើយពេលនេះគេដកគ្រឿងចក្រចេញអស់ហើយ។
លោក ហាក់ វង្ស មេឃុំធាយ បានអោយដឹងថា ផ្លូវក្រាលខ្សាច់ភ្នំប្រវែង១៥គីឡូម៉ែត្រនេះ គឺទទួលម៉ៅការសាងសង់ដោយក្រុមហ៊ុន ទាវ ចាន់រស្មី ដែលតាមគំរោងដេញថ្លៃដំបូង ផ្លូវប្រវែងតែ៥៦០០ម៉ែត្រទេ ក្នុងតម្លៃប៉ាន់ប្រមាណជាង២៨០លានរៀល ។ ប៉ុន្តែដោយក្រុមហ៊ុនដេញថ្លៃប្រកួតប្រជែង ចុះតម្លៃមកនៅត្រឹម១០១លាន ធ្វើអោយថវិកាសល់ជាង១៨០លានរៀលទៀត ទើបឃុំពិគ្រោះយោបល់ អោយក្រុមហ៊ុនធ្វើផ្លូវបន្តឡើងដល់១៥គីឡូម៉ែត្រ បង្ហើយលុយដែលនៅសល់តែម្តង។
ដោយឡែក រឿងដែលប្រជាពលរដ្ឋលើកឡើងថា ក្រុមហ៊ុនធ្វើផ្លូវគ្មានគុណភាពនោះ លោក ហាក់ វង្ស មេឃុំធាយ បានទទួលស្គាល់ថា បច្ចុប្បន្នផ្លូវដែលគេធ្វើនេះ ពិតជាមិនទាន់គ្រប់ស្តង់ដារមែន ហើយខាងឃុំជាម្ចាស់គំរោងក៏មិនទទួលយកផ្លូវបែបនេះដែរ ប៉ុន្តែផ្លូវនេះខាងក្រុមហ៊ុននៅធ្វើបន្តទៀត ព្រោះគេធ្វើទើបតែបាន៥០%ប៉ុណ្ណោះ ដូច្នេះយើងថាគេធ្វើផ្លូវគ្មានគុណភាព ក៏មិនត្រូវដែរ ទាល់តែផ្លូវនេះធ្វើហើយ១០០% ទើបអាចវាយតម្លៃបាន។
ចំណែក តំណាងក្រុមហ៊ុន ទាវ ចាន់រស្មី វិញបានអោយដឹងតាមទូរសព្ទ័ថា ផ្លូវក្រាលខ្សាច់ភ្នំក្នុងឃុំធាយនេះ ក្រុមហ៊ុនទើបតែធ្វើបាន៥០%ទេ ពេលនេះឈប់ធ្វើ ដកគ្រឿងចក្រចេញអស់ ព្រោះជាប់រវល់ទៅធ្វើកន្លែងផ្សេង ប៉ុន្តែនៅពេលណាទំនេរ ក្រុមហ៊ុននិងត្រឡប់មកធ្វើបន្តទៀត អោយទាល់តែហើយ។
ផ្លូវលំជនបទខាងលើនេះ គួរឱ្យសង្ស័យណាស់…សង្ស័យចាក់ស្តើងស៊ីក្រាស់…ដល់ពេលមហាជនដឹងក៏ផ្អាកការងារសិន…ដល់ពេលណាមកធ្វើទៀតទេ?
ពេលណាមានព័ត៌មានប្លែក យើងនឹងផ្សាយជូនបន្តទៀត ៕
ចែករំលែកព័តមាននេះ