ខេត្តស្ទឹងត្រែង៖ សប្បុរសជននៅខេត្តស្ទឹងត្រែងបានគាងគរជំនួយជាច្រើននាំទៅចែកជូនពលរដ្ឋទីទល់ក្រ និងកងកម្លាំងឈជើងតាមព្រំប្រទល់គោលដៅនៃការបិទខ្ទប់ក្រុងនៃកំឡុងរីករាលដាលជំងឺកូវីដ១៩ ។ លោក ជំទាវ កែវ សាវឿន អភិបាលរងនៃគណៈអភិបាលខេត្ត ស្ទឹងត្រែងបានមានប្រសាសន៍ក្នុងវប្បធម៌ជាសប្បុរសជនថា អំណោយទាំងនេះរួមមានគ្រឿង ឧបភោគ បរិភោគ សុទ្ធសឹងជាថវិកាបានមកពីការរៃអង្គាសពីសប្បុរសជន មានទាំងអាជីវករផងដែរ។
លោកជំទាវបានលើកឡើងថា កម្មវិធីសប្បុរសធម៌នេះ គឺពុំមានការគ្រោងទុកជាមុននោះឡើយ គ្រាន់តែរំលឹកអំពីការលំបាករបស់ប្រជាពលរដ្ឋនិងកងកម្លាំង ស្រាប់មានអ្នកឧបត្ថមនូវថវិកាក៏ធូចជាគ្រឿងឧបភោគ បរិភោគ តៗគ្នាតែម្តង។ លោកទំទាវបន្ថែមថាអំណោយទាំនេះ ដ្បិតតែមិនច្រើន តែអាចជួយសំរាលការលំបាករបស់បងប្អូនកងកម្លាំងបានមួយគ្រា ក្នុងកំឡុងនៃការបិទខ្ទប់ក្រុងរយៈពេល២សប្តាហ៍កន្លងមកនេះ ។ លោកជំទាវបានបញ្ជាក់ កម្មវិធីសប្បុរសធម៌និងបន្តចែកជូនប្រជាពលរដ្ឋបន្ថែមទៀតប្រសិនមានសប្បុរសជនជួយឧបត្ថមបន្ថែមលើក្រោយ។
លោក ប៉ែន ណាវង្ស ប្រធានអាកាសចរណ៍ស្ទឹងត្រែងអោយដឹងថា ដោយមើលឃើញពីការនើយហត់របស់កងកម្លាំងដែលបានប្រឹងប្រែងឈជើងប្រចាំការតាមគោលដៅដើម្បីការពារនឹងទប់ស្កាត់ការរាលដាលនៃជំងឺកូវីដ១៩ សប្បុរសជនមួយចំនួនបានរួមគ្នារៀបចំកម្មវិធីមនុស្សធម៌ឡើងដើម្បីរួមចំណែកក្នុងស្ថានការដ៍លំបាកនេះ និងជាការលើកទឹកចិត្តដល់ពួកគាត់ ដែលប្រឹងប្រែងទាំងយប់និងថ្ងៃ ។
លោកបន្តថា អំណោយដែលបានរៀបចំឡើងនោះចំនួន៦គោល ដៅ រួមមាន ទឹកបរិសុទ្ធ ភេសជ្ជៈ មី ត្រីខកំប៉ុង ទឹកត្រី ទឹកស៊ីអិវ ពង់ទា និងម៉ាស ។ដោយក្រុមការងារមនុស្សធម៌ក៍បាននាំអំណោយផ្តល់ជូន គ្រួសារទីទាល់ក្រ ចំនួនបីគ្រួសារ ដោយមានអង្ករមួយបាវ ទឹកត្រី ទឹកស៊ីអិវ ត្រីខកំប៉ុង ពង់ទា មី និងទឹកបរិសុទ្ធផងដែរ។សប្បុរសជនរូបនេះបន្តថាក្រុមការងារនឹងបន្តនាំអំណោយផ្តល់ជូនប្រជាពលរដ្ឋទីទាល់ក្រ និងលំបាកលំបិនក្នុងកំឡុងការរាលនៃជំងឺកូវីដ១៩នេះអោយចំគោលដៅ ប្រសិនទទួលបានព័ត៌មានជាកលាក់។ លោកក៍បានអំពាវនាវដល់បងប្អូនដែលមានទឹកចិត្តសប្បុរសធម៌ចង់ចូលរូមការងារមនុស្សធម៌ ដើម្បីជួយសំរាលការលំបាករបស់ប្រជាពលរដ្ឋដែលកំពុងប្រឈមនឹងជីវភាពធ្ងន់ធ្ងរអាចទំនាក់ទំនងចូលរួមបានផងដែរ។
ទាក់ទិនការបិទខ្ទប់ក្រុងស្ទឹងត្រែងទាំងមូលព្រមទាំងច្រកចេញចូលពីក្រុងស្រុកនិងព្រំទល់រវាងខេត្តនឹងខេត្តក្បែខាងរយៈពេលពីរសប្តាហ៍កន្លងមកនេះរដ្ឋបាលខេត្តបានចេញបំរាមគោចរ រឹតបន្តឹងសន្តិសុខ និងការដើរហើរ ជួបជុំប្រមូលផ្តុំ ព្រមទាំងបិទផ្សារ នានា ទីតាំងអាជីវកម្មគ្រប់មុខ ប្រជាពលរដ្ឋមានការត្អូញត្អែ អំពីកក្តាជីវភាព ទី១,មិនអាចធ្វើចរាចរណ៍រកប្រភពចំណូល ទី២,បញ្ហាចាយវាយលើរបបអាហារប្រចាំថ្ងៃ ទី៣,ការផ្គត់ផ្គង់លើទឹកនិងតម្លៃភ្លើង ទី៤,បញ្ហាដែលត្រូវប្រឈមនិងការសង់ត្រឡប់ទៅវិញចំពោះបំណុលធនាគារដែលគ្មានវិធានការលើកលែង ។ល។
មុនគ្រាបិទខ្ទប់ក្រុងស្ទឹងត្រែងក្នុងស្ថានពេលពីមួយថ្ងៃទៅមួយថ្ងៃគ្រាដែលជំងឺកូនវីដ១៩ កំពុងផ្ទុះខ្លាំង លោក អ៊ុង សូវៀត ប្រធានមន្ទីរសុខាភិបាលខេត្តស្ទឹងត្រែងបានលើកឡើងក្រោមចប់កិច្ចប្រជុំក្នុងមន្ទីររបស់ខ្លួន ក្នុងឆន្ទៈ លោកផ្ទាល់ លោកថា បិទខ្ទប់នេះមិនដឹងបានអីអោយគេហូតទេ!។នេះគឺជាទឹកចិត្តដ៍មហាប្រសើរដែលចេញពីចិត្តរបស់លោកវិជ្ជបណ្ឌិត ទោះបីមិនបានផ្តល់អំណោយដល់ដៃ តែលោកមានឆន្ទៈល្អមួយ ជូនដល់ប្រជាពលរដ្ឋដែរ។
មានមតិជាច្រើនខុសៗគ្នាបានលើកឡើងដែរថា ការបិទខ្ទប់ក្រុងនិងតំបន់មួយចំនួនជាការទទួលខុសត្រូវរបស់អាជ្ញាធរ ទៅប្រជាពលរដ្ឋ ក្នុងគ្រាបិទខ្ទប់គឺរដ្ឋបាលបានចេញបំរាមគោចរហាមឃាត់មិនអោយប្រជាពលរដ្ឋចេញពីផ្ទះ បើល្មើសបំរាមរបស់រដ្ឋបាលខេត្តនឹងត្រូវពិន័យប្រាក់ពី១លានរៀលរហូត៥លានរៀលទៅតាមបទល្មើសជាក់ស្តែង ដូច្នេះប្រជាពលរដ្ឋគឺត្រូវនៅតែក្នុងផ្ទះ
តាមការណែនាំសេចក្តីសំរេចរបស់រដ្ឋបាលខេត្ត ចំណែកអាជីវករលក់ដូរ ត្រី សាច់ បន្លែ បង្កា មិនត្រូវអនុញ្ញាតអោយចេញលក់ដូរនោះឡើយ ហើយបើល្មើសបំរាមក៍ត្រូវផាក់ពិន័យដែរ ដូច្នេះមិនថាឡើយប្រជាពលរដ្ឋដែលខ្វះខាតសូម្បីអ្នកមានលុយក៍មិនអាចចេញទិញចំណីអាហារបរិភោគបានដែរ ។ ប៉ុន្តែគ្រួសារអភិជនអាចកុម្ម៉ង ម្ហូបអាហារតាមត្រូវការទាំងស្រស់ និងក្រៀមបានតាមរយៈអ្នកលក់អនឡាញដឹកដល់ផ្ទះ ៕
ចែករំលែកព័តមាននេះ