មណ្ឌលអាងហែលទឹកខ្នាតអន្តរជាតិខេត្តបាត់ដំបងសង់រួចរាល់ជាស្ថាពរហើយ
- បាត់ដំបង
ខេត្តបាត់ដំបង ៖ មណ្ឌលអាងហែលទឹកខ្នាតអន្តរជាតិខេត្តបាត់ដំបង ដែលមានតម្លៃប្រមាណ២លានដុល្លារសហរដ្ឋអាមេរិក
ខេត្តបាត់ដំបង ៖ មណ្ឌលអាងហែលទឹកខ្នាតអន្តរជាតិខេត្តបាត់ដំបង ដែលមានតម្លៃប្រមាណ២លានដុល្លារសហរដ្ឋអាមេរិក
ខេត្តបាត់ដំបង ៖ មណ្ឌលអាងហែលទឹកខ្នាតអន្តរជាតិខេត្តបាត់ដំបង ដែលមានតម្លៃប្រមាណ២លានដុល្លារសហរដ្ឋអាមេរិក សាងសង់រួចរាល់ជាស្ថាពរហើយ ។ នេះបើតាមការឱ្យដឹងពីលោកហែម គីរីអគ្គលេខាធិការសហព័ន្ធខ្មែរកីឡាហែលទឹក ដែលលោកបានចុះទៅត្រួតពិនិត្យផ្ទាល់កាលពីថ្ងៃទី២១សីហា។នៅសល់តែការបំពាក់សម្ភារបន្ថែមតិចតួចប៉ុណ្ណោះបើនិយាយពីការងារធំៗគឺរួចរាល់អស់ហើយ។
លោកអគ្គលេខាធិការរូបនេះ បានឱ្យដឹងទៀតថា តាមពិតទៅសំណង់មួយនេះគ្រោងនឹងបញ្ចប់តាមផែនការតាំងពីខែកុម្ភះមកម្លេះ ប៉ុន្តែដោយសារបញ្ហាផ្ទុះជម្ងឺកូវីដ-១៩ ទើបមានការអូសបន្លាយរហូតដល់ខែសីហានេះតែម្ដង ។ ម្យ៉ាងវិញទៀតមណ្ឌលអាងហែលទឹកនៅលើទឹកដីនៃខេត្តបាត់ដំបងមួយនេះ គម្រោងដំណើរការសាងសង់មានរយៈ២៤ខែ ។ សាងសង់លើផ្ទៃដីទំហំ១១២មែត្រគុណនឹង៦៥ម៉ែត្រ ក្រោមគំនិតផ្ដួចផ្ដើមរបស់សម្ដេចក្រឡាហោម ស ខេង ឧបនាយរដ្ឋមន្ត្រី រដ្ឋមន្ត្រីក្រសួងមហាផ្ទៃ ហើយគោលបំណងសាងសង់មណ្ឌលអាងហែលទឹកនេះឡើង គឺដើម្បីឱ្យកីឡាករហែលទឹកនៅខេត្តបាត់ដំបងមានសកម្មភាពហ្វឹកហាត់ឡើងវិញ ក៏ដូចជាដើម្បីពង្រឹងសមត្ថភាពពួកគេផងដែរ ។
លោកបានបន្តថា ដូច្នេះយើងត្រូវការអាងហែលទឹកថ្មីមួយដែលមានលក្ខណៈស្តង់ដាត្រឹមត្រូវ និងមានទំហំដូចគ្នាទៅនឹងអាងហែលទឹកនៅខេត្តកំពង់ចាម មានអាងសម្រាប់ប្រកួតទំហំ២៥គុណនឹង៥០ម៉ែត្រ ជម្រៅពីរម៉ែត្រ អាងសម្រាប់លោតទឹកទំហំ២០គុណ២៥ម៉ែត្រ ជម្រៅ៤,៥០ម៉ែត្រ ប៉មលោតទឹកកម្ពស់១០ម៉ែត្រ មាន៣ថ្នាក់មួយថ្នាក់ទី១កម្ពស់៣,៥០ម៉ែត្រ ថ្នាក់ទី២កម្ពស់៧ម៉ែត្រ និងថ្នាក់ទី៣កម្ពស់១០ម៉ែត្រ ។ ហើយនៅមានកន្លែងសម្រាប់អ្នកអង្គុយទស្សនាផ្ទុកបានមនុស្ស៤០០នាក់និងកន្លែងសម្រាប់គណៈអធិបតីចំនួន៥០នាក់ផ្សេងទៀត ។ ក្រៅពីនោះក៏នៅមានបន្ទប់សម្រាប់ផ្លាស់ប្ដូសម្លៀកបំពាក់កីឡាករ បន្ទប់ទឹក ក៏ដូចជាបន្ទប់ទឹកជនពិការ និងកន្លែងចតរថយន្តដ៏ធំទូលាយផងដែរ ។ អាងហែលទឹកនៅខេត្តបាត់ដំបង ជាផែនការមេរបស់សហព័ន្ធខ្មែរកីឡាហែលទឹក ក្នុងការអភិវឌ្ឍន៍ និងបណ្ដុះបណ្ដាលកីឡាករ-កីឡាការិនីឈុតធំនិងថ្នាល សម្រាប់ត្រៀមប្រកួតកីឡាស៊ីហ្គេមលើកទី៣២ឆ្នាំ២០២៣ ដែលកម្ពុជាទទួលធ្វើជាម្ចាស់ផ្ទះ។
មណ្ឌលអាងហែលទឹកនេះមានទីតាំងស្ថិតនៅក្នុងបរិវេណសាកលវិទ្យាល័យខេត្តបាត់ដំបង ហើយត្រូវបានបើកការដ្ឋានសាងសង់នៅថ្ងៃទី១៤ សីហា ឆ្នាំ២០១៩ ក្រោមអធិបតីភាពសម្ដេចក្រឡាហោម ស ខេងនិងលោកទេសរដ្ឋមន្ត្រីស៊ុន ចាន់ថុល រដ្ឋមន្ត្រីក្រសួងសាធារណការនិងដឹកជញ្ជូន និងជាប្រធានសហព័ន្ធខ្មែរកីឡាហែលទឹក៕
ចែករំលែកព័តមាននេះ