ស្វាយរៀង រកឃើញអ្នកវិជ្ជមានកូវីដ១៩ ថ្មី ១៦នាក់ថែមទៀត និងជាសះស្បើយ ២៨នាក់
- ស្វាយរៀង
ខេត្តស្វាយរៀង៖ នៅថ្ងៃទី១៩ ខែសីហា ឆ្នាំ២០២១ នេះ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ១៦នាក់…
ខេត្តស្វាយរៀង៖ នៅថ្ងៃទី១៩ ខែសីហា ឆ្នាំ២០២១ នេះ រដ្ឋបាលខេត្តស្វាយរៀង បានប្រកាសនូវអត្តសញ្ញាណអ្នកវិជ្ជមានកូវីដ១៩ ថ្មី ចំនួន ១៦នាក់ ( ស្រី ៦នាក់)។ ក្នុងនោះ ករណីឆ្លងលើអ្នកប៉ះពាល់ផ្ទាល់ជាមួយអ្នកកូវីដ១៩ ចំនួន ២នាក់ អ្នកសង្ស័យ ២នាក់ លើអ្នកដំណើរចូលមកក្នុងខេត្ត ដែលជាជាងធ្វើផ្ទះ ៨នាក់ លើអ្នកមកពីខេត្តមណ្ឌលគិរី ម្នាក់ និងពលករមកពីប្រទេសថៃ ចំនួន ៣នាក់។ រីឯអ្នកជាសះស្បើយថ្មី ចំនួន ២៨នាក់ (ស្រី ១៥នាក់)។
ចំពោះអ្នកវិជ្ជមានកូវីដ១៩ ចំនួន ១៦នាក់ ត្រូវបានបញ្ជូន ទៅសម្រាកព្យាបាលនៅមន្ទីរពេទ្យស្រុកស្វាយជ្រំ ៣នាក់ បញ្ជូនទៅមណ្ឌលព្យាបាលជំងឺកូវីដ១៩ ក្រុងបាវិត ចំនួន ១៣នាក់។
គិតត្រឹមថ្ងៃទី១៨ ខែសីហា ឆ្នាំ២០២១ នៅខេត្តស្វាយរៀង មានអ្នកវិជ្ជមានកូវីដ១៩ សរុប ៥,៤១៧នាក់ (ស្រី ២,៩៦៩នាក់) ជាសះស្បើយសរុប ៥,០៤៤នាក់ (ស្រី ២,៧៩១នាក់) កំពុងសម្រាកព្យាបាលចំនួន ២៤១នាក់ (ស្រី ៩៦នាក់)។ ករណីស្លាប់កើនឡើង ១២៥នាក់ ស្រី ៧៩នាក់។
រដ្ឋបាលខេត្តស្វាយរៀង ក៏បានប្រកាសអំពាវនាវដល់បងប្អូនប្រជាពលរដ្ឋ កម្មករកម្មការិនី ដែលពាក់ព័ន្ធជាមួយអ្នកជំងឺកូវីដ-១៩ ខាងលើ សូមប្រុងប្រយ័ត្ន ដើម្បីទប់ស្កាត់ការឆ្លងរីករាលដាលកូវីដ១៩ ទៅសហគមន៍។ អ្នកពាក់ព័ន្ធជាមួយអ្នកជំងឺកូវីដ-១៩ ខាងលើ សូមធ្វើចត្តាឡីស័កតាមដានសុខភាព អនុវត្តតាមវិធានការណែនាំរបស់ក្រសួងសុខាភិបាល និងវិធានការ ៣ការពារ ៣កុំ របស់សម្ដេចតេជោ ហ៊ុន សែន។
ប្រសិនបើមានរោគសញ្ញា ដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬសង្ស័យ សូមមេត្តាប្រញាប់ ទៅធ្វើតេស្តរកមេរោគ #កូវីដ១៩(#COVID-19) ដែលមានទីតាំងនៅជិតផ្ទះ ឬផ្ដល់ព័ត៌មានទៅអាជ្ញាធរមូលដ្ឋាន ឬទៅយកវត្ថុវិភាគសំណាកនៅប៉ុស្ដិ៍យកសំណាក ដែលនៅជិតផ្ទះ ឬទំនាក់ទំនងមកក្រុមការងារស្រាវជ្រាវ និងតាមដានបុគ្គលសង្ស័យថា មានផ្ទុកជំងឺកូវីដ-១៩ ខេត្ត តាមលេខទូរសព្ទ 044 712 522 ឬ 097 503 4567 ដើម្បីមានវិធានការបន្ត។
សម្រាប់អ្នក ដែលគ្មានរោគសញ្ញា សូមដាក់ខ្លួនដាច់ដោយឡែក និងតាមដានសុខភាពរបស់ខ្លួន រយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬទៅទីកន្លែងទាំងនោះ៕ វ៉ាន់ ប៊ុនធឿន
ចែករំលែកព័តមាននេះ