រាជធានីភ្នំពេញ ៖ ឪពុកម្តាយភាគច្រើនចង់ឱ្យកូនមានចរិតល្អ និងអាកប្បកិរិយាល្អ ។ អ្វីដែលសំខាន់បំផុតដែលត្រូវពិចារណា គឺអ្នកត្រូវធ្វើជាគំរូដោយមានសុជីវធម៌ផ្ទាល់ខ្លួនរបស់អ្នក ។ អាកប្បកិរិយាល្អគួរតែត្រូវបានបង្រៀនតាំងពីក្មេង ព្រោះនៅពេលដែលទម្លាប់អាក្រក់បង្កើតឡើង គឺវាពិបាកនឹងកែប្រែណាស់ ។ ឪពុកម្តាយត្រូវដឹងថា ចាប់ពីពេលដែលកូនរបស់អ្នកកើតមក អ្នកត្រូវធ្វើជាគំរូល្អភ្លាម ។

បើឪពុកម្តាយមានចរិតឆេវឆាវ នោះកូនៗក៏ដូចគ្នាដែរ ។ វិធីដែលមានប្រសិទ្ធភាពបំផុតក្នុងការបង្រៀនសុជីវធម៌ គឺត្រូវប្រាប់ពីច្បាប់ ហើយបន្ទាប់មកបង្ហាញពីរបៀបអនុវត្តច្បាប់ទាំងនេះនៅក្នុងជីវិតប្រចាំថ្ងៃ ។ ចាប់ផ្តើមជាមួយច្បាប់ជាមូលដ្ឋាន ដើម្បីឱ្យកូនរបស់អ្នកធ្វើតាមតាំងពីក្មេង ។ អ្នកអាចចាប់ផ្តើមនៅផ្ទះ ។ អ្នកមិនគួរចង់យកឈ្នះលើកូនតូចរបស់អ្នក ឬរារាំងការអភិវឌ្ឍរបស់ពួកគេដោយណែនាំពីគំនិតដែលពួកគេមិនទាន់ត្រៀមខ្លួនឆាប់ពេកឡើយ ។

ឧទាហរណ៍នៃច្បាប់មូលដ្ឋាន ៖ កុំរំខាន, កុំដាក់កែងដៃរបស់អ្នកលើតុ, កុំទំពារអាហារដោយបើកមាត់ធំ, និយាយថា “សូម” និង “សូមអរគុណ”, និយាយថ្នមៗ ។

បន្ថែមច្បាប់បន្តិចម្តងៗនៅពេលកូនរបស់អ្នករួចរាល់ ៖ ដរាបណាអ្នកមានអារម្មណ៍ថា កូនរបស់អ្នកបានត្រៀមខ្លួនសម្រាប់កម្រិតបន្ទាប់នៃច្បាប់សីលធម៌ សូមប្រាប់ពួកគេថាអ្នកមានមោទនភាពចំពោះរបៀបដែលពួកគេមានអាកប្បកិរិយាល្អហើយអ្នកចង់បង្រៀនពួកគេពីអ្វីដែលថ្មី ។ ពួកគេនឹងមើលឃើញថា នេះជារឿងវិជ្ជមាន ហើយពួកគេទំនងជាប្រកាន់យកនូវសុជីវធម៌នោះ ។

បញ្ជីនៃច្បាប់សីលធម៌ ដើម្បីបន្ថែមលើមូលដ្ឋាន ៖ បង្រៀនមូលដ្ឋានគ្រឹះនៃការរៀបចំតុ និងរបៀបញ៉ាំ ឬទង្វើនានានៅតុអាហារពេលល្ងាច, ពេលហូបបាយនៅផ្ទះអ្នកផ្សេង ចៀសវាងធ្វើបាបអារម្មណ៍ម្ចាស់ផ្ទះ, ឆ្លើយទូរស័ព្ទដោយសុភាពរាបសា, អនុវត្តតាមក្រមសីលធម៌ទូរស័ព្ទដៃឱ្យបានត្រឹមត្រូវ, នាំកូនរបស់អ្នកចេញមកក្រៅជាសាធារណៈ ដើម្បីឱ្យពួកគេអាចមានអាកប្បកិរិយាល្អ ដូចជាភោជនីយដ្ឋាន និងបណ្ណាល័យជាដើម, ផ្ញើសារអរគុណ, ប្រសិនបើការអញ្ជើញមានសំណើឱ្យឆ្លើយតបភ្លាម ចូរឆ្លើយតបតាមកាលកំណត់, កុំនិយាយដើមនរណា, ជួយកាន់ទ្វារពេលនរណាមានដៃរវល់ ឬត្រូវការជំនួយបន្ថែម, ធ្វើជាមនុស្សល្អចំពោះមនុស្សរាល់គ្នា ។

សូមគោរពមនុស្សចាស់ និងអាជ្ញាធរដែនដី ៖ ការគោរព គឺចាំបាច់ក្នុងការបង្កើតទំនាក់ទំនងល្អ ។ ការគោរពមនុស្សចាស់ដោយប្រើពាក្យលោកពូ, អ្នកមីង, បងប្រុស, បងស្រី, លោក ជាដើម ។

បំបែកអាកប្បកិរិយាអាក្រក់ ៖ ការបង្កើតសុជីវធម៌នៅក្នុងកូនរបស់អ្នកអាចជាការប្រកួតប្រជែងជាមួយនឹងឥទ្ធិពលខាងក្រៅទាំងអស់ដែលពួកគេនឹងជួបប្រទះនៅក្នុងជីវិតប្រចាំថ្ងៃរបស់ពួកគេ ។ ទោះយ៉ាងណាក៏ដោយ វាអាចទៅរួច ប៉ុន្តែវាទាមទារនូវភាពឧស្សាហ៍ព្យាយាម និងការធ្វើដដែលៗនៃច្បាប់ ។

ភាគច្រើន សេចក្តីថ្លែងការណ៍វិជ្ជមានមានប្រសិទ្ធភាពជាងពាក្យអវិជ្ជមាន ។ ទោះយ៉ាងណាក៏ដោយ មានពេលខ្លះដែលអ្នកត្រូវប្រើពាក្យ “ទេ” ដើម្បីបញ្ជាក់ពីសុជីវធម៌ ។ បន្ទាប់ពីអ្នកប្រាប់ពួកគេពីអ្វីដែលមិនត្រូវធ្វើ សូមផ្តល់ឱ្យពួកគេនូវជម្រើសផ្សេងចំពោះអាកប្បកិរិយាអាក្រក់ ។

ឧទាហរណ៍នៃអាកប្បកិរិយាអាក្រក់ ៖ ការស្តោះទឹកមាត់, ក្អក ឬកណ្តាស់នៅមុខនរណាម្នាក់, ផោមក្នុងចំណោមមនុស្សម្នា, បោះចោលវត្ថុដោយកំហឹង, ហៅនរណាម្នាក់ឈ្មោះអាក្រក់, ការប៉ះពាល់អ្នកដទៃដោយមិនសមរម្យ, ការដណ្តើមយកអ្វីមួយពីអ្នកដទៃ, ការរំខានឥតឈប់ឈរ ។

ក្រមសីលធម៌ដែលកូនៗរបស់អ្នករៀនតាំងពីក្មេងនឹងឈានដល់ពេញវ័យ ហើយជួយឱ្យពួកគេទទួលបានជោគជ័យក្នុងទំនាក់ទំនងមិត្តភាពជីវិតគ្រួសារ និងអាជីពការងារ ៕

អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និង សាលារៀនណត្សឡាញន៍ ។ អបអរសាទរបវេសនកាលឆ្នាំសិក្សាថ្មី កម្មវិធីចំណេះទូទៅខ្មែរ (ពីថ្នាក់ទី ១ ដល់ទី ១២) ចាប់ចុះឈ្មោះចូលរៀនជារៀងរាល់ថ្ងៃ ។ សាលារៀនបន្តទទួលចុះឈ្មោះសិស្សមកពីបណ្តា ២៥ រាជធានី-ខេត្ត ចាប់ពីថ្ងៃផ្សាយដំណឹងនេះតទៅ ។

សាលារៀនផ្តល់ជូនដូចខាងក្រោម ៖

– អាហារូបករណ៍ពិសេសរហូតដល់ ២៥% លើកតម្លៃសិក្សា

– ឥតគិតថ្លៃសេវាចុះឈ្មោះចូលរៀនលើកដំបូងសម្រាប់សិស្សថ្មី

– ធានារ៉ាបរងគ្រោះថ្នាក់បុត្រធីតា (ជម្រើសជាឆ្នាំសិក្សា)

– ការពារការសិក្សាបុត្រធីតារហូតដល់ ៥ ឆ្នាំ (ជម្រើសជាឆ្នាំសិក្សា)

– សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ សម្រាប់ព័ត៌មានបន្ថែម ។

សាលារៀនវ៉េស្ទឡាញន៍ និងសាលារៀនណត្សឡាញន៍ ផ្តល់ជូននូវសេវាកម្មអប់រំ មត្តេយ្យភាសាខែ្មរ និងអង់គ្លេស ចំណេះទូទៅខ្មែរ (ថ្នាក់ទី ១ ដល់ទី ១២) ភាសាចិន និងភាសាអង់គ្លេសប្រកបដោយគុណភាព គុណធម៌ មនុស្សធម៌ សុជីវធម៌ និងភាពជាអ្នកដឹកនាំ ជូនដល់សិស្សានុសិស្សគ្រប់រូប ។