ខេត្តព្រះសីហនុ ៖ ជនសង្ស័យ៣នាក់ជាប់ពាក់ព័ន្ឋករណីរក្សាទុក និងចែកចាយថ្នាំញៀន ត្រូវបានសមត្ថកិច្ចប្រឆាំងបទល្មើសគ្រឿងខេត្ត ឃាត់ខ្លួនបានជាបន្តបន្ទាប់នៅទីតាំងពីរផ្សេងគ្នា កាលពីវេលាម៉ោង១០និង៣០នាទីយប់ និងម៉ោង១១និង៥០នាទីយប់ថ្ងៃទី២៨ មករា ២០១៦ នៅចំណុចក្រុមទី២៧ ភូមិ១ សង្កាត់លេខ៤ ក្រុងព្រះសីហនុ ។
លោកវរសេនីយ៍ត្រី សួស សិលា នាយការិយាល័យប្រឆាំងបទល្មើសគ្រឿងញៀន បានឱ្យដឹងថា ជនសង្ស័យទាំង៣នាក់ មាន ១-ឈ្មោះ សុង វាសនា ភេទប្រុស អាយុ ២២ឆ្នាំ មានទីលំនៅ ភូមិសង្កាត់ខាងលើ ២-ឈ្មោះ ស៊ិន វណ្ណា ភេទប្រុស អាយុ៣៥ឆ្នាំ មានទីលំនៅភូមិសង្កាត់ខាងលើ និង៣-ឈ្មោះ ស វឌ្ឌ្យនា ភេទប្រុស អាយុ៣២ឆ្នាំ មានទីលំនៅភូមិ១ សង្កាត់លេខ១ ក្រុងព្រះសីហនុ ។ ចំណែកវត្ថុតាងដែលដកហូតបាន មាន ថ្នាំញៀន៣កញ្ចប់តូច ដបជក់១ ទូរស័ព្ទ៣ និងលុយមួយចំនួន ។
ជនសង្ស័យទាំង៣នាក់ សមត្ថកិច្ចបានកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការបន្តតាមនីតិវិធី ៕
ចែករំលែកព័តមាននេះ