បងប្អូនជួបបញ្ហាខ្វះខាតស្បៀង ក្នុងកំឡុងពេលធ្វើចត្តាឡីស័ក ពិសេសនៅក្នុងតំបន់ហាមឃាត់ សូមទាក់ទងទៅអាជ្ញាធរ
- បន្ទាយមានជ័យ
ខេត្តបន្ទាយមានជ័យ៖ នៅព្រឹកថ្ងៃទី២៦ ខែសីហា ឆ្នាំ២០២១ ឯកឧត្តម អ៊ុំ រាត្រី អភិបាលខេត្ត បន្ទាយមានជ័យ អមដំណើរដោយលោក ហ៊ឹល…
ខេត្តបន្ទាយមានជ័យ៖ នៅព្រឹកថ្ងៃទី២៦ ខែសីហា ឆ្នាំ២០២១ ឯកឧត្តម អ៊ុំ រាត្រី អភិបាលខេត្ត បន្ទាយមានជ័យ អមដំណើរដោយលោក ហ៊ឹល…
ខេត្តបន្ទាយមានជ័យ៖ នៅព្រឹកថ្ងៃទី២៦ ខែសីហា ឆ្នាំ២០២១ ឯកឧត្តម អ៊ុំ រាត្រី អភិបាលខេត្ត បន្ទាយមានជ័យ អមដំណើរដោយលោក ហ៊ឹល រ៉ាយ៉ា អភិបាលក្រុងសិរីសោភ័ណ បាននាំយកអំណោយ ជាស្បៀងអាហារ ទៅចែកជូនពលរដ្ឋចំនួន ៣២៤គ្រួសារ ដែលកំពុងស្ថិតនៅ “តំបន់ក្រហម” ជាតំបន់បិទខ្ទប់នៅភូមិពង្រ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។ ឯកឧត្តម អ៊ុំ រាត្រី លើកឡើងថា បើបងប្អូន ជួបបញ្ហាខ្វះខាតស្បៀង ក្នុងកំឡុងពេលធ្វើចត្តាឡីស័ក ពិសេសនៅក្នុងតំបន់ហាមឃាត់នេះ សូមទាក់ទងទៅអាជ្ញាធរ។
ថ្លែងក្នុងឱកាសនោះ ឯកឧត្តម អ៊ុំ រាត្រី ក៏បានលើកឡើងថា ក្នុងដំណាក់កាលនៃការបិទខ្ទប់នេះ សូមបងប្អូនចូលរួមថែរក្សាសុខភាពឲ្យបានល្អ ត្រូវអនុវត្តឲ្យបានខ្ជាប់ខ្ជួននូវិធានការសុខាភិបាលក្នុងពេលធ្វើចត្តាឡីស័ក។ ជាមួយគ្នានោះ ដោយមានការគិតគូរពីសុខទុក្ខបងប្អូនប្រជាពលរដ្ឋ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា តែងតែចាត់ឲ្យក្រុមការងារនាំយកអំណោយមកចែកជូនដល់បងប្អូនពលរដ្ឋ សម្រាប់ដោះស្រាយបញ្ហាប្រចាំថ្ងៃ ពិសេសក្នុងដំណាក់កាលនៃការរីករាលដាលជំងឺកូវីដ-១៩។
ជាមួយគ្នានោះ ឯកឧត្តម អ៊ុំ រាត្រី បានបញ្ជាក់ថា ក្នុងនាមថ្នាក់ដឹកនាំ ពិសេសសម្តេចមិនដែលទុកបងប្អូនណាម្នាក់ ចោលឡើយ សម្តេចតែងតែរួមសុខ រួមទុក្ខជាមួយបងប្អូនទោះក្នុងដំណាក់កាលណាក៏ដោយ។ មួយវិញទៀត បើសិនបងប្អូនជួបបញ្ហាខ្វះខាតស្បៀង ក្នុងកំឡុងពេលធ្វើចត្តាឡីស័ក ពិសេសនៅក្នុងតំបន់ហាមឃាត់នេះ សូមទាក់ទង់ទៅអាជ្ញាធរ ដើម្បីធ្វើការដោះស្រាយជូនឲ្យបានទាន់ពេលវេលា៕ ណុប រក្សា
ចែករំលែកព័តមាននេះ