ឡុង ពិសិដ្ឋ និងពុទ្ធ ឆាយរិទ្ធី ក្លាយជាម្ចាស់ប្រាក់លាន ក្នុងសប្ដាហ៍នេះ
- ភ្នំពេញ
រាជធានីភ្នំពេញ ៖ កីឡាករ ឡុង ពិសិដ្ឋ មកពីក្លិបខ្លារខិនមានរិទ្ធ បានក្លាយជាម្ចាស់ប្រាក់លាននៅក្នុងសប្ដាហ៍នេះ បន្ទាប់ពីបាន
រាជធានីភ្នំពេញ ៖ កីឡាករ ឡុង ពិសិដ្ឋ មកពីក្លិបខ្លារខិនមានរិទ្ធ បានក្លាយជាម្ចាស់ប្រាក់លាននៅក្នុងសប្ដាហ៍នេះ បន្ទាប់ពីបានយកឈ្នះលើកីឡាករ ប៊ន ពន្លឹក មកពីក្លិបនាគរាជចតុមុខ ដោយពិន្ទុមិនឯកច្ឆ័ន នាការប្រកួតនៅលើសង្វៀនស៊ីអិនស៊ីកាលពីថ្ងៃសៅរ៍ទី២៨សីហា ខណៈពុទ្ធ ឆាយរិទ្ធ មកពីក្លិបពុទ្ធសេរីវង្សពោធិសែនជ័យ ត្រូវបានគណៈកម្មការប្រកួតប្រកាសឱ្យឈ្នះដោយស្វ័យប្រវត្តិ ដោយសាកីឡាករឈឿន ល្វៃ មកពីក្លិបនាគរាជចតុមុខ ធ្វើឱ្យមានកំហុសនៅត្រឹមទឹកទី២ បានវាយបំពានទៅនឹងច្បាប់ប្រកួត។
ការប្រកួតដណ្ដើមប្រាក់លាននៅក្នុងសប្ដាហ៍នេះពិតជាមិនធ្វើឱ្យអ្នកតាមដានការប្រកួតខកបំណងនោះទេ ព្រោះអីពួកគេម្នាក់ៗសុទ្ធតែបានបំបែកឯតទគ្គកម្មរៀងៗខ្លួន ជាពិសេសគូប្រកួតរវាងកីឡាករឡុង ពិសិដ្ឋ ជាមួយកីឡាករប៊ន ពន្លឹក តែម្ដង ។ គូនេះបើតាមការឱ្យដឹងពីគណៈកម្មការប្រកួតធ្លាប់ប៉ះគ្នាចំនួន៨លើករួចមកហើយ ក្នុងនោះប៊ន ពន្លឹក ឈ្នះបាន៥លើក ខណៈឡុង ពិសិដ្ឋ ឈ្នះបានតែ៣លើកប៉ុណ្ណោះ ។
ម្យ៉ាងវិញទៀត សម្រាប់ការប៉ះគ្នាលើកនេះនៅមុនពេលប្រកួតក្រុមអ្នកតាមដានការប្រកួតភាគច្រើក៏នៅតែមានជំនឿចិត្តលើប៊ន ពន្លឹក ឈ្នះច្រើនជាងដដែល ដោយសាតែគេមានជំនឿចិត្តទៅលើស្នៀតប្រយុទ្ធ ជាមួយនឹងការមានប្រៀបខាងកម្ពស់ទៀតផងនោះ គេគិតថា ឡុង ពិសិដ្ឋ នៅតែមិនអាចទៅរួចដដែល ។ ប៉ុន្តែក្រោយពីតស៊ូប្រកួតយ៉ាងស្វិតស្វាញអស់រយៈពេល៥ទឹកពេញរួចមកឡុង ពិសិដ្ឋបានធ្វើឱ្យអ្នកតាមដានការប្រកួតមានការភ្ញាក់ផ្អើលយ៉ាងខ្លាំង បន្ទាប់ពីគណៈកម្មការប្រកួតបានប្រកាសឱ្យឡុង ពិសិដ្ឋឈ្នះការប្រកួតដោយពិន្ទុមិនឯកច្ឆ័នក្នុងលទ្ធផល៣-២។ ដូច្នះឡុង ពិសិដ្ឋបានក្លាយជាម្ចាស់ប្រាក់លាននៅក្នុងសប្ដាហ៍នេះ។
ដោយឡែកកីឡាករពុទ្ធ ឆាយរិទ្ធ ក៏បានឈ្នះជាម្ចាស់ប្រាក់លានរៀលនៅក្នុងសប្ដាហ៍នេះដែរ បន្ទាប់ពីគណៈកម្មការប្រកួតបានមើលឃើញថា កីឡាករឈឿន ល្វៃជាអ្នកបង្ករឱ្យមានកំហុសបំពានទៅនឹងច្បាប់ប្រកួតបានបុកជង្គង់បន្ថែមទៅលើកីឡពុទ្ធ ឆាយរិទ្ធីបណ្ដាលឱ្យដួលសន្លប់ក្រោកលែងរួចនៅត្រឹមទឹកទី២ ។ ការប្រកួតកាលពីលើកមុនឈឿន ល្វៃចាញ់ពុទ្ធ ឆាយរិទ្ធីដោយសាតែគេធ្វើឱ្យមានកំហុសដូចគ្នា។
តាមពិតទៅថ្វីដៃប្រកួតរបស់ឈឿន ល្វៃ ល្អជាងពុទ្ធ ឆាយរិទ្ធី ដាច់តែម្ដង ហើយគេថែមទាំងមានឱកាសដណ្ដើមយកប្រាក់លានបានដោយងាយទៀតផង បើសិនជាគេប្រកួតតាមលក្ខណៈបច្ចេកទេត្រឹមត្រូវិញនោះ ។ ប៉ុន្តែវាជារឿងគួឱ្យសោកស្ដាយបំផុតដែលឈឿន ល្វៃ មិនគោរពច្បាប់ប្រកួតថែមទាំងបានធ្វើឱ្យរបូតបាត់ប្រាក់លានពីក្នុងដៃទៀតផង៕
ចែករំលែកព័តមាននេះ