មុខសញ្ញាជួញដូរថ្នាំយ៉ាងសកម្មម្នាក់ ត្រូវបញ្ជូនទៅសាលាដំបូងខេត្ត
- កំពង់ស្ពឺ
ខេត្តកំពង់ស្ពឺ ៖ មុខសញ្ញាជួញដូរថ្នាំញៀ.នដ៏សកម្ម និងជាមុខសញ្ញាដែលសមត្ថកិច្ចកំពុងស្រាវជ្រាវតាមដានអស់រយៈ:ពេលជាយូរ
ខេត្តកំពង់ស្ពឺ ៖ មុខសញ្ញាជួញដូរថ្នាំញៀ.នដ៏សកម្ម និងជាមុខសញ្ញាដែលសមត្ថកិច្ចកំពុងស្រាវជ្រាវតាមដានអស់រយៈ:ពេលជាយូរមកនោះ ត្រូវសមត្ថកិច្ចបើកប្រតិបត្ដិការចុះបង្ក្រាបរហូតឈានដល់ឃាត់ខ្លួនបានជនសង្ស័យម្នាក់ និងដកហូតវត្ថុតាងថ្នាំញៀ.នជិត១គីឡូក្រាម កាលពីវេលាម៉ោង៦យប់ថ្ងៃទី២៧ សីហា ឆ្នាំ២០២១ នៅចំណុចភូមិវត្តភ្នំ ឃុំភ្នំតូច ស្រុកឧដុង្គ ខេត្ដកពង់ស្ពឺ ។ ក្រោយធ្វើការការសាកសួររួច នៅព្រឹកថ្ងៃទី៣០ សីហា ឆ្នាំ២០២១នេះ សមត្ថកិច្ចបានបញ្ជូនជនសង្ស័យរូបនោះទៅកាន់អយ្យការអមសាលាដំបូងខេត្ត ដើម្បីបន្តនីតិវិធី ។
យោងតាមប្រភពពីសមត្ថកិច្ចបានអោយដឹងថា សមត្ថកិច្ចនគរបាលស្រុកឧដុង្គបានបើកការស្រាវជ្រាវមុខសញ្ញាជួញដូរថ្នាំញៀ.នម្នាក់ ព្រមទាំងដកហូតថ្នាំញៀ.នចំនួន៣កញ្ចប់ (១តូច និង២ធំ) ស្មើនឹងទម្ងន់ជិត១គីឡូក្រាម រួមជាមួយទូរស័ព្ទដៃចំនួន២គ្រឿង ។
តាមរបាយការណ៍អធិការដ្ឋាននគរបាលស្រុកឧដុង្គបានបញ្ជាក់ថា មុខសញ្ញាសង្ស័យម្នាក់ខាងលើឈ្មោះ មាស ថន ភេទប្រុស អាយុ ៥៦ឆ្នាំ មុខរបរមិនពិតប្រាកដ នៅភូមិរំចេក៤ ឃុំរតនៈ ស្រុកបាត់ដំបង ខេត្តបាត់ដំបង ។
ក្រោយពីឃាត់ខ្លួនជនសង្ស័យសមត្ថកិច្ចបានបើកដំណើរការនីតិវិធីសាកសួរ និងទទួលបានចម្លើយសារភាពរបស់មុខសញ្ញាជនសង្ស័យ បន្ទាប់មកសមត្ថកិច្ចបានស្នើសុំការដឹកនាំសម្របសម្រួលនីតិវិធីពីតំណាងអយ្យការ អមសាលាដំបូងខេត្ដកំពង់ស្ពឺ ចុះពិនិត្យរួមគ្នាឆែកឆេរបន្ទប់លេខ១០១ នៅផ្ទះសំណាក់មួយកន្លែង ស្ថិតក្នុងភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ (បានកិច្ចសហការល្អពីម្ចាស់ផ្ទះសំណាក់) លទ្ធផលជាក់ស្ដែង រកឃើញវត្ថុតាង និងចាប់យកគ្រឿងញៀ.នប្រភេទមេតំហ្វេតាមីន១ថង់ធំ ទម្ងន់៦៧៣,៦៤ ក្រាម, ម្សៅពណ៌លឿង១ថង់តូច, ជញ្ជីងអេឡិចត្រូនិចសំរាប់ថ្លឹងគ្រឿងញៀ.ន១គ្រឿង, សរុបគ្រឿងញៀ.នប្រភេទមេតំហ្វេតាមីន៣កញ្ចប់ និង១ថង់ មានទម្ងន់៨៧៧,២៨ ក្រាម, ម្សៅពណ៌លឿង១កញ្ចប់ទម្ងន់ ២,៨២ក្រាម (សង្ស័យជាគ្រឿងញៀ.ន), ទូរស័ព្ទដៃ២គ្រឿង និងជញ្ជីង១គ្រឿង ។
នៅព្រឹកថ្ងៃទី៣០ សីហា ឆ្នាំ២០២១នេះ មុខសញ្ញាជនសង្ស័យម្នាក់ខាងលើ រួមជាមួយវត្ថុតាង ត្រូវបានសមត្ថកិច្ចជំនាញបានកសាងសំណុំរឿងបញ្ជូនទៅអយ្យការអមសាលាដំបូងខេត្ដកំពង់ស្ពឺ ដើម្បីបន្ដនីតិវិធី ៕
ចែករំលែកព័តមាននេះ