វង្ស វិឆ័យ ណាត់ប្រកួតសងសឹកធឿន ធារ៉ា ម្ដងទៀត
- ភ្នំពេញ
រាជធានីភ្នំពេញ ៖ កីឡាករវង្ស វិឆ័យ មកពីក្លិបកីឡាប្រដាល់បញ្ជាការដ្ឋានទ័ពពិសេស ណាត់ប្រកួតសងសឹកជាមួយកីឡាករធឿន
រាជធានីភ្នំពេញ ៖ កីឡាករវង្ស វិឆ័យ មកពីក្លិបកីឡាប្រដាល់បញ្ជាការដ្ឋានទ័ពពិសេស ណាត់ប្រកួតសងសឹកជាមួយកីឡាករធឿន
រាជធានីភ្នំពេញ ៖ កីឡាករវង្ស វិឆ័យ មកពីក្លិបកីឡាប្រដាល់បញ្ជាការដ្ឋានទ័ពពិសេស ណាត់ប្រកួតសងសឹកជាមួយកីឡាករធឿន ធារ៉ា សមាគមកីឡាប្រដាល់ក្រសួងកសិកម្មម្ដងទៀត នៅលើសង្វៀនស៊ីអិនស៊ី នាថ្ងៃអាទិត្យ ទី៥ ខែកញ្ញា ដោយសារការប៉ះគ្នាលើកមុនវង្ស វិឆ័យ ចាញ់ទាំងមិនអស់ចិត្តទាល់តែសោះ។
រវាងកីឡាករវង្ស វិឆ័យនិងកីឡាករធឿន ធារ៉ាធ្លាប់ប៉ះគ្នាម្ដងកាលពីពីមួយឆ្នាំមុនគឺនីខែសីហាឆ្នាំ២០២០ ក្នុងកម្មវិធីប្រកួតដណ្ដើមប្រាក់លាន ដោយធឿន ធារ៉ាបានធ្វើឱ្យវង្ស វិឆ័យបាត់បង់ឱកាសដណ្ដើមតំណែងប្រាក់លានទាំងមិនស់ចិត្តទាល់តែសោះ។
ម្យ៉ាងវិញទៀតសម្រាប់ការប្រកួតកាលណោះថ្វីដ្បិតតែធឿន ធារ៉ាបានវាយត្រូវមួយកែងក្នុងទឹកទី៤ បណ្ដាលធ្វើឱ្យវង្ស វិឆ័យមានស្នាមរបួសនៅលើចញ្ចើមខាងស្ដាំក៏ពិតមែន ប៉ុន្តែវង្ស វិឆ័យ នៅតែបន្តដើរចូលវាយសម្រុកមិនដកថយឡើយ ព្រោះគេមានជំនឿចិត្តថានឹងក្លាយជាម្ចាស់ប្រាក់លានមិនខាន ។ ដោយឡែកលើកនេះ ថ្វីដ្បិតតែជាការប្រកួតលក្ខណៈមិត្តភាពក្នុងកម្មវិធីមីស៊ីល ថាមពលអ្នកប្រយុទ្ធគុនខ្មែរ ប៉ុន្តែនៅតែមានជំនឿចិត្តថាមិនឱ្យមានការថ្លោះធ្លោយដូចមុនទៀតឡើយ។
គូនេះសុទ្ធសឹងតែជាអ្នកប្រដាល់ប្រភេទទម្ងន់ធ្ងន់រហូតដល់ទៅ៦៩គីឡូក្រាម ដែលមានបទពិសោធន៍នៅលើសង្វៀនជាយូរឆ្នាំមកហើយដូចគ្នា ហើយបើនិយាយពីល្បិចប្រយុទ្ធល្អដូចគ្នាទៀត ។ គ្រាន់តែធឿន ធារ៉ា ចាញ់ប្រៀបខាងកម្ពស់វង្ស វិឆ័យ បន្តិចតែស្នៀតកែង ធារ៉ា ល្អជាង ។ លើកនេះតោកំណាចប៉ះគ្នាទៀតហើយ ដឹងតែកក្រើកសង្វៀនមិនខានឡើយ។
កីឡាករគង់ សំបូរ ក្លិបគោព្រៃគុនខ្មែរប៉ះជាមួយកីឡាកររឿន ប៊ុនរួន ក្លិបមកុដរាជសីហ៍ ។ គូនេះអត់ដែលប៉ះគ្នាពីមុនមកនោះទេប៉ុន្តែសម្រាប់កីឡាករគង់ សំបូរគេពិតជាស្គាល់ច្បាស់ណាស់ គេគឺជាអ្នកប្រដាល់មួយរូបដែលមានចិត្តអំនួតក្អេងក្អាងអត់ចេះកោតញញើតអ្នកណាម្នាក់នោះឡើយ ។ ម្យ៉ាងវិញទៀត គូនេះអត់ដែលជួបគ្នាពីមុនមកទៀតផងនោះ គេនៅមិនទាន់ហ៊ានទាយទុកមុនថា អ្នកណាខ្លាំងជាងឡើយ ។ ចំណែកគង់ សំបូរ គេបានត្រឹមតែនិយាយថា ទាល់តែប្រកួតគ្នាជាក់ស្ដែងទើបដឹង ។ ដូច្នេះអ្នកដែលនិយមតាមដានការប្រកួតកំពុងតែរង់ចាំយ៉ាងអន្ទះសារចង់ដឹងខ្លាំងណាស់ ជាពិសេគេចង់ដឹងថាគង់ សំបូរ អាចបំបាក់ធ្មុងរឿន ប៊ុនរួន បានឬអត់ ។ ចំណែកគូប្រកួតជក់ចិត្តមួយគូទៀត កីឡាករលី សុខា មកពីក្លិបមីស្លីនអាលីគុនខ្មែរខេត្តសៀមរាប ប៉ះជាមួយកីឡាករប៊ន ពន្លឹក ៕
ចែករំលែកព័តមាននេះ