ខេត្តស្វាយរៀង ៖ រដ្ឋបាលខេត្តស្វាយរៀង នៅថ្ងៃទី២១ សីហា ២០២១ បានប្រកាសអត្តសញ្ញាណអ្នកវិជ្ជមានកូវីដ១៩ថ្មីចំនួន១០នាក់ ស្រី០២នាក់ «ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ ចំនួន០១នាក់ អ្នកសង្ស័យ០២នាក់ក្នុងនោះអ្នកដំណើរចូលមកខេត្តម្នាក់លើប្រជាពលរដ្ឋមកពីប្រទេសវៀតណាមដែលកំពុងធ្វើចត្តាឡីសក័០៦នាក់«វិជ្ជមានកូវីដ១៩»។ អ្នកពាក់ព័ន្ធផ្ទាល់១៤នាក់ ។
ករណីវិជ្ជមានកូវីដ១៩ថ្មីចំនួន១០នាក់ ស្រី០២នាក់ ជាសះស្បើយថ្មី២៩នាក់ ស្រី១៣នាក់ ករណីស្លាប់ថ្មី០១នាក់ ។ ស្ត្រីឈ្មោះ លុយ សំអាត អាយុ៧១ឆ្នាំ ជាប្រជាពលរដ្ឋ មានទីលំនៅភូមិស្វាយរៀងសង្កាត់ស្វាយរៀងក្រុងស្វាយរៀង ក្រុមការងារយកសំណាកធ្វើតេស្តរហ័ស នៅថ្ងៃទី១៧ សីហា ២០២១ បានទទួលមរណភាព នៅថ្ងៃទី២០ សីហា ២០២១ នៅមន្ទីរពេទ្យស្រុកស្វាយជ្រំ ។
គិតត្រឹមថ្ងៃទី២០ សីហា ២០២១ ខេត្តស្វាយរៀង មានអ្នកវិជ្ជមានកូវីដ១៩សរុប៥,៤៣២នាក់ ស្រី២,៩៧១នាក់ ជាសះស្បើយសរុប៥,១០៣នាក់ស្រី២,៨២០នាក់ កំពុងសម្រាកព្យាបាលចំនួន១៩៥នាក់ស្រី៦៨នាក់ ។ ករណីស្លា.ប់កើនឡើង១២៧នាក់ ស្រី៨០នាក់ ។
ចំពោះអ្នកវិជ្ជមានកូវីដ១៩ចំនួន១០នាក់ បានបញ្ជូនទៅមន្ទីរពេទ្យស្រុកស្វាយជ្រំ០១នាក់ ទៅមន្ទីរពេទ្យសាមគ្គីរំដួលចំនួន២នាក់បញ្ជូនទៅមណ្ឌលព្យាបាលជម្ងឺកូវីដ១៩ ក្រុងបាវិតចំនួន០៧នាក់ ។
សូមអំពាវនាវដល់បងប្អូនប្រជាពលរដ្ឋ កម្មករ កម្មការិនី ដែលពាក់ព័ន្ធជាមួយអ្នកជំងឺកូវីដ-១៩ ចូលមានការប្រុងប្រយ័ត្ន ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍ រដ្ឋបាលខេត្តស្វាយរៀង សូមអំពាវនាវដល់បងប្អូនប្រជាពលរដ្ឋដែលពាក់ព័ន្ធជាមួយអ្នកជំងឺកូវីដ-១៩ ខាងលើ សូមបងប្អូនដែលពាក់ព័ន្ធទាំងផ្ទាល់ និងប្រយោល សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោហ៊ុនសែន ៕
ចែករំលែកព័តមាននេះ