កំណាព្យ (ស្រ្តី) បទកាកគតិ ដោយ ព្រុំ គឹមជឿន
– ស្ដ្រីនាំចម្រើន ទ្រព្យធនក៏កើន មានយសសក្ដា
កបកល្យាណី គ្រប់លក្ខិណា ប្រុសគ្រប់អាត្មា
– ស្ដ្រីនាំចម្រើន ទ្រព្យធនក៏កើន មានយសសក្ដា
កបកល្យាណី គ្រប់លក្ខិណា ប្រុសគ្រប់អាត្មា
– ស្ដ្រីនាំចម្រើន ទ្រព្យធនក៏កើន មានយសសក្ដា
កបកល្យាណី គ្រប់លក្ខិណា ប្រុសគ្រប់អាត្មា ប្រាថ្នាចង់បាន ។
– ភក្ដីស្មោះស្ម័គ្រ យកចិត្ដទុកដាក់ ថែរលំនៅឋាន
ទុកដាក់រក្សារ ទ្រព្យធនប៉ុន្នាន នាំសុខក្សេមក្សាន្ដ ដល់ក្រុមគ្រួសារ។
– មិនប្រមាថប្ដី ទោះខុសឆ្គងអ្វី លកលៃវាចា
ផ្អែមល្អែមទន់ភ្លន់ ចេះយល់ចិន្ដា ទៅដល់ទីណា គេកោតគោរព ។
– នាំលាភនាំជោគ ញាតិមិត្ដមូលមក ប្រាស្រ័យមិនឈប់
ដឹងទុក្ខធុរះ មិនថាថ្ងៃយប់ អ្វីដែលប្រារឰ មានគុណប្រយោជន៍។
– ស្ដ្រីនាំអន្ដរាយ ទ្រព្យធនទាំងឡាយ រលាយហិនហោច
ព្រោះកញ្ជើរធ្លាយ ងាយធ្លុះរបោច ប៉ប៉ាច់ប៉ប៉ោច មិនសមជាស្រី ។
– ចូលចិត្ដពន្យុះ រករឿងប្រទូស្ដ រស់គ្មានសេរី
បើកភ្នែកពេលណា ឡូឡាជេរប្ដី អាប់អោនរាសី រកស៊ីមិនបាន ។
– ផ្ទះដូចទ្រូងជ្រូក យប់ស្រមុកគ្រូក ភ្ញាក់ឡើងតែងប្រាណ
លាបក្រែមថែមម្សៅ ឱ្យស្អាតភុំផាន លុយកាក់ប៉ុន្មាន ចាយបំផ្លាញអស់។
– ប្ដីរកត្រាក់ៗ បើកញើសសស្រាក់ ស្រីមិនស្រណោះ
ដើរលេងបៀរប៉ោ បះបោររកប្រុស លេងសើចឡេះឡោះ ផ្ដោះផ្ដងស្នេហា។
– មួយម៉ាត់យា់ងខ្លី គឺពាក្យថាស្រី មានច្រើនប្រការ
ស្រីល្អ ស្រីខូច ប្រដូចឧបមា ខុសឆ្ងាយតម្រា ស្រីមិនដូចគ្នា ។
ដោយ ព្រុំ គឹម ជឿន prumkimchoeun@gmail.com
ចែករំលែកព័តមាននេះ