ខេត្តកំពង់ឆ្នាំង ៖ ផ្លែមាន និងផ្លែតាង៉ែនចំនួន៥តោនដែលជាអំណោយដ៏ថ្លៃថ្លារបស់សម្ដេចអគ្គមហាសេនាតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតប៊ុន រ៉ានី ហ៊ុនសែន ត្រូវបានលោកឧត្តមសេនីយ៍ទោ ឡេង ហុងតំណាង ឯកឧត្តម ហ៊ីង ប៊ុនហៀង មេបញ្ជាការអង្គរក្សសម្ដេចតេជោ ហ៊ុន សែន នាំយកប្រគល់រដ្ឋបាលសាលាខេត្តកំពង់ឆ្នាំង នាព្រឹកថ្ងៃទី២៨ សីហា នេះ ដើម្បីចែកជូនដល់ប្រជាពលរដ្ឋនៅតាមមណ្ឌលព្យាបាលជំងឺកូវីដ19 និងមណ្ឌលធ្វើចត្តាឡីស័ក្តនៅទូទាំងខេត្តកំពង់ឆ្នាំង ។
តាមការបញ្ជាក់របស់លោកឧត្តមសេនីយ៍ទោ ឡេង ហុង តំណាង ឯកឧត្តម ហ៊ីង ប៊ុនហៀង មេបញ្ជាការអង្គរក្ស សម្ដេចតេជោហ៊ុន សែន បានបញ្ជាក់ថា ផ្លែមាន និងផ្លែតាង៉ែនចំនួន៥តោននេះ គឺជាថវិកាផ្ទាល់របស់សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិតប៊ុន រ៉ានី ហ៊ុនសែន ដែលបានទិញពីប្រជាពលរដ្ឋនៅខេត្តប៉ៃលិន ដើម្បីឱ្យកងអង្គរក្សដឹកជញ្ជូនមកចែកជូន តាមបណ្តាខេត្តក្រុង នានា សម្រាប់ផ្តាល់ជូន ប្រជាពលរដ្ឋកំពុងតែសម្រាកព្យាបាលជំងឺកូវី19 នឹងកំពុងធ្វើចត្តាឡីស័ក នៅតាមមណ្ឌលចត្តាឡីស័កតាមមណ្ឌល និងតាមតំបន់បិទខ្ទប់ផងដែរ។
នៅក្នុងឱកាសនោះ លោកជំទាវ ប៊ន សុភី អភិបាលរងខេត្តកំពង់ឆ្នាំងបានថ្លែងអំណរគុណយ៉ាងជ្រាលជ្រៅចំពោះ សម្ដេចអគ្គមហាសេនាបតីតេជោ ហ៊ុន សែន និងសម្ដេចគតិព្រឹទ្ធបណ្ឌិតប៊ុន រ៉ានី ហ៊ុន សែន ដែលជានិច្ចកាលតែងតែគិតគូរសុខទុក្ខរបស់ប្រជាពលរដ្ឋ គ្រប់មូលដ្ឋានដែលកំពុងតែប្រយុទ្ធប្រឆាំងនឹងជំងឺកូវីដ19 ។
ជាក់ស្តែង ថ្ងៃនេះសម្ដេចទាំងទ្វេរបានឧបត្ថម្ភនូវ ផ្លែមាន និងផ្លែតាង៉ែន ចំនួន ៥តោនដល់រដ្ឋបាលសាលាខេត្តកំពង់ឆ្នាំង សម្រាប់ចែកជូនតាមមន្ទីរព្យាបាល កូវីត១៩ និងមណ្ឌលចត្តាឡីស័កទូទាំងខេត្ត ហើយ ផ្លែមានទាំងនេះនឹងដឹកបន្ត យកទៅតាមគោលដៅដោយមិនទុកយូឡើយ ដើម្បីឱ្យទាន់ពេលវេលានិងតម្រូវការរបស់អ្នកជំងឺនិងអ្នកកំពុងជាប់ធ្វើចត្តាឡីស័ក ៕
ចែករំលែកព័តមាននេះ