លោកយាយ២រូបវ័យជាង១០០ឆ្នាំស្ម័គ្រចិត្តចាក់វ៉ាក់សាំងទទួលបានអំណោយពីអាជ្ញាធរខេត្ត
- ភ្នំពេញ
ខេត្តកំពង់ឆ្នាំង ៖ គ្រាដែលចុះពិនិត្យការចាក់វ៉ាក់សាំងរបស់លោកយាយវ័យជាង100ឆ្នាំចំនួន2នាក់ និងលោកយាយវ័យ87ឆ្នាំមួយ
ខេត្តកំពង់ឆ្នាំង ៖ គ្រាដែលចុះពិនិត្យការចាក់វ៉ាក់សាំងរបស់លោកយាយវ័យជាង100ឆ្នាំចំនួន2នាក់ និងលោកយាយវ័យ87ឆ្នាំមួយ
ខេត្តកំពង់ឆ្នាំង ៖ គ្រាដែលចុះពិនិត្យការចាក់វ៉ាក់សាំងរបស់លោកយាយវ័យជាង100ឆ្នាំចំនួន2រូប និងលោកយាយវ័យ87ឆ្នាំមួយរូបទៀត ដែលបានអញ្ជើញមកចាក់វ៉ាក់សាំងការពារជំងឺកូវីដ19 នៅមណ្ឌលវត្តអារញ្ញ សិ្ថតក្នុងសង្កាត់កំពង់ឆ្នាំង ក្រុងកំពង់ឆ្នាំងខេត្តកំពង់ឆ្នាំង នាព្រឹកថ្ងៃទី30 ខែសីហា ឆ្នាំ2021 លោក ស៊ុន សុវណ្ណារិទ្ធ អភិបាលខេត្តកំពង់ឆ្នាំង បានថ្លែងនូវការកោតសរសើរដល់លោកយាយ ដែលមានអាយុច្រើនជាង១០០ឆ្នាំ ទាំង២រូប ដែលបានស្ម័គ្រចិត្តមកទទួលការចាក់វ៉ាក់សាំងដើម្បីការពារជំងឺកូវីដ19។
លោក ស៊ុន សុវណ្ណារិទ្ធិ អភិបាលខេត្តកំពង់ឆ្នាំង មានប្រសាសន៍បន្តថា សូមអរគុណដល់លោកយាយដែលមានជន្មាយុជាង100ឆ្នាំ ស្ម័គ្រចិត្តមកទទួលការចាក់វ៉ាក់សាំងការពារជំងឺកូវីដ19 ។
ដើម្បីជាការថ្លែងអំណរគុណ និងលើកទឹកចិត្តដល់លោកយាយដែលមានព្រះជន្មជាង100ឆ្នាំចំនួន2រូប និងលោកយាយដែលមានព្រះជន្ម87ឆ្នាំម្នាក់ទៀត ក្នុងនាមអាជ្ញាធរខេត្តបានឧបត្ថម្ភជូនលោកយាយក្នុងម្នាក់ៗចំនួន80ម៉ឺនរៀល។
សូមបញ្ជាក់ថា លោកយាយដែលមកទទួលការចាក់វ៉ាក់សាំងបង្ការជំងឺកូវីដ១៩ទាំង៣រូបខាងលើនេះ រួមមាន ១-លោកយាយ ហួរ គិមសួរ អាយុ106ឆ្នាំ មានទីលំនៅភូមិខ្សាម សង្កាត់ខ្សាម ក្រុងកំពង់ឆ្នាំង ខេត្តកំពង់ឆ្នាំង ២-លោកយាយលឹម ស៊ិន អាយុ103ឆ្នាំ មានទីលំនៅភូមិទួលក្រឡាញ់ សង្កាត់កំពង់ឆ្នាំង ខេត្តកំពង់ឆ្នាំង និង៣-លោកយាយ អាយុ 87ឆ្នាំ រស់នៅភូមិទួលក្រឡាញ់ សង្កាត់កំពង់ឆ្នាំង ខេត្តកំពង់ឆ្នាំង ៕
ចែករំលែកព័តមាននេះ