ឃាតក.ម្មលើបុរសម្នាក់ជាង១ខែមុន ប្រទះឃើញឆ្អឹងសាកសពក្នុងព្រៃ
ខេត្តកណ្តាល ៖ ឆ្អឹងសាកសពបុរសម្នាក់ ត្រូវបានគេប្រទះឃើញនៅក្នុងព្រៃប្ញស្សី ក្រោយពីបានបាត់ខ្លួនជាង១ខែជាមួយម៉ូតូមួយគ្រឿង ។
ខេត្តកណ្តាល ៖ ឆ្អឹងសាកសពបុរសម្នាក់ ត្រូវបានគេប្រទះឃើញនៅក្នុងព្រៃប្ញស្សី ក្រោយពីបានបាត់ខ្លួនជាង១ខែជាមួយម៉ូតូមួយគ្រឿង ។
សាកសពត្រូវបានប្រជាពលរដ្ឋទៅរកអុសប្រទះឃើញ កាលពីវេលាម៉ោង១១ និង៣០នាទីព្រឹកថ្ងៃទី៣១ មករា ស្ថិតនៅចំណុចក្នុងព្រៃប្ញស្សី ចម្ងាយប្រហែល១៥០ម៉ែត្រ ពីផ្លូវលំស្ថិតក្នុងភូមិតាឡឹក ឃុំត្រពាំងវែង ស្រុកកណ្តាលស្ទឹង ។
មន្ត្រីបច្ចេកទេស និងវិទ្យាសាស្ត្រ ដែឡទៅពិនិត្យសាកសពបានប្រាប់ថា សាកសពជនរងគ្រោះត្រូវគេស្គាល់ឈ្មោះសេង ប៊ុនលី ភេទប្រុស អាយុ២២ឆ្នាំ មានទីលំនៅក្នុងភូមិកុកទិល ឃុំត្បែង ស្រុកកណ្តាលស្ទឹង ។
តាមប្រភពពីក្រុមគ្រួសារជនរងគ្រោះថា កាលពីថ្ងៃទី២២ វិច្ឆិកា ២០១៥ ជនរងគ្រោះបានសុំឪពុកម្តាយយកម៉ូតូ១គ្រឿងម៉ាក C125 ពណ៌ខ្មៅ ស៊េរី២០១៥ ទៅលេងបុណ្យអុំទូកនៅរាជធានីភ្នំពេញ ក៏បានបាត់ខ្លួនរហូតមកដល់ថ្ងៃទី៣១ មករា ២០១៦នេះ ទើបប្រទះឃើញសាកសព ។ នគរបាលសន្និដ្ឋានថា ជនរងគ្រោះត្រូវចោរប្លន់សម្លាប់យកម៉ូតូ ។
ចែករំលែកព័តមាននេះ