ខេត្តឧត្តរមានជ័យ៖ បុរស ដែលគេសង្ស័យជាមនុស្សវិកលចរិត ត្រូវបានរថយន្តមួយគ្រឿង បុកយ៉ាងពេញទំហឹង បណ្តាលឱ្យបាត់បង់ជីវិតភ្លាមៗ នៅនឹងកន្លែងកើតហេតុ។ ហេតុការណ៍នេះ បានកើតឡើង កាលពីវេលាម៉ោង…
ខេត្តឧត្តរមានជ័យ៖ បុរស ដែលគេសង្ស័យជាមនុស្សវិកលចរិត ត្រូវបានរថយន្តមួយគ្រឿង បុកយ៉ាងពេញទំហឹង បណ្តាលឱ្យបាត់បង់ជីវិតភ្លាមៗ នៅនឹងកន្លែងកើតហេតុ។ ហេតុការណ៍នេះ បានកើតឡើង កាលពីវេលាម៉ោង ៥ព្រឹក ថ្ងៃទី២៨ ខែសីហា ឆ្នាំ២០២១ នៅតាមបណ្តោយផ្លូវជាតិលេខ២៦ ស្ថិតក្នុងភមិត្រពាំងតាវ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។
ជនរងគ្រោះនោះ ឈ្មោះ សឹង សុភ័ក្រ ភេទប្រុស អាយុ ៤៨ឆ្នាំ បច្ចុប្បន្មរស់នៅភូមិវាល សង្កាត់សំបួរ ក្រុងសៀមរាប ខេត្តសៀមរាប។ ជនរងគ្រោះ ត្រូវបានគេសង្ស័យថា ជាមនុស្សវិកលចរិត ហើយទើបតែចេញពីពន្ធនាគារ បានមួយខែប៉ុណ្ណោះ។
អនុប្រធានភូមិទំនប់ បានអោយដឹងថា ជនរងគ្រោះ បានដើរឆ្លងកាត់ភូមិ ពីលិចទៅកើត សំដៅទៅផ្លូវជាតិក្រាលកៅស៊ូ ស្រាប់តែរថយន្តមួយគ្រឿង មិនបានស្គាល់ម៉ាក បើកបរក្នុងល្បឿនយ៉ាងលឿន ក្នុងទិសដៅពីលិចទៅកើត បានបុកជនរងគ្រោះ ពេញទំហឹង ខណៈនោះរថយន្ត បានបង្កើនល្បឿន បើករត់ គេចខ្លួនបាត់ស្រមោល។
កងរាជអាវុធហត្ថ ស្រុកអន្លង់វែង បានឱ្យដឹងថា ក្រោយពីកើតហេតុ កំលាំងអាវុធហត្ថ សហការជាមួយប៉ូលិស និងគ្រូពេទ្យ ផ្នែកធ្វើចត្តាឡីស័ក ទៅពិនិត្យ និងធ្វើការស្រាវជ្រាវរុករករថយន្ត ដែលបុកជនរងគ្រោះ ព្រមទាំងយកសំណាកពិនិត្យរកកូវីដ ហើយលទ្ធផលអវិជ្ជមាន ទើបប្រគល់សាកសព ទៅឱ្យក្រុមគ្រួសារ យកទៅធ្វើបុណ្យតាមប្រពៃណី៕ សារឿន
ចែករំលែកព័តមាននេះ