ខេត្តកំពង់ឆ្នាំង ៖ រថយន្តស៊ីទែនដឹកប្រេងឥន្ធនៈមួយគ្រឿងបានក្រឡាប់បះជើង ក្នុងពេលដែលគាត់ព្យាយាមគេចពីម៉ូតូមួយគ្រឿង ហេតុការណ៍នេះ បានកើតឡើងនៅវេលាម៉ោង០៣និង៣០នាទីរសៀលថ្ងៃទី៣១ សីហា ស្ថិតនៅលើកំណាត់ផ្លូវជាតិលេខ៥ ត្រង់ចំណុចមុខហាងមនោរម្យ ក្នុងភូមិទី8…
ខេត្តកំពង់ឆ្នាំង ៖ រថយន្តស៊ីទែនដឹកប្រេងឥន្ធនៈមួយគ្រឿងបានក្រឡាប់បះជើង ក្នុងពេលដែលគាត់ព្យាយាមគេចពីម៉ូតូមួយគ្រឿង ហេតុការណ៍នេះ បានកើតឡើងនៅវេលាម៉ោង០៣និង៣០នាទីរសៀលថ្ងៃទី៣១ សីហា ស្ថិតនៅលើកំណាត់ផ្លូវជាតិលេខ៥ ត្រង់ចំណុចមុខហាងមនោរម្យ ក្នុងភូមិទី8 សង្កាត់ខ្សាម ក្រុងកំពង់ឆ្នាំង ។
តាមការបញ្ជាក់របស់មន្ត្រីនគរបាលការិយាល័យចរាចរណ៍ផ្លូវគោកខេត្តកំពង់ឆ្នាំងបានឲ្យដឹងថា រថយន្តដែលក្រឡាប់បះជើង ជារបស់ក្រុមហ៊ុនសាវីមិច ពាក់ស្លាកលេខភ្នំពេញ 4A-2181 ដឹកស៊ីទែនប្រេងឥន្ធនៈដែលមានផ្ទុកប្រេងសាំង១.៦០០០លីត្រ និងប្រេងម៉ាស៊ូត១៦០០០លីត្រ ដោយធ្វើដំណើរពីភ្នំពេញទៅកាន់ខេត្តបាត់ដំបង ។
លុះមកដល់ចំណុចកើតហេតុ ស្រាប់តែមានម៉ូតូមួយគ្រឿងដែលបើកបញ្ច្រាសទិសគ្នា ហើយបានគេចពីរថយន្តធុនតូចមួយគ្រឿង មកចូលចំណែកផ្លូវរថយន្តដឹកប្រេងឥន្ធនៈ ខណនោះ អ្នកបើករថយន្តដឹកប្រេងឥន្ធនៈក៏បានគេចមិនឲ្យបុករួចក៏បណ្តាលជ្រុលចង្កូតធ្លាក់ផ្លូវជាតិ ក្រឡាប់បះជើងទៅខាងស្ដាំដៃតែម្ដង។ ហើយកាន់តែសំណាងល្អទៀត គឺពុំមានអ្នកណាម្នាក់រងគ្រោះថ្នាក់ ឬក៏ផ្ទុះឆេះស៊ីទែនប្រេងនោះទេ ។
ក្រោយពេលកើតហេតុ គេឃើញរថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត បានទៅដល់កន្លែងកើតហេតុ ដោយបានប្រើប្រាស់រថយន្តចំនួន៣គ្រឿង ដើម្បីបាញ់ទឹកស្រោចទៅលើរថយន្តស៊ីទែន ដែលកំពុងតែក្រឡាប់បះជើង ដើម្បីការពារទប់ស្កាត់មិនឲ្យផ្ទុះឆេះឡើង ។ ជាមួយគ្នានេះ សមត្ថកិច្ចក៏បានសម្រួលចរាចរណ៍ដែលបានកកស្ទះជាង១ម៉ោង និងបានឲ្យខាងក្រុមហ៊ុនមកពីរាជធានីភ្នំពេញ បូមប្រេងសាំង និង ប្រេងម៉ាស៊ូតដាក់រថយន្តផ្សេង ៕
ចែករំលែកព័តមាននេះ