រដូវកើតចោរ
រដូវចូលឆ្នាំបានឈានមកដល់ហើយ… ២អាទិត្យទៀតយ៉ាងយូរត្រូវចូលឆ្នាំចិន-យួនជាមួយគ្នា… ឆ្លងផុតជាង១ខែចូលដល់រដូវចូលឆ្នាំខ្មែរមកដល់ដែរ… នៅស្រុកខ្មែរយើងអត់ស្ងាត់ទេ… ចិនក៏មាន យួនក៏មាន…
រដូវចូលឆ្នាំបានឈានមកដល់ហើយ… ២អាទិត្យទៀតយ៉ាងយូរត្រូវចូលឆ្នាំចិន-យួនជាមួយគ្នា… ឆ្លងផុតជាង១ខែចូលដល់រដូវចូលឆ្នាំខ្មែរមកដល់ដែរ… នៅស្រុកខ្មែរយើងអត់ស្ងាត់ទេ… ចិនក៏មាន យួនក៏មាន…
រដូវចូលឆ្នាំបានឈានមកដល់ហើយ… ២អាទិត្យទៀតយ៉ាងយូរត្រូវចូលឆ្នាំចិន-យួនជាមួយគ្នា… ឆ្លងផុតជាង១ខែចូលដល់រដូវចូលឆ្នាំខ្មែរមកដល់ដែរ… នៅស្រុកខ្មែរយើងអត់ស្ងាត់ទេ… ចិនក៏មាន យួនក៏មាន… ទោះបីសាច់ស្រអែម-ខ្មៅក៏សែនព្រេន ក៏ចូលឆ្នាំចិនដូចចិនដែរ… ស្រួលមិនស្រួលស្រវឹងជាងចិន ជាងយួនថែមទៀត ដែលពាក្យខ្មែរពោលថា ចូលឆ្នាំចិនស្រវឹងខ្មែរ… មិនសូវខុសទេ… ។
ប៉ុន្តែអ្វីដែលគួរកត់សម្គាល់… មិនគួរសប្បាយភ្លេចខ្លួន… ព្រោះរដូវចូលឆ្នាំចិន-យួន និងចូលឆ្នាំខ្មែរ… ក៏ជារដូវកើតមានចោរប្លន់ដែរ… ។ ចោរលួច… ចោរឆក់… ចោរប្លន់តូច-ប្លន់ធំ… ពេលនេះមិនអត់ទេ… មេរៀនដដែលនេះកើតមានរាល់ៗឆ្នាំ ។
ប៉ុន្តែអ្វីដែលគួរឱ្យកត់សម្គាល់ទៀត… ល្បែងស៊ីសងគ្រប់ប្រភេទចាប់ផ្តើមរៀបចំបណ្តើរៗហើយ… ។ ល្បែងពេញនិយមរដូវចូលឆ្នាំនេះមាន បៀរ… អាប៉ោង… យូគី… ជល់មាន់ ។ ហ៊ានទាយទុកមុន សម្បុកល្បែងស៊ីសងធំមួយរបស់លោក សុខ គឹមសាន នៅលើកូនភ្នំប៉ក់យ៉ៃ ខេត្តរតនគិរី ជាប់ព្រំដែនខ្មែរ-វៀតណាម អូយ៉ាដាវ ១០០%ប្រាកដជាបើកលេង ដែលមុននេះគេសម្រាកសិន ។
និយាយត្រូវគ្នាហើយជាមួយមេៗនៃអាណាចក្រ ម្ល៉ោះហើយអ្នកណាហ៊ានចាប់ ? ល្បែងក្រៅច្បាប់នេះហើយ… ជាល្បែងបង្កើតចោរ…
មិនទាន់កៀកចូលឆ្នាំចិន ចូលឆ្នាំវៀតណាម និងចូលឆ្នាំខ្មែរផង… កើតមានចោរលួច… ចោរឆក់… ជាពិសេសចោរប្លន់អ្នកមានជនបទហូរហែបណ្តើរៗទៅហើយ… សុទ្ធតែប្លន់ប្រដាប់ដោយកាំភ្លើងវែង-ខ្លីគ្រប់ម៉ាក ។
ម្នាក់ៗដែលមានមុខរបរ… មានជីវភាពធូរធារ… មានផ្ទះធំទ្រនំខ្ពស់… ធ្លាប់ពាក់បង្ហាញគ្រឿងអលង្ការហ៊ឺហាកន្លងមក… កុំសង្ឃឹមសមត្ថកិច្ចពេក… គួរប្រុងប្រយ័ត្នដោយខ្លួនឯង… គួរចេះការពារខ្លួនដោយខ្លួនឯងផង…
ចំណែកមេសមត្ថកិច្ច… ចាប់ពីពេលនេះតទៅ… គួរតែចាត់កម្លាំង… ពង្រាយកម្លាំង… ពង្រឹងភូមិ-ឃុំមានសុវត្ថិភាព… ពិសេសកុំពូកែបើកដៃឱ្យមានល្បែងស៊ីសង…។ល។
បើខេត្តណាមានចោរប្លន់ ហើយចាប់ចោរមិនបាន សមត្ថកិច្ចខេត្តនោះត្រូវដកស័ក្តិខ្លួនឯងចោល… ត្រូវតែក្លាហានសុំឈប់ធ្វើមេភ្លាម… បើក្រឹត្យក្រមនេះមានប្រសិទ្ធភាព… សមត្ថកិច្ចពិតជារលាស់សរសៃ… ហើយចោរ ឬសង្គមងងឹតប្រាកដជាខ្លបខ្លាច…
ប្រសិនបើមានកើតចោរប្លន់ហើយ… ចាប់មិនបាន… ហើយនៅតែឡើងស័ក្តិទៀត… អសន្តិសុខក្នុងសង្គមប្រាកដជារកវាចាថ្លែងមិនបានឡើយ… ហេ ! ហេ !
អាឡេវ
ចែករំលែកព័តមាននេះ