ក្រុងស្ទឹងត្រែងអនុវត្តវិធានការក្តៅ ខណៈកូវីដបំប្លែងថ្មីផ្ទុះឡើងជិត១០០នាក់
- ស្ទឹងត្រែង
ខេត្តស្ទឹងត្រែង៖ នាព្រឹកថ្ងៃទី២៩ សីហា ឆ្នាំ២០២១ នេះ អភិបាលក្រុង រួមមន្ទីរសុខាភិបាល កម្លាំងកងរាជអាវុធហត្ថខេត្ត កម្លាំង
ខេត្តស្ទឹងត្រែង៖ នាព្រឹកថ្ងៃទី២៩ សីហា ឆ្នាំ២០២១ នេះ អភិបាលក្រុង រួមមន្ទីរសុខាភិបាល កម្លាំងកងរាជអាវុធហត្ថខេត្ត កម្លាំង
ខេត្តស្ទឹងត្រែង៖ នាព្រឹកថ្ងៃទី២៩ សីហា ឆ្នាំ២០២១ នេះ អភិបាលក្រុង រួមមន្ទីរសុខាភិបាល កម្លាំងកងរាជអាវុធហត្ថខេត្ត កម្លាំងនគរបាលក្រុង បានចុះអនុវត្តវិធានការក្តៅទៅលើអ្នកល្មើសបំរាមនៃការបិទខ្ចប់ក្នុងស្ថានភាពដែលរដ្ឋបាលខេត្តបានដាក់ចេញយ៉ាងម៉ឺងម៉ាត់ដើម្បីធានានូវសុខសុវត្តិភាពជូនប្រជាពលរដ្ឋ ខណៈរកឃើញករណីវិជ្ជមានកូវីដបំប្លែងថ្មីសរុបចំនួន៩៥នាក់ ។
អភិបាលក្រុងស្ទឹងត្រែង លោក សាយ កុសល បានបញ្ជាក់ក្នុងប្រតិបត្តិការនៃការអនុវត្តវិធានការគ្រានោះថា រដ្ឋបានអនវុត្ត
វិធានការណ៍ទី១-សំដៅលើការពាក់ម៉ាស ទី២-សំដៅលើការបិទខ្ទប់ ។ តែការអនុវត្តនេះគឺមិនតឹងតែងលើប្រជាពលរដ្ឋឡើយ ប្រសិនបុគ្គលណាមានបេសកកម្មលើភារកិច្ចការងារ ឬភាពចាំបាច់ប្រការណាមួយដែលមន្ត្រីសុខាភិបាល លោកគិតថា អនុគ្រោះគឺអោយគាត់បន្តដំណើរបាន តែត្រូវអនុវត្តតាមវិធានការរបស់ក្រសួងសុខាភិបាល និងអនុវត្តវិធានការរបស់រាជរដ្ឋាភិបាល គឺ៣កុំ និង៣ការពារ។
មន្ត្រីមន្ទីរសុខាភិបាលខេត្តស្ទឹងត្រែងបានមានប្រសាសន៍ថា ការអនុវត្តគឺដើម្បីពញាក់ស្មារតីប្រជាពលរដ្ឋកុំអោយភ្លេចខ្លួនក្នុងស្ថានភាពកំពុងផ្ទុះជំងឺកូវីដ១៩ ពិសេសមេរោគបំប្លែងថ្មី ដែលកំពុងផ្ទុះខ្លាំងគួរឱ្យព្រួយបារម្ភ ។ លោកបន្តថា ការអនុវត្តនេះកងកម្លាំងលោកបានឃាត់អ្នកធ្វើដំណើរចេញក្រៅដោយល្មើសបំរាមនៃការបិទខ្ទប់ប្រសិនមិនពាក់ម៉ាសពិន័យ ២០ម៉ឺនរៀល និងអាចពិន័យពី១លានរៀល ទៅដល់៥លាន ទៅតាមបទល្មើសជាក់ស្តែង។
លោក អៀង វ៉ាន់ឌី មេបញ្ជាការកងរាជអាវុធហត្ថខេត្តបានបញ្ជាក់ទៅកាន់ប្រជាពលរដ្ឋថា ដោយយោងតាមការឯកភាពពីអភិបាលខេត្ត គឺអនុគ្រោះមិនផាកពិយ័យបងប្អូនប្រជាពលរដ្ឋទេ គឺត្រូវអប់រំអោយធ្វើកិច្ចសន្យាត្រឡប់ទៅផ្ទះ តែបើអនុវត្តផាកពិន័យគឺត្រូវផាកពី១លានរៀទៅ២លានរៀល តាមច្បាប់វិធានការបិទខ្ទប់របស់រដ្ឋបាលខេត្ត។
គួរបញ្ជាក់ថាការរីករាលដាលនៃមេរោញបំម្លែងថ្មីបានផ្ទុះឡើងខ្លាំងរហូតមានអ្នកជំងឺផ្ទុកសរុបចំនួន៩៥នាក់ស្រី៥២នាក់បើគិតត្រឹមល្ងាចថ្ងៃទី២៨សីហា២០២១ ក្នុងនោះបានព្យាបាលជាសះស្បើយចំនួន២នាក់ផងដែរ៕
ចែករំលែកព័តមាននេះ