កូរ៉េខាងត្បូងជាប្រទេសជាប់លេខ២លើពិភពលោក ដែលមានមនុស្សសម្លា.ប់ខ្លួនច្រើនជាងគេ ។ ស្ថិតចំពោះមុខសភាពការណ៍មនុស្សសម្លា.ប់ខ្លួនប្រមាណ៤០នាក់ ក្នុងមួយថ្ងៃបែបនេះ មជ្ឈមណ្ឌលព្យាបាលជំងឺ Hyonwon
កូរ៉េខាងត្បូងជាប្រទេសជាប់លេខ២លើពិភពលោក ដែលមានមនុស្សសម្លាប់ខ្លួនច្រើនជាងគេ ។ ស្ថិតចំពោះមុខសភាពការណ៍មនុស្សសម្លាប់ខ្លួនប្រមាណ៤០នាក់ ក្នុងមួយថ្ងៃបែបនេះ មជ្ឈមណ្ឌលព្យាបាលជំងឺ Hyonwon នៅទីក្រុងសេអ៊ូល ក៏បើកថ្នាក់បង្រៀនអំពីការស្លាប់ ដែលថ្នាក់បង្រៀននេះទាក់ទាញបានយុវជនជាច្រើន ។ ពេលទៅដល់មជ្ឈមណ្ឌល សិក្ខាកាមទាំងអស់ត្រូវសរសេរសំបុត្រមួយទៅមនុស្សជាទីស្រទ្បាញ់របស់ខ្លួន ដោយចង់ផ្តាំផ្ញើយ៉ាងម៉េចខ្លះ ចង់និយាយលាអ្នកណាខ្លះ ត្រូវសរសេរក្នុងនោះឱ្យអស់ រួចហើយចូលដេកក្នុងមឈូសម្នាក់មួយ ព្រមទាំងឱបរូបថតរបស់ខ្លួនផង បន្ទាប់មកទៀតស្នូរភ្លេងបុណ្យខ្មោច និងសំទ្បេងសូត្រធម៌ ត្រូវបានបន្លឺទ្បើងទ្រហឹងដូចពិធីបុណ្យខ្មោចពិតៗ ។ មានអីក្រោយពីឆ្លងកាត់នាទី«មរណៈ» បែបនេះ ស្រាប់តែ ម្នាក់ៗចាប់ផ្តើមខ្លាចស្លាប់ញ័រខ្លួន ហើយប្រឹងរស់តទៅទៀតទោះកំពុងពិបាកចិត្តយ៉ាងណាក៏ដោយ ។
លុយ១០០០ផោនអេហ្ស៊ីបនៅក្នុងពោះមនុស្ស
បុរសអេហ្ស៊ីបលាក់ឈ្មោះម្នាក់ចូលមន្ទីរពេទ្យជាបន្ទាន់ ដោយសារឈឺពោះប្រកាច់ប្រកិន ។ ក្រុមវេជ្ជបណ្ឌិតសង្ស័យអ្នកជំងឺមានបញ្ហាពោះវៀនកម្រិតធ្ងន់ ក៏ថតកាំរស្មី X ។ ប៉ុន្តែហ្វ៊ីលថតកាំរស្មីបង្ហាញឱ្យឃើញមូលហេតុនៃការឈឺពោះផ្សេងទៅវិញ ដែលមូលហេតុនោះនាំឱ្យអ្នកជំងឺក្រោយពីជាសះស្បើយ ត្រូវនាំខ្លួនទៅប៉ុស្តិ៍ប៉ូលិសដើម្បីសួរចម្លើយទៀត ។
តាមពិតក្រុមវេជ្ជបណ្ឌិតរកឃើញក្នុងពោះអ្នកជំងឺមានលុយផោនអេហ្ស៊ីបមួយដុំស្រោបដោយស្រោមដៃនីទ្បុងស្តើង ។ ពេលវះកាត់យកលុយនោះចេញរាប់ឃើញមានរហូតដល់១០០០ផោនអេហ្ស៊ីបឯណោះ ។ តាមមើលបុរសនេះធ្លាប់ផឹកថ្នាំបញ្ចុះទម្លាក់ដុំលុយចេញពីពោះដែរ តែវាមិនចេញទើបធ្វើឱ្យឈឺពោះធ្ងន់បែបនោះ ។ ក្រោយពេលជាសះស្បើយអ្នកជំងឺចម្លែកនោះត្រូវប៉ូលិសហៅទៅសួរចម្លើយ តើលុយ១០០០ផោនអេហ្ស៊ីបនោះជាលុយរកស៊ីមានបានដោយខ្លួនឯង ឬលុយលួចគេ ? បើលុយខ្លួនឯងហេតុម៉េចចាំបាច់លេបចូលលាក់ក្នុងពោះ ៕
ចែករំលែកព័តមាននេះ