ខេត្តក្រចេះ ៖ ក្រោយពីសមត្ថកិច្ចឃាត់ខ្លួនធ្វើការសាកសួរ ជនសង្ស័យបានឆ្លើយសារភាពថា ខ្លួនពិតជាមានអាវុធខ្លីចំនួន០១ដើម ម៉ាកGlock 19 ដែលខ្លួនបានទិញតាមអនឡាញ កាលពី០២ខែមុន និងបានបាញ់លេងអស់ចំនួន០៣គ្រាប់ពិតប្រាកដមែន។…
ខេត្តក្រចេះ ៖ ក្រោយពីសមត្ថកិច្ចឃាត់ខ្លួនធ្វើការសាកសួរ ជនសង្ស័យបានឆ្លើយសារភាពថា ខ្លួនពិតជាមានអាវុធខ្លីចំនួន០១ដើម ម៉ាកGlock 19 ដែលខ្លួនបានទិញតាមអនឡាញ កាលពី០២ខែមុន និងបានបាញ់លេងអស់ចំនួន០៣គ្រាប់ពិតប្រាកដមែន។
សូមបញ្ជាក់ថា ជនសង្ស័យម្នាក់ត្រូវបានសមត្ថកិច្ចធ្វើការឃាត់ខ្លួននៅអធិការដ្ឋាននគរបាលស្រុក ក្រោយពីរកឃើញពាក់ព័ន្ធករណីការកាន់កាប់ និងប្រើប្រាស់អាវុធដោយខុសខុសច្បាប់ ។
អធិកានគរបាលស្រុកស្នួលបានឲ្យដឹងថា នៅព្រឹកថ្ងៃទី២៣ សីហា ឆ្នាំ២០២១ សមត្ថកិច្ចជំនាញនៃអធិការដ្ឋាននគរបាលស្រុកស្នួល បានចុះបង្ក្រាបករណីកាន់កាប់ និងប្រើប្រាស់អាវុធខុសច្បាប់នៅចំណុចសណ្ឋាគារមួយកន្លែងឈ្មោះផាច់ ខៀវ ក្នុងបន្ទប់២០៥ ស្ថិតនៅភូមិជើងឃ្លូ ឃុំ២ធ្នូ ស្រុកស្នួល ខេត្តក្រចេះ ដោយឃាត់ខ្លួនជនសង្ស័យ ឈ្មោះ ផៃ ផល្លា ភេទប្រុស អាយុ ៣១ឆ្នាំជនជាតិខ្មែរ រស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ ជាមុខសញ្ញាធ្លាប់ជាប់ពន្ឋនាគារចំនួន០២លើករួចមកហើយ ពាក់ពន្ឋ័ករណីជួញដូរគ្រឿងញៀនកន្លងមក ។
មន្ត្រីនគរបាលបានបញ្ជាក់ថា ក្នុងក្នុងប្រតិបត្តិការនេះ សមត្ថកិច្ចបានចាប់យកសម្ភារវត្ថុតាងរួមមាន៖ អាវុធខ្លី០១ដើម ម៉ាកGlock19 ផលិតនៅUSA លេខ AEHX173 ពណ៌ខ្មៅ មានគ្រប់ចំនួន១២គ្រាប់, លុយខ្មែរចំនួន១១លានរៀល, ទូរស័ព្ទចំនួន០២គ្រឿង, កាបូបស្តាយចំហៀងចំនួន០១ និងម៉ូតូ០១គ្រឿងម៉ាកសូនិច ពណ៌ក្រហម ស៊េរីឆ្នាំ២០២០ គ្មានផ្លាកលេខ។
បច្ចុប្បន្នជនសង្ស័យខាងលើ ត្រូវបានឃាត់ខ្លួនជាបណ្តោះអាសន្ននៅអធិការដ្ឋាននគរបាលស្រុកស្នួល ដើម្បីកសាងសំណុំរឿង
បញ្ជូនទៅការិយាល័យជំនាញខេត្តចាត់ការបន្តតាមនីតិវិធី ។
ចែករំលែកព័តមាននេះ