ខេត្តស្វាយរៀង ៖ នៅថ្ងៃទី២៦ ខែសីហា ឆ្នាំ២០២១ រដ្ឋបាលខេត្តស្វាយរៀងបានប្រកាសអត្តសញ្ញាណអ្នកវិជ្ជមានកូវីដ-១៩ ថ្មី ចំនួន០៦នាក់ ស្រី០៤នាក់ «ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ-១៩ចំនួន០១នាក់ លើអ្នកសង្ស័យ០៣នាក់ លើអ្នកធ្វើដំណើរមកចូលខេត្ត០១នាក់ «វិជ្ជមានកូវីដ-១៩»។ អ្នកពាក់ព័ន្ធផ្ទាល់៤៣នាក់។ ករណីវិជ្ជមានកូវីដ-១៩ថ្មី ចំនួន០៦នាក់ ស្រី០៤នាក់ ជាសះស្បើយថ្មី០៧នាក់ស្រី០៤នាក់ ករណីស្លាប់ថ្មី០១នាក់។ ស្ត្រីឈ្មោះ ព្រាប យ៉ែម អាយុ៦៩ឆ្នាំ មានទីលំនៅភូមិកោះត្រាច ឃុំថ្មី ស្រុកកំពង់រោទ៍ បានទទួលមរណភាពនៅគេហដ្ឋាន កាលពីថ្ងៃទី២៤ ខែសីហា ឆ្នាំ២០២១ ក្រុមការងារយកសំណាកធ្វើតេស្តរហ័សឃើញវិជ្ជមានកូវីដ-១៩។
តាមសេចក្ដីជូនព័ត៌មានរបស់ក្រសួងសុខាភិបាលថ្ងៃទី២៦ ខែសីហា ឆ្នាំ២០២១។ គិតត្រឹមថ្ងៃទី២៥ ខែសីហា ឆ្នាំ២០២១ ខេត្តស្វាយរៀងមានអ្នកវិជ្ជមានកូវីដ-១៩ សរុប៥,៤៨៥នាក់ ស្រី៣,០០១នាក់ ជាសះស្បើយសរុប ៥,១៨២នាក់ ស្រី២,៨៤៦នាក់ កំពុងសម្រាកព្យាបាលចំនួន១៨៧នាក់ ស្រី៧០នាក់។ ករណីស្លាប់កើនឡើង១២៩នាក់ ស្រី៨២នាក់។ ចំពោះអ្នកវិជ្ជមានកូវីដ-១៩ ចំនួន០៦នាក់ បានបញ្ជូនទៅមន្ទីរពេទ្យស្រុកស្វាយជ្រំ០២នាក់ ទៅមន្ទីរពេទ្យសាមគ្គីរំដួលចំនួន០២នាក់ បញ្ជូនទៅមណ្ឌលព្យាបាលជំងឺកូវីដ-១៩ ក្រុងបាវិតចំនួន០១នាក់ នៅផ្ទះម្នាក់។
និងសូមអំពាវនាវដល់បងប្អូនប្រជាពលរដ្ឋ កម្មករ កម្មការិនីដែលពាក់ព័ន្ធជាមួយអ្នកជំងឺកូវីដ-១៩ចូរមានការប្រុងប្រយត្ន័ដើម្បីទប់ស្កាត់ការឆ្លងរីករាលដាលកូវីដ-១៩ទៅសហគមន៍ រដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន។
ប្រសិនបើមានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ ទៅធ្វើតេស្តរកមេរោគ #កូវីដ១៩(#COVID-19) ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាកដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថាមានផ្ទុកជំងឺកូវីដ-១៩។ សម្រាប់អ្នកដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួនរយៈពេល ១៤ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងនោះ៕ ដោយ ៖ វ៉ាន់ ប៊ុនធឿន
ចែករំលែកព័តមាននេះ