ខេត្តតាកែវ ៖ ចំពោះស្ថានភាពកូវីដ១៩នៅខេត្តតាកែវ ទោះបីជាប្រជាពលរដ្ឋយើងទូទៅទទួលបានការវ៉ាក់សាំងគ្រប់ៗគ្នាទៅហើយក៏ដោយ ក៏ការរីករាលដាលឆ្លងនៅតែបន្តកើនឡើងមិនបានថយសោះ ។ នេះបើតាមរបាយការណ៍ដែលកោះសន្តិភាពយើងទទួលបានពីមន្ទីសុខាភិបាលខេត្តនៅថ្ងៃទី២៦ សីហា ២០២១ ។…
ខេត្តតាកែវ ៖ ចំពោះស្ថានភាពកូវីដ១៩នៅខេត្តតាកែវ ទោះបីជាប្រជាពលរដ្ឋយើងទូទៅទទួលបានការវ៉ាក់សាំងគ្រប់ៗគ្នាទៅហើយក៏ដោយ ក៏ការរីករាលដាលឆ្លងនៅតែបន្តកើនឡើងមិនបានថយសោះ ។ នេះបើតាមរបាយការណ៍ដែលកោះសន្តិភាពយើងទទួលបានពីមន្ទីសុខាភិបាលខេត្តនៅថ្ងៃទី២៦ សីហា ២០២១ ។
លោកនុត ស៊ីណាត ប្រធានមន្ទីសុខាភិបាលខេត្តបានអោយដឹងថា ពេញមួយថ្ងៃទី២៥ សីហា មានក្រុមគ្រូពេទ្យនៅតែបន្តធ្វើតេស្កយកសំណាកចំពោះអ្នកដែលជាប់ពាក់ព័ន្ធជាមួយអ្នកមានជំងឺកូវីដនោះនៅតែបន្តរកឃើញមានឆ្លងមិនថយសោះ ក្នុងមួយរយៈមកនេះ ។ ហើយចំពោះអ្នកដែលធ្វើតេស្កឃើញមានឆ្លងថ្មីនោះមានចំនួន67នាក់ (ស្រី26នាក់) ។
លោកនុត ស៊ីណាត ប្រធានមន្ទីរសុខាភិបាលខេត្តបានបន្តទៀតថា ទន្ទឹមនឹងធ្វើតេស្ករកឃើញពីចំនួនអ្នកឆ្លងជំងឺកូវីដថ្មីនោះ នៅខេត្តតាកែវ មានប្រជាពលរដ្ឋក៏ដូចជាពលករកំពុងតែធ្វើចត្តាឡីស័កកំរិត២សរុប១៩៦នាក់ (ស្រី១០៣នាក់) ។
លោកប្រធានមន្ទីសុខាភិបាលខេត្តបានបញ្ជាក់ថា ចំពោះការធ្វើតេស្តវិជ្ជមានករណីថ្មី មានចំនួន៦៧នាក់ ស្រី២៦នាក់ នោះ បានកើតឡើងនៅលើស្រុកចំនួន៧ស្រុក ហើយចំនួនស្រុកទាំង៧នោះ មានតែស្រុកកោះអណ្តែតដែលបានឆ្លងជំងឺកូវីដ មានចំនួនច្រើនបើទោះជាស្រុកមួយនេះមានសំណាងជាងគេដែលបានចាក់វ៉ាក់សាំងរបស់អាមេរិកនោះតែទោះបីជាយ៉ាងក៏ដោយលោកឋគិន ភក្តី អភិបាលស្រុកកោះអណ្តែតបានប្រាប់កោះសន្តិភាពយើងតាមទូរស័ព្ទថាការផ្ទុះរីករាលដាលជំងឺកូវីដ នៅក្នុងស្រុករហូតឈានទៅបិទផ្សារកោះណ្តែតជាលើកទី២នោះគឺអាចបណ្តាលមកពីអាចឆ្លងមុនវ៉ាក់សាំងរបស់អាមេរិកមកដល់ព្រោះតែវ៉ាក់សាំងទើបមកដល់ទើបតែកន្លះខែទេអញ្ចឹងអ្នកដែលឆ្លងនោះគឺមិនទាន់ទទួលបានចាក់វ៉ាក់សាំងរបស់អាមេរិកទេ។
ស្រុកទាំង៧នោះមាន ៖
១-ស្រុកសំរោងចំនួន ០៣នាក់ ស្រី០១នាទី
២-ស្រុកគិរីវង់ ០១នាក់ ស្រី ០១នាក់
៣-ស្រុកព្រៃកប្បាស ០៦នាក់ ស្រី ០២នាក់
៤-ស្រុកអង្គរបុរី ០២នាក់ ស្រី០១នាក់
៥-ស្រុកកោះអណ្តែត ៤៨នាក់ ស្រី ១៦នាក់
៦-ស្រុកទ្រាំង ០៦នាក់ ស្រី០៤នាក់
៧-ស្រុកបូរីជលសា ០១ នាក់ ស្រី ០១ នាក់ ហើយចំពោះអ្នកជំងឺកូវីដ ថ្មីទាំង៦៧នាក់នោះត្រូវបានដាក់អោយព្យាបាលនៅតាមមន្ទីពេទ្យបង្អែកតាមស្រុក ចំណែកអ្នកពាក់ព័ន្ធបានអោយធ្វើចត្តាឡីស័ក្កនៅតាមសាលារៀនដែលនៅជិតបំផុត។
ចែករំលែកព័តមាននេះ